• Critics Choice Awards 2024-ի 10 լավագույն կերպարները՝ կարմիր գորգին

  Աստղային եւս մեկ միջոցառում անցյալում է՝ «Օպենհայմերի» ու «Բարբիի» հերթական նվաճումներով․․․

• Ջոնի Դեփի հաղթական վերադարձը` «Ժաննա Դյուբարի» ֆիլմով

  Ամուսնալուծության աղմկահարույց սկանդալից հետո այս ամառ թողարկվեց Ջոնի Դեփի մասնակցությամբ առաջին ֆիլմը․․․

• Ջոնի Դեփը ռեկորդային պայմանագիր է ստորագրել Dior-ի հետ

  Dior-ը 20 միլիոն դոլարի նոր պայմանագիր է կնքել Ջոնի Դեփի հետ․․․

• «Օսկար 2023». ովքե՞ր են արժանացել աշխարհի գլխավոր կինոմրցանակին

  Լոս Անջելեսի Dolby Theatre-ում ամփոփվել են մրցանակաբաշխության արդյունքները եւ որոշվել են լավագույններից լավագույնները․․․

• Պամելա Անդերսոն. երեք լեգենդար կերպար

  NEWS.am STYLE-ը մեկտեղել է Պամելա Անդերսոնի երեք ամենահիշվող կերպարները, որոնք կարելի է կրել նաեւ Երեւանի փողոցներում...

• Կիանու Ռիվզն իրեն հետապնդող տղամարդու պատճառով դիմել է դատարան

  Կիանուն նույնիսկ ստիպված է եղել անվտանգության ընկերություն վարձել․․․

• Էշթոն Քաթչերը Դեմի Մուրից բաժանվելուց հետո իրեն անհաջողակ է զգացել

  Ոչինչ չի ստիպում քեզ անհաջողակ զգալ, ինչպես ամուսնալուծությունը․․․

• Աստղային գեղեցկության գաղտնիքները. SPF-ն Էնն Հեթուեյի խնամքի անբաժանելի մաս

  «Ես հովանոց եմ վերցնում ինձ հետ, երբ քայլում եմ արեւի տակ…

Անկեղծ ասած՝ առաջիկա կինո-ուրբաթն այնքան էլ ոգեւորող չէ, քանի որ մայրաքաղաքի կինոթատրոններն այս անգամ ներկայացրել են բավականին ստանդարտ ֆիլմեր։ Սակայն դրանցից մեկը, չնայած իր հասարակ սյուժեի, կարող է դրական տրամադրություն հաղորդել ձեզ։

Խոսքը վերաբերում է «Ալեքսանդրը և սարսափելի, շատ վատ, զզվելի ու ահավոր օրը» կատակերգությունը. գլխավոր դերում՝  Սթիվեն Քարել եւ Ջենիֆեր Գարներ։ Սյուժեն հետեւյալն է. արեւային մի պայծառ օր այնքան էլ բարեհաջող չի սկսվում11-ամյա Ալեքսանդրի համար։  Երեկոյան նրա բերանում եղած ծամոնն առավոտյան խճճված է լինում նրա մազերի մեջ։ Արթնանալուց հետո նա պատահաբար սայթաքում է եւ բլուզը գցում ջրով լի լվացարանի մեջ։ Նրա ընկերները հրաժարվում են գալ իր ծննդյան երեկոյին, քանի որ մտադիր են գնալ մեկ այլ երեկույթի։ Բացի այդ, Ալեքսը որոշում է Քիմիայի դասաժամին հրդեհել դասասենյակը։ Երեխան դժգոհում է իր դժբախտ կյանքից, բայց ծնողները չեն հասկանում նրան։ Եվ ծննդյան տորթի մոմերը փչելիս նրա գլխում ծագում է վրեժի գաղափարը՝ «թող վաղը նրանց համար իրենց կյանքի ամենասարսափելի օրը դառնա»... 

Ընդհանուր առմամբ ֆիլմում կա այն ամենը, ինչը վաղուց ծանոթ է բոլորին, եւ անկեղծ ասած՝ ֆիլմի երգիծանքը նույնպես լավագույնը չէ եւ դժգոհությունների տեղիք է տալիս։ Այնուամենայնիվ, սա հիանալի ֆիլմ է ողջ ընտանիքով դիտելու համար... հավատացնում եմ, որ երեխաները մեծ հաճույք կստանան այն դիտելիս։

Հերթական պատմությունը Դրակուլա արքայազնի մասին՝ ռեժիսոր Հարի Շորի մեկնաբանությամբ. ֆիլմն ասես համակարգչային խաղ լինի։ Ի տարբերություն Տրանսիլվանիայի տիրոջ մասին պատմող այլ ֆիլմերի, որոնք նկարահանվել են Բրեմ Սթոքերի գրքի հիման վրա, այս ֆիլմը նշված գրքի հետ ոչ մի կապ չունի։

Տրանսիլվանիայի տերը՝ երիտասարդ Վլադ Ցեպեշի հայրը, իր ժառանգին տալիս է թուրքերին։ Երեխան, մեծանալով ու դառնալով իսկական մարտիկ, գնում է հայրենիք եւ տիրանում գահին։ Բայց թուրքերը վերադառնում են եւ ըստ իրենց ավադության՝ տուրք են պահանջում՝ հազար տղա երեխա, այդ թվում՝ Վլադի հարազատ որդուն։ Այս ժամանակ Վլադը պայման է կապում գաղտնի ուժերի հետ եւ դառնում վամպիր՝ բացառապես ազնիվ դրդապատճառներով... 

Անձամբ ես նախընտրում եմ Դրակուլայի մասին պատմող դասական պատմության հիման վրա նկարահանված ֆիլմերը դիտել եւ կարծում եմ այս կինոնկարը հիմնականում նախատեսված է դեռահաս հանդիսատեսի համար...

Ուրբաթ երեկոն կարող են հետաքրքրացնել նաեւ ռուսական երկու կատակերգություն՝ «Խառը զգացմունքներ» եւ «Վերջին զանգ» ֆիլմերը։ Վերջինս ունի վերին աստիճանի պրիմիտիվ սցենար, որը լիովին համապատասխանում է իր անվանը, իսկ «Խառը զգացմունքներ» ֆիլմը «փրկում է» Ալեքսանդր Ռեւայի եւ Պյոտր Դերեւյանկոյի դերասանների պրոֆեսիոնալ խաղը։ 90-ականների աստղը (Ռեւա) եւ մի ձանձրալի բժիշկ (Դերեւյանկո) հայտնվում են վերակենդանացման բաժանմունքում եւ էլեկտրաշոկի ենթարկվելուց հետո սկսում են զգալ միմյանց. երբ նրանցից մեկի մոտ ցավեր են սկսվում, մյուսը նույնպես զգում է դրանք, երբ մեկը վախենում է, մյուսը նույնպես հայտնվում է նույն հոգեվիճակում։ Համամիտ եմ, սյուժեն այնքան էլ յուրօրինակ ու գրավիչ չէ, բայց ֆիլմը բավականին թեթեւ ու զվարճալի է ստացվել...

Յուլիա Վարդանյան

Հետևեք NEWS.am STYLE-ին Facebook-ում, Twitter-ում և Instagram-ում