18-ամյա Դեյվ Գաբրիելյանը Քիմ Քարդաշյանի երկրպագուներից է: Մոտ մեկ ամիս առաջ նա դաջել է Քիմի նկարն իր դաստակին և այժմ քայլեր է ձեռնարկում, որպեսզի Քիմ Քարդաշյանն իմանա իր արարքի մասին: Դեյվի խոսքով դաջվածքն անելուց հետո իր ինստագրամյան հետևորդների թիվն ավելացել է, ոմանք նրան նույնիսկ դրսում են ճանաչում և բարևում: NEWS.am STYLE-ը զրուցել է Դեյվի հետ: Ձեզ ենք ներկայացնում հարցազրույցը:
-Դեյվ, ինչու՞ որոշեցիր դաստակիդ դաջել Քիմ Քարդաշյանի նկարը:
-Ինձ համար Քիմ Քարդաշյանը ժամանակակից հայ կնոջ իդեալ է: Ես նրան շատ եմ սիրում: Ինձ երբեմն հարցնում են` դու Քիմի երկրպագու՞ ես: Բայց ոչ: Ես միայն երկրպագու չեմ: Օրինակ Մարիոթի մոտ կային նրա շատ երկրպագուներ, բայց ոչ ոք նման բան չարեց: Ինձ համար Քիմն ու իր ընտանիքը ազատության սիմվոլներն են, քանի որ նրանք անում են ինչ ուզում են և չեն մտահոգվում, թե իրենց մասին ինչ կխոսեն, ինչ կասեն՝ ու դա հրաշալի է:
-Իսկ Քիմի նկարն իրենց մարմնին դաջած այլ մարդիկ կա՞ն Հայաստանում:
-Աշխարհում կան, բայց հայեր չկան: Այսինքն ես առաջին հայն եմ, որ Քիմի նկարով դաջվածք ունի իր մարմնին:
- Քիմի հայաստանյան այցի ընթացքում փորձե՞լ ես հանդիպել նրան, լուսանկարվել, զրուցել նրա հետ:
- Զրուցել կամ նկարվել չի ստացվել, սակայն մի նկար ունեմ, որտեղ նա ինձ օդային համբույր է ուղարկում: Երբ նա Հյուսիսային պողոտայի ռեստորաններից մեկում ճաշում էր, ես նրան սպասում էի դրսում ու այնպիսի հատվածում, որ վստահ էի` նա այդտեղով պիտի անցնի մեքենա նստելու համար: Ու միայն ես էի այդ հատվածում կանգնած: Երբ Քիմը դուրս եկավ՝ բղավոցիցս հետո օդային համբույր ուղարկեց ինձ ու լուսանկարիչը, որ շատ հեռու էր կանգնած՝ կարողացավ ֆիքսել այդ կադրը, ու այդ պահին իմ կողքին մարդ չկար, այսինքն համբույրն ուրիշին չէր կարող ուղղված լինել:
-Պլանավորու՞մ ես կրկին անգամ նրան տեսնել:
-Բնականաբար: Ես այս ամեն ինչ անելու եմ դրա համար:
-Կարո՞ղ եմ ենթադրել, որ հիմա էլ որոշակի քայլեր ես անում, որ Քիմ Քարդաշյանը քո մասին իմանա:
-Այո:
-Ինչու՞:
-Որովհետև նա իրենից ոչինչ չներկայացնելով` նկատի ունեմ, որևէ տաղանդ չունենալով` կարողացել է այնպես անել, որ բոլորը նրա մասին խոսեն: Նրան այսօր բոլորը գիտեն, նա մեծ հարստություն ունի: Ու սա այն դեպքում, երբ նա ոչ երգում է, ոչ էլ իդեալական մոդել է, քանի որ չի համապատասխանում այսօրվա մոդելների չափանիշներին: Նա ինձ համար իկոնայի պես մի բան է: Ես ուզում եմ, որ բոլոր հայ աղջիկները նրա նման լինեն:
-Ըստ Քեզ ինչպիսի՞ անհարմարություններ կարող է ստեղծել դաջվածքդ, եթե հանդիպես մարդկանց, ովքեր Քիմի մասին դրական կարծիքի չեն:
-Դե Հայաստանում մոտ 80 տոկոսը Քիմին դրական չեն վերաբերվում: Չեմ անհանգստանում այդպիսի խնդրի համար:
-Քիմ Քարդաշյանի հանդեպ քո համակրանքը կապվա՞ծ է նրա հայկական գեներ ունենալու հետ:
-Այո: Հաստատ չեմ կարող ասել, եթե նա հայ չլիներ` կսիրեի թե ոչ, բայց երևի կապված է, որովհետև նրա նման շատերը կան` Անջելինա Ջոլի, Բեյոնսեն, որոնք կրկին մեծ ճանաչում ունեն, բայց Քիմն ուրիշ է ինձ համար:
-Իսկ եթե նա չաջակցեր Հայոց ցեղասպանության ճանաչմանը կամ իր հայկական արմատների մասին բացահայտ չխոսեր, ինչպիսի՞ն կլիներ քո վերաբերմունքը նրա նկատմամբ:
-Բնականաբար դրական, որովհետև ինչու պիտի մի աղջիկ իր հայկական արմատների, ցեղասպանության մասին խոսի, եթե այդ ազգի մեծամասնությունը նրան անբարոյական է համարում:
Սամվել Գասարջյան
Հետևեք NEWS.am STYLE-ին Facebook-ում, Twitter-ում և Instagram-ում
09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան