• Սուպերմոդել Ժիզել Բունդխենը ոստիկանի հետ զրույցի ժամանակ արտասվել է

  Սուպերմոդել Ժիզել Բունդխենը ոստիկանի հետ զրույցի ժամանակ արտասվել է…

• Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը

  Ամերիկացի հայտնի հեռուստահաղորդավար Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը վերջինի՝ քրիստոնեական դպրոց բացելուց երկու տարի անց…

• Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել

  Քանյե Ուեսթի նախկին ընկերուհին՝ դերասանուհի եւ մոդել Ջուլիա Ֆոքսը, խոստովանել է, որ ռեփերի հետ իր սիրավեպը «թթու հետհամ» է թողել իր բերանում…

• Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին

  Քայլի Ջենները հղի չէ Թիմոթի Շալամեից՝ չնայած սոցիալական ցանցերում շարունակվող խոսակցություններին…

• Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով

  Սալմա Հայեկը վերհիշել է իր կյանքի «լավագույն օրերից» մեկը…

• Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը

  Քիմ Քարդաշյանը «Ամերիկյան սարսափ պատմության» մեջ իր դեբյուտն արել է ավելի քան վեց ամիս առաջ, սակայն նա խոստովանել է, որ դեռ չի դիտել շոուն…

• Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին

  Առնոլդ Շվարցենեգերը բացահայտել է իր մրցակից-ընկերոջ՝ Սիլվեստր Ստալոնեի յուրօրինակ ոճի որոշ նրբություններ․․․

• Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ

  Ասիայի ամենահարուստ մարդու՝ Մուկեշ Ամբանիի ավագ որդին՝ Ակաշը, սիրում է թանկարժեք մեքենաներ․․․

Ես այդպես էլ չհասկացա, թե ինչու որոշ մարդիկ սեքսի մասին խոսելիս անպայման հիշատակում են Աստծուն եւ եկեղեցուն։ Մի անգամ չէ, որ բախվել եմ նման իրավիճակի, երբ հայերը ինչ-ինչ սեռական «այլանդակությունների» մասին խոսելիս, միանգամից հիշում են Եկեղեցին. ընդ որում, կապ չունի, թե խոսքն ինչի մասին է՝ նույնասեռականության, խմբակային սեքսի, երեխաների սեռական դաստիարակության։ Գոյություն ունի մարդկանց մի կատեգորիա, որոնք այս տեսակ խոսակցությունների ժամանակ դառնում են վրդովված սրբեր եւ բարկացած բացականչում. «Ո՞ւր է նայում Եկեղեցին»։ Սակայն չգիտես ինչու, ոչ մեկը չի մտածում, որ եկեղեցուն չպետք է վերաբերի, թե ինչ է կատարվում մարդկանց սեռական կյանքում։ Ավելին, Աստված չանի, որ դա եկեղեցուն վերաբերեր։ Պետք չէ մոռանալ, որ եկեղեցում ծառայում են մեզ նման մարդիկ, նրանք նույնպես զբաղվում են սեքսով,  նրանք նույնպես մեղքեր են գործում եւ «այլանդակություններ» անում։ Ուստի, Եկեղեցուն կոչ անել միջամտել մարդանց անկողնային կյանքին, կարծում եմ՝ կարող են միայն միջնադարյան ինկվիզիտորի մտածելակերպ ունեցողները։

Այո, պետք է խոստովանել, որ Եկեղեցին նույնպես իր մեղավորությունն ունի այս հարցում։ Խոսքը քրիստոնեության՝ մասնավորապես ինկվիզիցիայի «փառավոր» ժամանակաշրջանի մասին է, որը հիշատակում են եւ որոշ քահանաներ, եւ հասարակ մարդիկ։ Այո, այն ժամանակ Եկեղեցին իշխանություն ունեցող կառույց էր, որը վերահսկում էր կյանքի բոլոր ոլորտները՝ անգամ սեռական դիրքերը, որոնցով պետք է զուգավորվեին «պարկեշտ» քրիստոնյաները։ Սակայն այս շրջանն արդեն վաղուց անցել է մոռացության գիրկը, եւ ինձ զայրացնում է որոշ հայերի միջնադարյան խավարամտությունը։ Հատկապես եթե խոսքը սեքսի մասին է, հայերի մոտ արթնանում է բավականին արյունարբու ցանկություն՝ սպանել,  այրել, խաչել «այլասերվածին»։ Եվ այս ամենը Եկեղեցու եւ Աստծո անվան տակ։ Ինկվիզիցիայի դափնիները հանգիստ չեն տալիս մեր որոշ հայրենակիցներին։

Ես չեմ հասկանում երեքով սեքսի ցանկությունը։ Չեմ կարծում, որ Եկեղեցին պետք է զբաղվի երեխայի սեռական դաստիարակությամբ. դա ծնողի եւ դպրոցի պարտականությունն է։ Նշեմ, որ չեմ ցանկանում իմ կարծիքը պարտադրեմ որեւէ մեկին։ Իրականում Եկեղեցին պետք է զբաղվի հոգեւոր դաստիարակությամբ, բայց սա հավանաբար ուտոպիայի ժանրից է՝ հաշվի առնելով այն հանգամանքը, թե որքան վարկաբեկված են եւ Հայ Առաքելական Եկեղեցին, եւ համաշխարհային եկեղեցական ինստիտուտները։ Ըստ իս՝ կան կյանքի ոլորտներ, որոնցում ոչ մեկն իրավունք չունի միջամտել։ Մարդն ինքնուրույն պետք է որոշի, թե ինչ ուղի պետք է ընտրի սեքսի, հավատքի կամ նման այլ խիստ անհատական հարցերում։ Մեկը մյուսի հետ խառնելը պարզապես հիմարություն է։

Վերջերս մի մայրիկ ինձ վրդովված պատմում էր, որ երեխաների համար նախատեսված ձեռնարկի մեջ սեռական օրգանները գրված էին հենց դրանց բժշկական եզրերով. «Սարսափելի է։ Ու՞ր է նայում եկեղեցին»։ Անկեղծ ասած՝ չգիտեմ, թե ինչի մասին էր այդ ձեռնարկը, բայց նրան հենց այդ փաստն էր զայրացրել։ Հետաքրքիր է, եկեղեցականները սեռական օրգաններն այլ, ավելի «պատկառելի» բառերով են կոչում։

Միգուցե, ոչ բոլոր ծնողներն են ճիշտ համարում, որ իրենց 5-6 տարեկան երեխան իմանա մարմնի տվյալ մասերի անունները, բայց մյուս կողմից՝ ժամանակակից իրականությունը, հեռուստատեսությունը, սոցիալական կայքերը եւ ինֆորմացիոն տեխնոլոգիաները հնարավորություն են տալիս իմանալ ավելին, քան այդ բառերը։ Եվ այս պարագայում Եկեղեցին, եւ Աստված անզոր են...

Ալեքս Ալիխանյան

Հետևեք NEWS.am STYLE-ին Facebook-ում, Twitter-ում և Instagram-ում