Հայ երգիչ EDGAR-ը, ով հայտնի է իր «Позови» երգով, եւ ռուս ռեփեր Դինո МС47 (ի դեպ, շնորհավորում ենք նրան, քանի որ շաբաթ օրը նա հայր է դարձել) ներկայացրել են իրենց համատեղ «Сожжены мосты» երգը Մոսկվայում էլիտար ակումբներից մեկում՝ Soho Rooms-ում։ Երգը դառնալու է այս ամռան հիթը։ Կատարողներին շնորհավորելու էին եկել ռուս եւ հայ մի շարք աստղեր։ . NEWS.am STYLE-ին հաջողվել է ներկա լինել շնորհանդեսին եւ հայտնիներից մի քանիսի հետ հարցազրույց վարել եւ մեկնաբանություններ լսել կատարողների մասին։
Դուետի միտքը EDGAR-ինն է եղել։ Նա, Իրակլի Պիրցխալավայի ձայնագրման ստուդիայում ծանոթանալով Դինոյի հետ, առաջարկել է ռեփերին համատեղ դուետով ներկայանալ։ Խոսքերն ու երաժշտությունը գրել է EDGAR-ը, իսկ երգի ռեփը գրել է Դինոն։ Տեսահոլովակը նկարահանվել է Մոսկվայում. ռեժիսոր՝ Կլիմ Պոպլավսկի։
Դոմինիկ Ջոկեր. «Կարծում եմ՝ գաղափարը շատ հետաքրքիր է։ Վառ եւ ուժեղ լիրիկա ունեցող Դինո МС47 համադրվում է EDGAR-ի հզոր վոկալային տվյալներով՝ ստեղծելով հավերժական սիրո մի պատություն։ Իսկ ինչ վերաբերում է տեսահոլովակին, ապա այն բավականին պայծառ ու բարի է ստացվել, որն այժմ բավականին հազվագյուտ երեւույթ է. իսկ բարի կարող են լինել միայն ուժեղ մարդիկ...»։
Պրոդյուսեր Սոֆիա Ղուլյան. «Ես հայրենասեր եմ եւ շատ եմ ուրախանում, երբ տեսնում եմ, որ մեր հայ երիտասարդները լավ աշխատանքներ են ներկայացնում։ Շատ ուրախ եմ որ այս նախագիծը կայացել է։ Երբ EDGAR-ը ցույց տվեց ինձ երգը, ես միանգամից հավանեցի այն, եւ համոզված էի, որ ունկնդիրն էլ է հավանելու այն։ Անձամբ ինձ դուր է գալիս եւ երգը, եւ տեսահոլովակը։ Տղաներին ի սրտե մաղթում եմ, որ երգը հիթ դառնա»։
Հումորիստ Կարեն Ավանեսյան. «Ես շատ հավանեցի եւ տեսահոլովակը, եւ երգը։ Շատ դինամիկ նախագիծ է ստացվել։ Ես ծանոթ եմ EDGAR-ի հետ, քանի որ մասնակցել եմ իր տեսահոլովակներից մեկի նկարահանումներին, բայց այս աշխատանքը մեծապես տարբերվում է մյուսներից։ Նա ցույց տվեց, որ կայանում է որպես արտիստ»։
Ռեփեր Բատիշտա. «Այժմյան շոու-բիզնեսում շատ քիչ աշխատանքներ կան, որոնք գովեստի խոսքերի են արժանի։ Կարծում եմ, որ «Сожжены мосты»-ն դրանցից մեկն է։ Իսկ EDGAR-ն ու Դինոն հիանալի կերպով լրացնում են միմյանց։ Կարծում եմ, որ ունկնդիրը իսկապես կգնահատի այն»։
Երգիչ Իրակլի Պիրցխալավա. «Քանի որ ես իմ փոքրիկ լուման ունեմ այս դուետի կայացման գործում, ապա կարող եմ ինձ թույլ տալ գովել EDGAR-ին ու Դինոյին։ Ես տեսել եմ, թե ինչպես է ստեղծվում երգը, եւ շատ ուրախ եմ, որ տեսահոլովակն էլ է շատ լավը. լուրջ, հաճելի եւ արժանի։ Այդպես էլ շարունակեք»։
«Հաջողություն եւ բարձր տրամադրություն, դիտեք մեր տեսահոլովակը, եւ թող որ այն Ձեզ միայն դրական էմոցիաներ պարգեւի»,- NEWS.am STYLE-ի ընթերցողներին մաղթեց Դինոն։ Իսկ EDGAR-ը հավելեց. «Բոլոր ընթերցողներին խաղաղություն եւ բարություն եմ մաղթում։ Բոլորին մաքուր, անկեղծ եւ իրական սեր եմ ցանկանում...»։
Պատրաստեց՝ Մարինա Գրիգորյանը
Հետևեք NEWS.am STYLE-ին Facebook-ում, Twitter-ում և Instagram-ում
09:00, 17 մայիսի
ՄԱՅԻՍԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել22:28, 16 մայիսի
Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում21:29, 16 մայիսի
«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ20:28, 16 մայիսի
InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել19:04, 16 մայիսի
Ալեքսանդր Դուլին. «Ես անսահման ուրախ եմ Հայաստան վերադառնալու համար»16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը14:05, 16 մայիսի
Սամվելը, Անին, Արսենն ու Հայկուհին՝ այսուհետ «Ազգային band»-ում13:16, 16 մայիսի
«Պետք է կարողանանք լսել, որ չմնանք «փահլեւան»–ի կարգավիճակում»․ Ռաֆայել Երանոսյանի նոր մոնոներկայացման պրեմիերան (Ֆոտո)12:32, 16 մայիսի
Գեւորգ Մկրտչյանն իր ծննդյան 26-ամյակին իրեն շքեղ նվեր է արել (VIDEO)