Թեփը շատ տհաճ երեւույթ է, հատկապես այն մարդկանց համար, ովքեր մշտապես հետեւում են իրենց արտաքին տեսքին։ Հարց է ծագում՝«իսկ ինչու՞ է այն առաջանում»։ Բժիշկների պնդմամբ՝ դա հարուցիչ սունկ է, որի պատճառով գլխամաշկի բջիջներն իրենց ցիկլն ավելի արագ են անցկացնում. 30 օրվա փոխարեն, դրանք 7-10 օր հետո մահանում են։ Հետեւաբար, բջիջները չեն հասցնում չորանալ, միաձուլվում են եւ առաջացնում թեփ, որը կարող է տարածվել ամբողջ գլխամաշկով մեկ՝ խաթարելով թթվածնի մուտքը գլխամաշկ։
Այսպիսով, թեփից ազատվելու համար նախ եւ առաջ պետք է հասկանալ դրա առաջացման պատճառը, քանի որ բացի բջիջների ցիկլի արագ կատարվելուց, գլխամաշկի թեփը կարող է պայմանավորված լինել սթրեսային վիճակով, նյութափոխանակության խանգարումներով, հորմոնալ դիսբալանսով եւ այլն։ Բացի այդ, թեփի առաջացման պատճառ կարող է դառնալ սխալ սնունդը, վիտամինների եւ հանքային աղերի պակասը կամ պարզապես մազերի ոչ ճիշտ խնամքը։ Իհարկե, լինում են նաեւ դեպքեր, երբ միանգամից մի քանի պատճառ կարող է թեփ առաջացնել։
Նախ եւ առաջ պետք է հիշել, որ չի կարելի օգտագործել մեկ ուրիշի սանրը կամ անձնական հիգիենայի այլ պարագաները։ Ճիշտ սնվեք. փորձեք ավելի քիչ քաղցր, թթու, աղի եւ յուղալի սնունդ ուտել, ինչպես նաեւ չչարաշահել ալկոհոլի եւ գազավորված ըմպելիքների օգտագործումը։ Մաքուր ջուր խմեք, թարմ միրգ ու բանջարեղեն, ոչ յուղալի ձուկ, միս եւ կաթնամթերք օգտագործեք։ Դրական արդյունք ստանալու համար անհրաժեշտ է ամենօրյա խնամք եւ մեծ ուշադրություն։
Գլխամաշկի թեփից ազատվելու համար առաջարկում ենք կիրառել նշված երկու մեթոդները։
Մեթոդ 1
Մազերի համար շատ օգտակար է ծովի աղը, քանի որ այն հարուստ է յոդով եւ հանքային աղերով։ Եթե չեք կարող գտնել ծովի աղ, ապա կարող եք անգամ սովորական կերակրի աղ օգտագործել։ Ի դեպ, կարելի է անգամ աղը խառնել կեֆիրի կամ յոգուրտի մեջ եւ պարզապես քսել մազարմատներին՝ տարածելով ողջ գլխամաշկով մեկ։ Այս ամենից հետո անհրաժեշտ է գլուխը ծածկել պոլիէթիլենային տոպրակով եւ թողնել 20-30րոպե։ Կես ժամ անց կարելի է արդեն տաք ջրով եւ շամպունով լվանալ գլուխը։
Մեթոդ 2
Շամպունի փոխարեն կարելի է օգտագործել հետեւյալ լուծույթը. 100գր. եղինջի տերեւները անհրաժեշտ է մանրացնել, կաթսայի մեջ լցնել կես լիտր ջուր ու կես լիտր քացախ (6%) եւ ավելացնել եղինջի մանրացված տերեւները։ Կես ժամ մարմանդ կրակի վրա եփելուց հետո, լուծույթը պատրաստ է։ Շամպունի փոխարեն10 օր կարելի է օգտագործել այս լուծույթը. արդյունքում գլխամաշկն ավելի առողջ տեսք կստանա։
Աղբյուրը՝ ladyeva.ru
Հետևեք NEWS.am STYLE-ին Facebook-ում, Twitter-ում և Instagram-ում
21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը19:35, 14 մայիսի
«Սարսափելի գիշեր էր». Բրենդոն Լիի մահից 30 տարի անց16:13, 14 մայիսի
«Դաունթոնի աբբայության» հիման վրա երրորդ ֆիլմը կնկարահանվի15:23, 14 մայիսի
Նաոմի Քեմփբելը «նրբագեղության մարմնացում է» դասական փոքրիկ սեւ զգեստով14:37, 14 մայիսի
Ջորջ Քլունին իր դեբյուտը կկատարի Բրոդվեյում14:04, 14 մայիսի
Սերժ Թանկյանը ցանկանում էր հեռանալ System of a Down-ից13:16, 14 մայիսի
Քեյթ Մոսը սիրավե՞պ ունի Բոբ Մարլիի թոռան հետ12:35, 14 մայիսի
Շերը շլացուցիչ սեւ բոդիով է ներկայացել «Բոբ Մաքի. մերկ պատրանք» ֆիլմի պրեմիերային11:58, 14 մայիսի
Ինչու էին Շարլիզ Թերոնն ու Թոմ Հարդին ատում միմյանց «Խենթ Մաքսը» ֆիլմի նկարահանման հրապարակում11:20, 14 մայիսի
Մայրանալ պատրաստվող Ջուլիա Եղշատյանի նոր ֆոտոշարքը՝ ամուսնու հետ10:26, 14 մայիսի
Քենդալ Ջենները պատրաստ է լողազգեստների սեզոնին