• Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել

  Միայնակ ամերիկացին, ով հուսահատ սեր է փնտրում, որոշել է շաբաթական 400 դոլար արժողությամբ հսկայական գովազդային վահանակ տեղադրել՝ ամուսնանալու հույսով․․․

• Օպտիկական պատրանքը կարող է ցույց տալ՝ որքան «փակ մարդ եք» դուք

  Օպտիկական պատրանքը կարող է բացահայտել՝ արդյոք դուք «փա՞կ» մարդ եք, թե՞ չափազանց «շփվող»…

• Դավաճանություն՝ քնած ժամանակ. ի՞նչ են նշանակում անհավատարմության մասին երազները

  Ամուսնուն/կնոջը դավաճանելը ոմանց համար մղձավանջային սցենար է…

• Մարկ Ցուկերբերգն ապացուցում է, որ մորուքով տղամարդիկ ավելի գրավիչ են

  Մորուքով տղամարդիկ ավելի գրավիչ են։ Մարկ Ցուկերբերգի խմբագրված լուսանկարը․․․

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

Մի անգամ ծանոթներիցս մեկը, ով մշտապես պոտենցիալ կնոջ որոնումների մեջ է, սոցիալական ցանցում հիանալի գեղեցկուհու լուսանկար ցույց տվեց: Միայն նրա պատկերն այնպիսի բուռն զգացմունքներ էր առաջացրել, որ նա բազմացման շրջանում գտնվող արու փոկ էր հիշեցնում, բայց իմ ոգեւորող՝ «Դե, գործի անցիր» արտահայտությանն ի պատասխան փիլիսոփայորեն հայտարարեց. «Այդպիսինների հետ չեն ամուսնանում, նրանց սիրում են»:

Բնականաբար, այդ ցինիկ աչտահայտությունն ինձ մոտ արդար վրդովմունք առաջացրեց: Բարկությունս ու ատելությունս թափվեց «փիլիսոփայի» գլխին, ես գործի դրեցի իմ ամբողջ պերճախոսությունը: Ամեն դեպքում, իմ ֆեմինիստական խոսքի ավարտին չկարողացա զերծ մնալ մի քանի կոշտ արտահայտություններից, որոնցից ամենանորմալը «թուլամորթն» ու «վախկոտն» էր:

Իմ «հակառակորդին» պետք է  արժանին հատուցել, ով կանացի գիտակցության այս ամբողջ շարքը լսեց  մեծ համբերությամբ: Եվ չնայած նրա տղամարդկային կասկածելի կայացվածությանն ուղղված իմ «երկաթյա փաստարկներին», շարունակեց պնդել իր տեսակետը. «Կանայք կան, որոնց հետ չեն ամուսնանում, իսկ կան նաեւ այնպիսիք, որոնց բանաստեղծություններ են նվիրում»: Հետո հաջորդեց ոչ պակաս կրակոտ մենախոսություն, որը ես կփորձեմ բառացիորեն փոխանցել այնքանով, որքանով ինձ թույլ կտա հիշողությունս:

«Այդպիսի կանայք իդեալ են: Նրանց մոտ ամեն ինչ հիանալի է՝ ոտքերից մինչեւ մազեր: Նրանցով հիանում են, նրանց ցանկանում են աշխարհի բոլոր տղամարդիկ, բայց նրանց մեջ ինչ-որ վաղանցիկ բան կա, նրանք պատրանքի են նման, որոնք լուծվում են, լեզվի վրա քաղցր դառնություն են թողնում եւ բարկության նվվացող զգացում: Այդպիսի կնոջը չի կարելի մինչեւ վերջ տիրանալ, դու հստակ գիտակցում ես, որ նա չափազանց հիասքանչ է, որպեսզի քեզ ամբողջությամբ տրվի, ու եթե նույնիսկ այդպես լինում է, դու չես ցանկանում հավատալ: Մենք՝ տղամարդիկս, «սեւ ռոմանտիկներ» ենք: Մեզ անհրաժեշտ է այդ «femme fatale»-ը, որն իր մեջ միավորում է գեղեցկությունն ու փչացածությունը: Այդ գրգռում է, ի դեպ՝ ոչ միայն մարմինը, այլեւ ուղեղը: Ինչպես կանայք են սիրում «խուլիգաններին», այնպես էլ մենք նախընտրում ենք «վատ աղջիկներին», բայց, ի տարբերություն ձեզ, չենք փորձում նրանց փոխել, փրկել կամ շտկել: Ո՛չ, մենք հիանում ենք այդ «փչացածությամբ», որը երբեմն միայն պատրանք է, բայց այնքան քաղցր, որ դրանից չես ցանկանում ազատվել, ավելին, իմ կարծիքով, այդ նույնիսկ մեղք է: Չափազանց գեղեցիկ կինը, մեր պատկերացումներում, ՊԵՏՔ Է փչացած լինի, քանի որ այդ նրա գեղեցկությանը յուրահատուկ հմայք է տալիս, մեզ ստիպում է բանաստեղծություններ գրել եւ սարեր շրջել: Այդ հիանալի կնոջ իդեալ է, որը մենք չենք ցանկանում փչացնել այնպիսի սովորական գործողությամբ, ինչպիսին ամուսնությունն է»:

Մի խոսքով՝ այսպիսին էին ծանոթիս փիլիսոփայական հայացքները, որոնք, ամբողջ պոետականությամբ հանդերձ, ինձ չհամոզեցին, բայց ստիպեցին մտածել: Ամուսնական կապերից խուսափելու համար տղամարդը պատրաստ է ցանկացած պատճառաբանության եւ վերը նշված ծանոթս (ի դեպ՝ դեռ ամուրի է) դրա վառ ապացույցն է: Սակայն, մյուս կողմից, ցանկանում եմ հավատալ, որ աշխարհում կան նրա նկարագրած կանայք, ովքեր վրեժ են լուծել տղամարդկանցից մեր բոլորի փոխարեն: Քանի որ նրանք տղամարդկանց ոչ միայն ցուցադրում են իրենց անօգնական լինելն ու թուլությունը, այլեւ ապացուցում են մեզ՝ ավելի սովորական, բայց ոչ պակաս հիանալի կանանց, որ «այդպիսինների հետ չեն ամուսնանում» կարգավիճակով կարելի է եւ պետք է հպարտանալ:

Էմմա Օ.

Հետևեք NEWS.am STYLE-ին Facebook-ում, Twitter-ում և Instagram-ում