Ֆրանսահայ երգիչ Եսայի Ալթունյանն, ով արդեն մի անգամ եկել է Հայաստան եւ երգել Էմմի հետ, վերջերս նոր տեսահոլովակ է թողարկել «Family» երգի հիման վրա։ Եսային եւ երգիչ է, եւ երգահան, եւ պրոդյուսեր, եւ երգերի գործիքավորող։ Տարբեր տարիների ընթացքում նա երգեր է գրել Միշել Լեգրանի, Ամել Բենթի, Էնթոնի Կավանայի, Մայքլ Յունի, Ջենիֆերի եւ ֆրանսիացի այլ հայտնի կատարողների համար։
NEWS.am STYLE-ի հետ զրույցում երգիչը պատմել է իր ապագա ծրագրերի եւ Հայաստանում երգելու մասին։
Եսայի, դու մի նոր մակարդակի եւ բարձունքի ես հասել եւ քեզնով հետաքրքրված են ամերիկացի հայտնի պրոդյուսերներ, այդպե՞ս է։
Այո, վերջերս Լոս Անջելեսում էի, որտեղ ես՝ սովորական մի հայ տղա, պայմանագիր կնքեցի հայտնի ամերիկացի երաժշտական պրոդյուսերի՝ Բերի Կորդիի հետ, ով հիմնադրել է «Motown Records»-ը, ինչպես նաեւ շատ այլ հայտնի ընկերություններ։ Սա մեծ հաջողություն է ինձ համար, քանի որ ինձնով հետաքրքրվել է մի մարդ , ով աշխատել է Jackson five-ի, Լայնել Ռիչի, Դայանա Ռոսի հետ, եւ նա աշխարհահռչակ Redfoo-ի հայրն է։
Ո՞վ է քեզ օգնել թողարկել քո առաջին սինգլը ԱՄՆ-ում։
Ես ուրախ եմ, որ իմ առաջին սինգլը՝ FAMILY-ին, Ամերիկայում թողարկել եմ աշխատելով հենց նրա հետ։ Երգը կա նաեւ iTunes, Amazone, Spotify, եւ այն պտտվում է Լոս Անջելեսի ռադիոկայաններում։ Հիմա ես պատրաստում եմ մի նոր երգ, որը կներկայացնեմ սեպտեմբերին։ Այժմ ես սերտորեն համագործակցում եմ նրա հետ եւ հուսով եմ, որ կուրախացնեմ իմ երկրպագուներին նոր ստեղծագործություններով, որոնք ժամանակի ընթացքում կհասնեն այլ մակարդակի։Հայերը շատ աշխատասեր ազգ են, եթե շատ աշխատես, ապա կարելի է հասնել ցանկացած նպատակի, որը դու դնում ես քո առջեւ։
Իսկ ի՞նչ կասեք Հայաստանում երգելու մասին։
Օ՜, այո, շատ կցանկանայի։ Ես մեծ հաճույքով կերգեի Հայաստանում։ Ինձ համար միշտ էլ հաճելի է գալ Հայաստան, նորից վերագտնել եւ բացահայտել ինձ, իմ արմատներն ու իմ պապերի հայրենիքը։ Ինձ համար մեծ պատիվ կլինի Հայաստանում երգելու հրավեր ստանալ։
Պատրաստեց՝ Պարույր Սինյավսկին
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը