Երեկ համացանցում լուրեր էին տարածվել, որ Եգիպտոսում հայտնի պորտապարուհի, ազգությամբ հայ Սաֆինարին ձերբակալել են՝ իբրեւ թե եգիպտական դրոշն անարգելու համար: Մի քանի ժամ անց պարուհուն գրավի դիմաց ազատ են արձակել: NEWS.am STYLE-ը կապ է հաստատել պարուհու հետ՝ կատարվածի իսկությունը պարզելու համար։ Նշենք, որ այս սկանդալը բարձրացել էր դեռեւս անցյալ տարի, երբ նրան կանչել էին հարցաքննության եգիպտական դատարան՝ պետական դրոշի գույներով զգեստ կրելու համար։ Հայտնի պարուհուն մեղադրում էին Եգիպտոսն անարգելու մեջ, քանի որ նա պորտապար էր պարել այս երկրի պետական դրոշի գույներով կարված զգեստով։ Վրդովված քաղաքացիները հայց էին ներկայացրել, որտեղ նշված էր, որ Սաֆինարը այդ հագուստով ելույթ է ունեցել Կարմիր ծովի ափին գտնվող Այն-Էլ-Սոխնա նավահանգստում կազմակերպված երեկույթներից մեկի ժամանակ։ Ի դեպ, Սաֆինարը մեծ համբավ ունի եգիպտացիների շրջանում։ Աղջիկը Եգիպտոս է եկել երկու տարի առաջ, բայց արդեն հասցրել է նկարահանվել մի քանի ֆիլմերում եւ ելույթ ունենալ էլիտար հարսանիքների ժամանակ։
Համաձայն տեղի օրենքերի՝ եգիպտական դրոշն անարգելու համար նախատեսված է կամ մինչեւ մեկ տարի ազատազրկում, կամ տուգանք՝ 4000 ամերիկյան դոլարի չափով։
Սաֆինարը պնդում է, որ «բարի մարդիկ» շանտաժի են ենթարկում նրան եւ ցանկանում են ստիպել պարուհուն աշխատել իրենց համար։
«Ամեն ինչ կարգին է, ցանկանում էին հերթական սկանդալը բարձրացնել, բայց միջադեպն արդեն անցյալում է. ես տուգանք վճարեցի։ Այս ամենի պատճառն այն է, որ ես սկսել էի առաջարկներ ստանալ նաեւ լիբանանյան հեռուստաընկերություններից, ելույթների հրավերներ կային նաեւ ԱՄԷ-ից։ Ես հասկանում եմ ինձ նախանձող պարուհիներին. ինչ-որ մի հայուհի գալիս եւ մրցույթներում զբաղեցնում է առաջին հորիզոնականները, գրավում բոլորի ուշադրությունը եւ կարճ ժամանակահատվածում մեծ համբավ վայելում։ Որոշ «բարի մարդիկ» անգամ Ռուսաստանից էին պարուհիներ կանչում, որ կարողանային ինձ հետ մրցակցություն ստեղծել եւ ինձ դուրս հանել մեդիա դաշտից, բայց նրանց մոտ ոչինչ չստացվեց։ Եվ այս ամենի հետեւում թաքնված է մի տհաճ պատմություն, որը պայմանավորված է Եգիպտոս տեղափոխվելիս կնքված պայմանագրով։
Ես եկել եմ Եգիպտոս բարձրակարգ «Nabila» հյուրանոցի գիշերային ակումբում աշխատելու համար։ Ես արաբերեն անգամ մի բառ չգիտեի, իսկ հյուրանոցի տիրուհին եւ նրա փաստաբանը ինձ մի կեղծ պայմանագիր տվեցին, որի արաբերեն տարբերակում մի բան էր գրված, անգլերեն տարբերակում՝ մեկ այլ։ Ես ստորագրեցի, սկսեցի աշխատել այս ակումբում եւ մեծ ճանաչում ձեռք բերեցի։ Պայմանագիրը վավեր էր մինչեւ 2013թ-ի փետրվարը, սակայն ակումբի սեփականատերը, տեսնելով իմ հաջողությունները, ցանկանում էր, որ ես մշտապես իրենց համար աշխատեի։

Նրանք դատարանում կեղծ թղթեր էին ներկայացրել՝ իբրեւ թե ես ստորագրել եմ մի պայմանգիր, որի վավերականության ժամկետը սպառվում է 2016թ-ին. բոլոր փաստաթղթերը կեղծ էին եւ ինձ կրկին թղթեր էին տվել ստորագրելու՝ ասելվով, որ դրանք իմ բնակության հարցը կարգավորելու համար է, ինչից հետո կրկին մեկ ուրիշ կեղծ պայմանագիր էին պատրաստել (նորից եմ հիշեցնում, որ ես արաբերեն չէի կարողանում կարդալ)։ Ինձ ամբողջ ընթացքում ստում էին՝ ասելով, որ անհանգստանալու կարիք չկա, եւ ամեն ինչ օրենքի սահմաններում է։ Այժմ նրանք պահանջում են, որ ես կրկին աշխատեմ այդ գիշերային ակումբում կամ կես միլիոն դոլար տուգանք վճարեմ։ Բայց ես էլ իմ հերթին եմ հայց ներկայացրել նրանց դեմ։
Ներկայացված բոլոր փաստաթղթերը կեղծ են։ Երբ ես այդ ակումբում էի պարում, նրանք անգամ հարկերը չէին վճարում։ Նրանք փորձում են շանտաժի ենթարկել ինձ, բայց դա իրենց չի հաջողվել եւ չի էլ հաջողվի։ Ես կապացուցեմ ճշմարտությունը։ Ահա հենց սա է պատճառը, որ իմ հանդեպ մշտապես նման թշնամական վերաբերմունք է ցուցաբերվում»,- նշել է պարուհին։

Հետևեք NEWS.am STYLE-ին Facebook-ում, Twitter-ում և Instagram-ում
12:20, 17 նոյեմբերի
Ջիջիի և Բելլա Հադիդների հայրը երրորդ անգամ է ամուսնանում. 78-ամյա միլիոնատերը նշանադրվել է ամուսնալուծության հարցերով 43-ամյա խորհրդատուի հետ11:39, 17 նոյեմբերի
22 տարով երիտասարդ և 208 սմ հասակով. 51-ամյա բրիտանացի հեռուստաաստղ Ալիսոն Համոնդը առաջին անգամ հանրությանը ներկայացրել է իր ռուս ընկերոջը11:18, 17 նոյեմբերի
«Ես դեռ երեխա եմ». Մակրոնը խոստովանել է, որ հոգեբանորեն կախված է տարիքով մեծ կանանցից, իսկ նրա կինը խորհուրդ է տվել դիմել հոգեվերլուծաբանի10:27, 17 նոյեմբերի
Ռոբերտ Փեթինսոնը նոր Ջեյմս Բոնդն է. դերասանը գործակալ 007-ի դերը անվանել է «պատիվ ողջ կյանքի համար»09:00, 17 նոյեմբերի
ՆՈՅԵՄԲԵՐԻ 17-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:01, 16 նոյեմբերի
Շուրջ 6000 ուղևոր, առանց հագուստի երեկույթներ և հատուկ սենյակներ․ ինչպե՞ս է կազմակերպված սվինգերների աշխարհի ամենամեծ կրուիզը22:13, 16 նոյեմբերի
Cartier-ը ոսկերչական գամերը վերածել է 4700 դոլարանոց պայուսակի. նոր Clash մոդելը մեկ շարժումով փոխում է ձևը21:21, 16 նոյեմբերի
Տոնածառ՝ ասես մանկությունից. ինչու են 2026-ին կրկին նորաձև դարձել հին խաղալիքներն ու փայլազարդերը20:30, 16 նոյեմբերի
Ինչպե՞ս են միլիարդատերերն ու թոփ-մենեջերները հանրությունից թաքցնում իրենց սիրավեպերը և ստուգում ապագա սիրելիներին19:26, 16 նոյեմբերի
Հրաժարում շքեղությունից՝ հանուն գոյատևման․ ինչո՞ւ են միլիարդատերերն ու Թոմ Հենքսը մեկնում անապատ՝ իրենց տոկունությունը փորձելու16:28, 16 նոյեմբերի
Yandex Music-ը սկսում է համագործակցել հայ արտիստների հետ․ առաջին հատուկ նախագիծը՝ Սևակ Խանաղյանի «Голоса» («Ձայներ») երգի կենդանի կատարումը օդապարիկում16:18, 16 նոյեմբերի
Սիրային կապ ավելի քան 200 տղամարդու հետ և ծխախոտ՝ մեկը մյուսի հետևից․ ո՞վ էր «Կաբարեի» իրական Սալի Բոուլզը