Կարապի լճում Քանիե Ուեսթի համերգին մասնակցել է նաեւ DJ Smoke-ը: Վերջինս NEWS.am STYLE-ի հետ զրույցում պատմել է, որ իրեն հատուկ չեն հրավիրել՝ համերգին մասնակցելու:
«Համերգից մի քանի րոպե առաջ, երբ խոսեցի ընկերներիցս մեկի հետ, նա ինձ հայտնեց, որ Քանիեն պատրաստվում է համերգ տալ: Ես միանգամից գնացի Կարապի լիճ: Ընկերներիցս մեկը ինձ ասաց, որ ինչ-որ համակարգչի խնդիր կա, հնարավոր է ունենաս մոտդ համակարգիչ, ասեցի որ ինձ մոտ ամեն ինչ էլ կա: Բերեցի համակարգիչս եւ ես ու երաժշտության պատասխանատուն միասին հետեւում էինք, թե Քանիեն ինչ է մեզ ասում, որ երգից հետո որը պետք է դնենք»,- նշեց DJ-ը:
DJ Smoke-ը խոսքով համերգը ծրագրվել է շատ պատահական: Քիմ Քարդաշյանի եւ Քանիե Ուեսթի թիկնապահը անվտանգության աշխատողներին հայտնել էր, որ Քանիեն ցանկանում է բացօթյա համերգ տալ եւ կարճ ժամանակահատվածում կազմակերպել են՝ քաղաքապետ Տարոն Մարգարյանի աջակցությամբ:
«Սովորաբար նմանատիպ համերգներ դեռեւս մեկ ամիս առաջ են կազմակերպվում: Մեգա աստղի կողմից սա աննախադեպ համերգ էր: Տպավորություններս մեծ են: Շնորհակալություն նրանց, որ մեզ այդպիսի նվեր մատուցեցին: Չեմ ընդունում այն քննադատող մարդկանց, ովքեր չարժեւորելով նրանց արարքը, չարախոսում են: Նրանք իրենց այցով, համերգով այնքան օգուտ տվեցին Հայաստանին, որ այսքան ժամանակ ոչ մեկը չէր տվել»,- ասաց Smoke-ը:
DJ-ը նշեց, որ Քանիեի հետ աշխատելը հաճելի էր: Մեգաաստղը շատ պահանջկոտ է եղել. «Պահանջում էր, որ որակով լինի ամեն ինչ, բայց միեւնույն ժամանակ նա իրեն շատ համեստ էր պահում: Կուզեի, որ մեր հայ արտիստները նայեն եւ սովորեն, թե ինչպես կարող է 21 «Գրեմմի» շահած աստղը այդքան համեստ լինել»։
Իսկ ջուրը ցատկելը Քանիեն որոշել է հենց համերգի ժամանակ, ոչ մեկը չի իմացել նրա մտադրության մասին:
«Նա մոտեցավ երաժշտության պատասխանատուին ասաց, որ պատրաստվում է ցատկել, եւ երբ ցատկի նա պետք է դնի այն երաժշտությունը, որը ասել էր Քանիեն: Սկզբում մենք չհասկացանք նրան: Մտածում էինք, որ բեմում է պատրաստվում ինչ-որ բան անել: Երբ ցատկեց չեմ կարող բացատրել, թե ինչ էի զգում: Զարմացած էինք բոլորս նրա այդ քայլից»,-ասաց DJ-ը ավելացնելով. «Մեր հայ արտիստներին պակասում է դրսի դպրոցը, որպեսզի կարողանան նմանատիպ շոու անել: Մենք ունենք շատ տաղանդավոր արտիստներ, բայց չկա այդ դպրոցը: Բացի այդ, խանգարում է մերօրյա հայկական ռաբիզ, ռետորանային, արաբական, մուղամական երաժշտությունը, որը ներկայացնում են շատերը, իսկ մարդիկ, ցավոք, լսում են նմանատիպ երաժշտություն»:
Լուսանկարը՝ DJ Smoke-ի ֆեյսբուքյան էջից
Զրուցեց՝ Մելինե Տոնոյանը
Հետևեք NEWS.am STYLE-ին Facebook-ում, Twitter-ում և Instagram-ում
11:51, 7 մայիսի
Դեմի Մուրը նորաձեւությանը համարձակ հայտարարություն է արել Հարիս Ռիդի դետալային զգեստով11:20, 7 մայիսի
Met Gala 2024. Քայլիի, Քենդելի եւ Քրիս Ջենների նրբագեղ կերպարները10:59, 7 մայիսի
Met Gala 2024. Ջենիֆեր Լոպեսը «ցնցել է» Schiaparelli-ից իր շքեղ զգեստով10:19, 7 մայիսի
Քիմ Քարդաշյանը հերթական անգամ «ֆուրոր» է առաջացրել Met Gala-ում09:00, 7 մայիսի
ՄԱՅԻՍԻ 7-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:18, 6 մայիսի
Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք22:20, 6 մայիսի
Իտալական ծովափնյա քաղաքը նախատեսում է «մերկ» հարսանիքներ կազմակերպել20:33, 6 մայիսի
Snob. Դիլիջանը, թերեւս, Հայաստանի ամենահանգիստ քաղաքն է19:46, 6 մայիսի
«Imperial Orchestra»-ն Երեւանին զգացմունքների կայսրություն կնվիրի16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին