Ֆրանսիացի հայտնի դերասան Ժերար Դեպարդիեն մտադիր է  վերադարձնել իր ֆրանսիական անձնագիրն ու  հրաժարվել սոցիալական ապահովությունից:  Դրա առիթը դարձել է Ֆրանսիայի վարչապետ Ժան Մարկ Էրոյի արտահայտությունը, ով դերասանի` Բելգիա տեղափոխվելու որոշումը «խղճուկ» էր անվանել, տեղեկացնում է «Forbes.ru»-ն:

Դերասանը պատասխանել է վարչապետին` հրապարակելով իր նամակը եւ հայտարարելով, որ երկրից հեռացած եւ ոչ  մի ֆրանսիացի նման վիրավորանքի չի արժանացել, եւ Էրոնը պետք է առնվազն հագանք դրսեւորի դերասանի նկատմամբ, հաղորդում է France 24-ը:

Դեպարդիեն հարց է տալիս, թե ով է Էրոն, որ իրեն դատի նման որոշման համար: Դերասանը հիշեցրել է, որ մշտապես վճարել է հարկերը, ընդ որում, երբեք չօգտվելով սոցիալական ապահովությունից: «Մենք այլեւս հայրենիք չունենք, ես իսկական եվրոպացի եմ, աշխարհի քաղաքացի, ինչպես ինձ ներշնչել էր հայրս»,-հայտարարել է դերասանը:

Ավելի վաղ լրատվամիջոցները հաղորդել էին, թե Դեպարդիեն վաճառում է Փարիզի իր առնաձնատունը եւ տուն է գնում Բելգիայում: Նշվել էր,  թե դերասանը ցանկանում է  Բելգիայի քաղաքացիություն ստանալ` Ֆրասիայում հարկային բարեփոխումների պատճառով:

Հետևեք NEWS.am STYLE-ին Facebook-ում, Twitter-ում և Instagram-ում