• Իտալական տոն կամ հայկական կենսաոճ

  Այսօր չշտապելու կամ դանդաղկոտության համաշխարհային օրն է․․․

• Ամանորյա նվերներ՝ ոճային, համեղ, օրիգինալ

  Նախաամանորյա եռուզեռը հոգնեցուցիչ է, բայց չնայած դրան՝ հաճելի շրջան է․․․

• Գարեջրի Օրերը կզովացնեն Զաքյան փողոցը

  Հուլիսի  22-ին և 23-ին՝ ժամը 14։00-ից մինչև 22։30-ը, Երեւանի Զաքյան փողոցում տեղի կունենա տարվա մենափրփրուն իրադարձությունը՝ «Գարեջրի Օրերը», որի կազմակերպում է «Երևանի Գինու Օրեր» փառատոնի հիմնադիր «ԷվենտՏուրա» ընկերությունը....

• Ժիզել Բյունդխենը եւ Ալեսանդրա Ամբրոսիոն իրենց ժամանցն են վայելում Ռիո դե Ժանեյրոյի աշխարհահռչակ կառնավալում

  Դիմակներ, շքեղ հագուստներ, լույսեր, հրավառություն․․․

• Ռիո դե Ժանեյրոյում մեկնարկել է աշխարհի ամենամեծ դիմակահանդեսը

  Միլիոնավոր մարդիկ ուղիղ եթերում դիտելու են այն․․․

• STYLEMake-up. դիմահարդարման 3 գաղափար Վալենտինի օրվա համար

  Կիսվում է փորձառու դիմահարդար Մելինե Մանուկյանը․․․

• Սրբուկի ու Վիկտորյա Սահակյանի երազները․ իսկ դուք ո՞ւմ եք տեսել երազում Սուրբ Սարգիսի տոնին

  Այս տոնը Հայաստանում նշել եւ նշում են նաեւ ժողովրդական ավանդույթներով...

• Տոնական ուղեցույց․ որտե՞ղ խմել գինի փետրվարի 14-ին

  Սուրբ Վալենտինի օրը սիրելիի հետ մի գավաթ գինու շուրջ ռոմանտիկ երեկո անցկացնելու լավագույն առիթներից մեկն է․․․

Դեկտեմբերի 25-ին աշխարհը տոնելու է Սուրբ Ծնունդը, որի ամենակարեւոր կերպարներից մեկը Սանտա Կլաուսն է։ Սանտա Կլաուս անունը սուրբ Նիկոլասի անվան հոլանդական տառադարձության աղավաղված տարբերակն է։ Ի դեպ, սուրբ Նիկոլասի օրը տոնում են դեկտեմբերի 6-ին։ Մինչ այսօր հստակ սահմանված չէ, որն է Սանտա Կլաուսի հայրենիքը՝ Լապլանդիան, թե Հյուսիսային բեւեռի ինչ-որ մի տեղ։

Իսկ ո՞վ է առեղծվածային այս հերոսը. եկեք պարզենք։

Մ.թ. 288թ-ին Պատարե քաղաքում ապրում էր Նիկոլայ անունով քարոզիչ։ Նա ծնվել է կրոնավորի ընտանիքում եւ մանուկ հասակից ծառայել է Աստծուն։ Նա մեծ ճանաչում է ձեռք բերել իր բարության եւ աղքատների օգնելու շնորհիվ։ Նա բոլորին նվերներ ու գումար էր տալիս, որը նա անում էր գիշերային ժամերին, որպեսզի ոչ մեկ չիմանար այդ մասին։

Հենց այդ նույն ժամանակաշրջանում հռոմեացիների ղեկավարն էր Դիոկղետիանոսը, ով ստիպում է իր ժողովրդին ընդունել հեթանոսությունը։ Եվ քանի որ Նիկոլայը շատ հավատացյալ մարդ էր, նա հրաժարվում է ընդունել այս կրոնը, ինչի արդյունքում հայտնվում է բանտում։

313թ-ին Հռոմ կայսր է դառնում Կոնստանտինը, ում հրամանով Նիկոլայը ազատ է արձակվում եւ շարունակում իր բարի գործերը։ Նիկոլայը մահանում է 343թ-ի դեկտեմբերի 6-ին, իսկ 800թ-ին նրան դասում են սրբերի շարքը։

Հենց սուրբ Նիկոլայն է Սանտա Կլաուսի նախատիպը։ Սակայն կան նաեւ այլ տարբերակներ։

Ամերիկյան Սանտա Կլաուսն ունի իր պատմությունը, որը մի փոքր հասարակ է։

Ամերիկյան Սանտա Կլաուսի տեսքը (որով մենք նրան այժմ ճանաչում ենք) Կոկա Կոլա ապրանքանիշի հորինված կերպարն է։ Կազմակերպության մարքեթինգային բաժինը 83 տարի առաջ որոշել է այս հեքիաթային հերոսին նմանեցնել իրենց ապրանքատեսակին։    

Եվ հենց այդ է պատճառը, որ նախատոնական տրամադրությունը մեծապես կապված է այս ապրանքանիշի հետ, քանի որ կազմակերպությունը մեծ ջանքեր է ներդրել, որպեսզի մարդիկ նույնացնեն «Սուրբ Ծնունդ», «Սանտա Կլաուս» բառերը «Կոկա Կոլայի» հետ։ Չպետք է նաեւ մոռանալ բոլորիս քաջ հայտնի «Տոներն են մոտենում, տոներն են մոտենում...» գովազդն ու երգը։

Սանտա Կլաուսի տեսքը՝ ալեհեր ծերուկ, ով հագնում է կարմիր եւ սպիտակ հագուստ, ամերիկացի նկարիչ Հեդոն Սանդբլոմի եւ Կոկո Կոլա ընկերության համագործակցության արդյունքն է։

Կոկա Կոլայի շիշը ձեռքին, եղնիկների սահնակի վրա նստած Սանտա Կլաուսը, ով ծխնելույզով մտնում է բոլոր տներն ու երեխաներին նվերներ բաժանում, ամենաէժան, բայց ամենահաջողված ու արդունավետ կերպարն է գովազդային բիզնեսի ամբողջ պատմության մեջ։

Աղբյուրը՝ Supernatural-word.ru, Adme.ru

Հետևեք NEWS.am STYLE-ին Facebook-ում, Twitter-ում և Instagram-ում