• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Աննա եւ Անահիտ Մխիթարյան քույրերը երաժիշտներ են։ Թվում է, թե յուրահատուկ ոչինչ չկա։ Գեղեցիկ, երիտասարդ աղջիկներ, ովքեր նվագում են, երաժշտություն են դասավանդում եւ պարզապես զբաղվում իրենց սիրելի գործով։ Իհարկե, եթե նայենք այս տեսանկյունից, ապա նոր բան չենք տեսնի, բայց քույրերին ճանաչողները հաստատ գիտեն, թե որն է նրանց յուրահատկությունը։

Մի քանի օր առաջ խմբագիրս ինձ տեղեկացրեց դուդուկ եւ դհոլ նվագող աղջիկների մասին, ես էլ շտապեցի հարցազրույցի, որովհետեւ նախկինում լսել էի նրանց մասին, բայց առիթ չէր եղել նրանց տեսնելու եւ զրուցելու։

Քույրերը երաժշտություն են դասավանդում Ավան համայնքի արվեստի դպոցում։ Աշնանային մի առավոտ պայմանավորվեցինք հենց այնտեղ հանդիպել։ Սովորության համաձայն՝ մի քիչ շուտ գնացի։ Եվ մինչ ուսումնասիրում էի դպրոցի նախասրահում կախված մանկական նկարները, ներս մտավ Անահիտը։ Ինձ համար մի փոքր դժվար էր պատկերացնել, թե ինչպես է այդ գեղեցիկ, փխրուն կառուցվածքով ու ձեռքերով աղջիկը դհոլ նվագում։ Ծանոթանալով՝ անցանք զրույցի բուն թեմային։

Անահիտը պատմեց, որ քույրը՝ Աննան, ով դուդուկ է նվագում, այդ գործով զբաղվում է արդեն հինգ տարի, իսկ ինքը քրոջը միացել է միայն երկու  տարի առաջ։ Աննան ավարտել է Երեւանի Ագրարային համալսարանի գենետիկայի բաժինը, սակայն մանկուց անչափ սիրել է հարվածային գործիքներն ու տարիներ անց միայն հասկացել, որ ժամանակն է միանալ քրոջը։

Քիչ անց ներս է մտնում Աննան, ով ի սկզբանե «այս ամեն ինչի մեղավորն է»։ Ի տարբերություն Անահիտի, Աննան երաժշտական կրթություն ունի: Ավարտել է Երեւանի պետական կոնսերվատորիան:

Երաժիշտ քույրերի հետ երկար զրուցում ենք իրենց անցած ուղու, հաղթահարած դժվարությունների մասին, որոնք քիչ չեն եղել՝ սկսած անծանոթների խեթ եւ զարմացած, նաեւ՝ քննադատական հայացքներից, վերջացրած՝ «գործընկերների» չկամությամբ եւ նախանձով։ 

Բայց այս ամենից Աննան եւ Անահիտը չեն ընկճվել, այլ հակառակը՝ հաստատուն քայլերով առաջ են շարժվել եւ իրենց գործունեության հինգերորդ տարում անհամբեր սպասում են առաջին տեսահոլովակին, որը նկարահանելը նույնքան դժվար է եղել, որքան իրենց ուղին: 

Աննան եւ Անահիտը խոստովանում են, որ այս ոլորտում կայանալը դժվար է եղել: Հանրության շրջանում, չգիտես ինչու, արմատացած է այն կարծրատիպը, թե դուդուկը եւ դհոլը տղամարդու գործիքներ են եւ միայն տղամարդկանց է հարիր նվագել դրանցով, սակայն, քույրերի կարծիքով, պարզապես մեր աչքը սովոր չէ հակառակին: Այս առումով, կարելի է ասել, Մխիթարյան քույրերը կարծրատիպեր են կոտրում:

Կարծրատիպեր են կոտրում, երբ իրենց կանացի նուրբ ու փխրուն ձեռքերով վերցնում են «տղամարդկային» գործիքներն ու նվագում, երբ հանդուրժում են շրջապատի ոչ բարյացկամ հայացքներն ու ծաղրանքները: Կարծրատիպեր են կոտրում, երբ նվագելով «տղամարդկային» գործիքներ, մնում են այդքան կանացի եւ գրավիչ, կարծրատիպեր են կոտրում, երբ դռնից ներս են մտնում եւ ես սկսում եմ մտածել, թե այդ գեղեցիկ, փխրուն կառուցվածքով ու ձեռքերով աղջիկներն ինչպես են նման գործիքներ նվագում, որովհետեւ երբեմն մենք մարդկանց դատում ենք ըստ նրանց մասնագիտության:

Աննան եւ Անահիտը համեստաբար նշում են, որ իրենք Հայաստանում միակ իգական սեռի ներկայացուցիչները չեն, ովքեր դուդուկ եւ դհոլ են գործածում: Իրենցից առաջ էլ եղել են կին նվագողներ ու դեռ կլինեն, պարզապես նրանց համարձակությունն ու կարծրատիպեր կոտրելու ցանկությունն է առաջ մղել, նաեւ սերը՝ երաժշտության եւ երաժշտական այդ գործիքների հանդեպ, իսկ եթե մի բան արվում է սիրով, ուրեմն դատապարտված է հաջողության:

Ի դեպ, տեսահոլովակի մասին: Երկար տարիների քրտնաջան աշխատանքից հետո Աննա եւ Անահիտ Մխիթարյանները նկարահանել են իրենց առաջին հոլովակը։

Քույրերը խոստովանում են՝ դժվար է եղել, քանի որ ամեն ինչ սեփական ուժերով են արել։ Իհարկե, օգնողներ էլ են եղել։ Քույրերը համագործակցել են Ջազ բենդի տղաների, ռեժիսոր Սուրեն Թադեւոսյանի եւ այլոց հետ, ում անունները չեն զլանում նշել ու շնորհակալություն հայտնել։

«Շնորհակալություն ենք հայտնում ռեժիսոր Սուրեն Թադեւոսյանին, ում շնորհիվ մեր աշխատանքը տեսանելի դարձավ հանրությանը:Կրկին անգամ շնորհակալ ենք գեղեցիկ, ինքնատիպ մեկնաբանության, ժող.ստեղծագործության եւ տեսահոլովակի՝ համահունչ լինելու համար: Ստեղծագործության ընտրության հարցում մեզ շատ օգնեց ՀՀ վաստակավոր արտիստ, դուդուկահար Արմեն Գրիգորյանը, որին նույնպես շնորհակալ ենք: Այս գործի կայացմանը իր ուրույն մասնակցությունն ունեցավ Խաչիկ Սահակյանը: Ուզում ենք նշել ստեղծագործությունը գործիքավորող Սամվել Հովհաննիսյանին, Արմեն Այվազյանին (քամանչա),Արսեն Միրզոյանին (թառ),Արման Ջալալյանին (հարվածային գործիքներ),Վարդան Առաքելյանին (բասս կիթառ), Երվանդ Մարգարյանին (շեփոր), Վահրամ Դավթյանին (տրոմբոն) եւ Արման Ավետիսյանին (միքս մաստեր SHARM STUDIO): Շնորհակալ ենք նաեւ տեսահոլովակում նկարահանված մեր երաժիշտ ընկերներին՝ Զարեհ Գալստյան, Հովհաննես Հայրիկյան, Էդգար Ասմարյան, Սամսոն Ղումաշյան....»։

Դե ինչ, զրույցը կայացած է, շնորհակալությունները՝ ասված, մնում է վայելել Մխիթարյան քույրերի առաջին տեսահոլովակը, որը ներկայացնում ենք ստորեւ.

 Շուշան Շատիկյան

Հետևեք NEWS.am STYLE-ին Facebook-ում, Twitter-ում և Instagram-ում