Բանանը չափազանց հարմար է կնճիռների դեմ դիմակներ պատրաստելու համար: Երիտասարդացնող դիմակների պարբերական օգտագործումն օգնում է նկատելի արդյունքի հասնել: Դրա վկայությունն է այն, որ ժողովրդական բաղադրատոմսերով դիմակներն օգտագործում եւ խորհուրդ են տալիս նույնիսկ պրոֆեսիոնալ կոսմետոլոգները: Մեծ քանակությամբ վիտամիններ եւ օգտակար նյութեր պարունակող արեւադարձային մրգերը շատ տարածված են կոսմետիկ տարբեր միջոցների բաղադրատոմսերում, սնուցող եւ խոնավեցնող կրեմներում եւ լոսյոններում: Բացի մաշկն օգտակար տարրերով հագեցնելուց, կարող եք նաեւ մաքրել այն. այդ մրգերում առկա թթուները հեռացնում են մաշկի մեռած բջիջները եւ հավասարեցնում դեմքի մաշկի գույնը:
Կնճիռների դեմ բանանով դիմակը դեմքի խնամքի հրաշալի կոսմետիկ միջոց է: Բանանը մեծ քանակությամբ կենսաբանական ակտիվ նյութեր է պարունակում, որոնք բարերար ազդեցություն են ունենում մաշկի վրա: Դիմակի ազդեցությամբ դանդաղում է մաշկի ծերացման գործընթացը, այն սնուցվում է, փափկում, իսկ դիմակում առկա մեծ քանակությամբ C վիտամինը կանխում է կնճիռների առաջացումը:
Նման դիմակների հիմք հանդիսացող բանանը լավ է ցանկացած տիպի մաշկի համար, սակայն դիմակի մեջ այլ բաղադրիչներ ավելացնելով, օրինակ՝ ձվի դեղնուց, թթվասեր, եթերային յուղեր, կավ, կարելի է մասնագիտական միջոց ստանալ, որը կօգնի լուծել որոշակի տեսակի մաշկի խնդիրները:
Բանանով դիմակներ կնճիռները վերացնելու համար
Այդ դիմակները հարթեցնում եւ երիտասարդացնում են մաշկը: Դեմքի մաշկը կանայք առանձնահատուկ են խնամում, այդ պատճառով էլ դիմակներն առավել հաճախ կիրառվում են դեմքի համար:
«Շտապ օգնություն»
Անվանումը պատահական չէ. ընդամենը մեկ գործողությունը զգալի արդյունք է տալիս:
Բաղադրությունը. 1-ական թ/գ բանանի եւ խնձորի խյուս, 1 թ/գ ձիթապտղի ձեթ, 1 ձվի դեղնուց: Բոլոր բաղադրիչները լավ խառնել, զանգվածն ավելի պինդ դարձնելու համար կարելի է փոքր-ինչ ցորենի ալյուր ավելացնել: Դիմակը քսել դեմքին, դեկոլտեի հատվածին եւ պարանոցին, 20 րոպե անց լվանալ գոլ ջրով: Հրաշալի արդյունք կարելի է ստանալ՝ այն կիրառելով մեկ ամիս, 3-4 օրը մեկ անգամ:
«Սնուցող»
Բաղադրությունը. 1 միջին չափի բանան, 2 ճ/գ սերուցք, 2 թ/գ մեղր: Բաղադրիչները խառնել այնքան (ցանկալի է հարիչով), մինչեւ միատարր զանգված դառնա: Դիմակը քսել մաքուր մաշկին: 15 րոպե անց մաքրել հանքային ջրի մեջ թրջած բամբակե բարձիկով: Այս դիմակը հարկավոր է կիրառել շաբաթը 2-3 անգամ:
Բանանով այս դիմակները սնուցող եւ խոնավեցնող արդյունք ունեն, մաշկին տոնուս են հաղորդում եւ երիտասարդացնում այն:
Աղբյուրը՝ Fancy
Հետևեք NEWS.am STYLE-ին Facebook-ում, Twitter-ում և Instagram-ում
20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ