Երկու տարի առաջ Վաղարշյան փողոցի սկզբնամասը (Ամերիկյան համալսարանի մոտ) քարասալարկ էր։ Բնականաբար, վարորդները ճանապարհի այդ հատվածով երթեւեկելիս դժգոհում էին, քանի որ ստիպված էին ավելի դանդաղ վարել՝ մտածելով մեքենայի ամորտիզատորների մասին։ Բայց ընտրություններից մեկի ժամանակ, չեմ հիշում եւ էական էլ չէ թե որ, ինչ-որ մեկի թեթեւ ձեռքով ճանապարհի այդ հատվածը ասֆալտապատվեց՝ ցույց տալու, որ ընտրություններից առաջ իշխանությունները ուշադիր եւ ականջալուր են բնակիչների խնդիրների նկատմամբ։ Սակայն փողոցի այդ մասը ասֆալտապատելուց առաջ ոչ մեկը, չգիտես ինչու, չէր մտածել ուղեղը աշխատացնելու մասին։
Խնդիրն այն է, որ Հայաստանում վարորդները ոչ ադեկվատ են եւ նրանց համար ասֆալտապատ փողոցը նշանակում է մեքենան բարձր արագությամբ եւ առանց արգելակելու վարելու տեղ։ Փաստորեն, ջրից դուրս են գալիս՝ ջրհեղեղն ընկնում։ Խենթացած տաքսիստները, թանկարժեք մեքենաներով «պապայի բալաները» գրեթե 90կմ/ժ արագությամբ անցնում են այս փոքրիկ եւ բնակելի շենքերով շրջապատված փողոցով։
Մեկ տարի առաջ նորոգվեց Ամերիկյան համալսարանի հարակից այգին, որտեղ բնակիչները՝ հատկապես մայրիկներն իրենց երեխաների հետ, գալիս ու ժամանակ են անցկացնում, քանի որ փոքրիկ խաղահրապարակ եւ գեղեցիկ նստարաններ կան։
Բայց կա մի մեծ խնդիր։ Այգին Վաղարշյան փողոցի շրջադարձի մոտ է եւ հենց այդ շրջադարձի հատվածում վարորդները խելագարի պես են վարում։ Արագության սահմանափակման ոչ մի նշան կամ «պառկած ոստիկան» չկա։
Փողոցի այս մասում անգամ մայթ չկա, որպեսզի այգի գնացող մարդիկ այդտեղով անցնեն։ Եվ ինչպես միշտ, հետիոտնը մնում է բախտի քմահաճույքին։ Ստեղծված դրությունը հիշեցնում է մի իրավիճակ, երբ կա երկու քարափ, որոնցից մեկում գեղեցիկ տուն է կառուցված, մյուսում՝ հիանալի այգի, բայց կամուրջ չկա, որ հասնես այնտեղ։
Նշեմ, որ հոդվածը չեմ գրել, որպեսզի հերթական արագաչափը տեղադրվի այս փողոցում, քանի որ դրանցից ոչ մի օգուտ չկա՝ բացառությամբ մի քանիսի համար, ում գրպանները հարստանում են։ Բայց հարգելի պատկան մարմիններ (քաղաքապետարան կամ ոստիկանություն, ովքեր պատասխանատու են այս վիճակի համար) արթնացեք եւ գոնե մի քանի «պառկած ոստիկան», արագությունը սահմանափակող նշան տեղադրեք, որպեսզի հետիոտնը վախը սրտում չանցնի այդ հատվածով։ Պարտադիր պետք է մարդիկ վրաերթի՞ ենթարկվեն, Շամշյանը գա ու նկարահանի՞ ամեն ինչ, որ ինչ-որ մեկը շարժի իր հետույքն ու գործի անցնի...
Հրայր Գրիգորյան
Հետևեք NEWS.am STYLE-ին Facebook-ում, Twitter-ում և Instagram-ում
23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը