Վերջերս հայ հասարակությանը ցնցել էր Մեծ Բրիտանիայում բնակվող, ծագումով հայ պարուսույց Արթուր Գուրունլյանի եւ Big Brother-ի աստղ Բրայան Դաուլինգի ամուսնության լուրը։ NEWS.am STYLE-ի թղթակիցը կապ է հաստատել պարուսույցի հետ եւ զրուցել տարբեր թեմաների շուրջ։
Միջազգային ճանաչում ունեցող հայազգի պարող Արթուր Գուրունլյանը իր կարիերան սկսել է Բելգիայում, այնուհետև տեղափոխվել է Միացյալ Թագավորություն` դառնալով մեր օրերի ամենամեծ պահանջարկ ունեցող պարողներից մեկը: Մեր զրույցի ընթացքում Արթուրը նշեց, որ կցանկանար աշխատել նաև հայ երգիչների, օրինակ, Ռազմիկ Ամյանի, Լիլիթ Հովհաննիսյանի և Արմենչիկի հետ:
Ձեզ ենք ներկայացնում NEWS.am STYLE-ի բացառիկ հարցազրույցը, որում Արթուրը խոսում է Բեյոնսեի, Pussycat Dolls-ի, Լեոնա Լյուիսի, Քայլի Մինոուգի և համաշխարհային ճանաչում ունեցող այլ աստղերի հետ համագործակցության մասին: Սակայն Արթուրն իր ամուսնության մասին ոչ մի մեկնաբանություն չցանկացավ տալ:
- Արթո՛ւր, պատմեք Ձեր հայկական արմատների մասին:
-Կարող եմ ասել, որ շատ հպարտ եմ, որ հայ եմ և որ ներկայացնում եմ Հայաստանը այն վայրերում, որտեղ ճանապարհորդում եմ: Այդ երկրներից շատերին անծանոթ էր Հայաստանը, բայց այժմ այդպես չէ:
Ես Երևանից եմ, որն ինձ համար աշխարհի ամենագեղեցիկ քաղաքներից մեկն է: Կարծում եմ` ես շատ կապված եմ այդ քաղաքին, քանի որ այստեղ եմ ծնվել և երբեք չեմ մոռանա այն:
-Ո՞ր տարիքից ի հայտ եկավ պարարվեստի հանդեպ Ձեր հետաքրքրությունը:
-Դեռ վաղ տարիքից ես սիրում էի ելույթ ունենալ ծնողներիս և մեր հյուրերի առջև: Բայց մինչև 20 տարեկանս, ցավոք սրտի, չկարողացա զբաղվել պարով, որովհետև ծնողներս կարծում էին` դա իրենց երեխայի համար լուրջ մասնագիտություն չէ: Այսպիսով, ես դարձա վարսահարդար, քանի որ հորեղբայրներս ունեին հայկական սրահ: Իսկ երբ ավարտեցի և ստացա դիպլոմս, սկսեցի պրոֆեսիոնալ պարային կարիերայով զբաղվել:
-Ձեր կարիերայի ընթացքում հասցրել եք համագործակցել համաշխարհային ճանաչում ունեցող աստղերի` Բեյոնսեի, Pussycat Dolls-ի, Լեոնա Լյուիսի, Քայլի Մինոուգի հետ… Պատմեք այդ մասին:
-Ես շատ բախտավոր եմ, որ հնարավորություն եմ ունեցել աշխատելու այդ աստղերի հետ: Եվ ում հետ էլ որ համագործակցում էի, շարունակ մտածում էի. «Մի՞թե սա իրականություն է` հայ տղան պարում է այս հրաշալի աստղերի հետ»:
-Հե՞շտ էր նրանց հետ աշխատելը:
-Նրանք բոլորն էլ շատ գեղեցիկ են և, այո՛, նրանց հետ աշխատելը հիասքանչ էր:
-Իսկ ի՞նչ նախագծերի վրա եք հիմա աշխատում:
-Հիմա ես պատրաստվում եմ Էլվիս Փրեսլիի 80-ամյակին նվիրված շոուին: Այն անցկացվելու է 2 օր: Ես այդ շոու ծրագրի գեղարվեստական ղեկավարն եմ:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին