Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Ինչպե՞ս է ստացվել Միշոյի եւ Հայկոյի համագործակցությունը, որքա՞ն գումար է ծախսվել եւ այլ մանրամասներ` «Հյուսիս-Հարավ» ֆիլմից

16:50, 10 սեպտեմբերի

Այսօր երեկոյան «Մոսկվա» կինոթատրոնում տեղի կունենա  «Հյուսիս-Հարավ» հայկական նոր կատակերգական ֆիլմի պրեմիերան, սակայն մինչ այդ փակ ցուցադրություն տեղի ունեցավ` լրագրողների եւ ֆիլմի անձնակազմի մասնակցությամբ:

Ցուցադրության ավարտին հաջորդեց մամուլի ասուլիսը, որի ընթացքում դերասաններն ու ստեղծագործական անձնակազմի այլ անդամներ խոսեցին ֆիլմի ստեղծման եւ իրենց դերակատարության մասին:

 

«Շարմ»  հոլդինգի տնօրեն Կարեն Ղազարյանն իր խոսքում նշեց, որ ֆիլմը լավ կոմեդիա է եւ պետք չէ դրա մեջ լուրջ գաղափարներ փնտրել.  «Սա կոմեդիա է ժամանակ անցկացնելու համար: Բացի բարի էներգիայից, որը մենք փորձել ենք փոխանցել մեր հանդիսատեսին, ուրիշ ոչ մի մեծ գաղափարներ ֆիլմը չի կրում, պարզապես ընկերասիրություն, ջերմություն եւ այլն»,-նշեց նա:

 

Ֆիլմի պրոդյուսեր Արման Միտոյանը, խոսելով բյուջեի մասին, նշեց, որ ֆիլմի վրա «ծախսել են այնքան գումար, որքան պետք էր, այսինքն` շատ», ապա հավելեց, որ, ընդհանուր հաշվով, ֆիլմի բյուջեն կազմում է 400 հազար ԱՄՆ դոլար:

 

Անդրադառնալով գլխավոր դերակատարների ընտրությանը, ֆիլմի ռեժիսոր Դավիթ Բաբախանյանն ասաց, որ ֆիլմում պրոֆեսիոնալ դերասաններ քիչ կան, սակայն մյուսներն էլ կինոաշխարհում ընդունելի եւ շնորհալի դեմքեր են: Ինչ վերաբերում է Դավիթ Թովմասյանին, ով այսօր ներկա չէր փակ ցուցադրությանը, ռեժիսորը նշեց, որ Դավիթը ԱՄՆ-ում է բնակվում եւ այս պահին էլ այնտեղ է եւ Հայաստան էր եկել` հատուկ այս ֆիլմում նկարահանվելու համար:

NEWS.am STYLE-ի հարցին` ինչպես ստացվեց Միշոյի եւ ՀՏ Հայկոյի համագործակցությունը ֆիլմում, Միշոն կատակով պատասխանեց, թե ինքը դեմ է եղել նրա հետ խաղալուն եւ նույնիսկ արդեն փոշմանել է, սակայն Բաբախանյանը հավելեց, որ իրականում հենց Միշոն է առաջարկել ընկերներից մեկի դերը վստահել Հայկոյին:

«Երբ վերջին դերակատարի տեղը թափուր էր, Միշոն առաջարկեց, որ այդ դերը խաղա Հայկ Մարգարյանը»,-նշեց նա:

«Հյուսիս-Հարավ»-ը քաղաքային ռոմանս է: 4 ընկեր՝ յուրաքանչյուրն իր աշխատանքով, իր նպատակներով եւ ամուսնանալու ցանկությամբ: Արտավազդին (Միշո) են վստահում քաղաքի ամենաշքեղ հարսանիքների կազմակերպումը, Արտյոմը (ՀՏ Հայկո) զբաղվում է հողատարածքների առքուվաճառքով եւ ցանկանում է Հյուսիս-Հարավ ճանապարհաշինությանը հատկացված կլորիկ գումարներից մեծ պատառ փախցնել, Էդը (Սոս Ջանիբեկյան) «մեր օրերի վերջին ռոմանտիկի» ոգով փորձում է իր խմբի հետ վերածնել ռետրո երաժշտության ավանդույթները, իսկ անասնաբուժական ամբիոնի կրտսեր գիտաշխատող Նվերը (Դավիթ Թովմասյան) մշտական կատակների թիրախ է:

Ամեն ինչ իր բնականոն հունով էլ կընթանար, եթե Նվերը «նվեր» չաներ ընկերներին եւ մեծահարուստ Լամբերտ Խաչատուրովիչի (Մկո) շքեղ առանձնատանը «անօրինական փարթի» չկազմակերպեր:

Հիմա տղաները ստիպված են մի կողմ դնել սեփական սկզբունքները, գնալ ամենատարբեր զոհողությունների, հայթայթել անհրաժեշտ գումարը եւ փրկել ընկերոջը: Իսկ երբ խոսքն ընկերության մասին է, նպատակն արդարացնում է բոլոր միջոցները:

Հատկանշական է եւ կարեւոր, որ ֆիլմում շատ են հայկական հին ու սիրված երգերը, որոնք յուրահատուկ կերպով լրացնում են ֆիլմի երեւանյան կոլորիտը:

Շուշան Շատիկյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search