• Սիրողական հայկական կատակերգությունից մինչև «Օսկար»-ի ռեկորդային անվանակարգեր. Սև Օհանյանի ճանապարհորդությունը դեպի Հոլիվուդ

  Հուլիսի 18-ին, «Ոսկե ծիրան» 22-րդ միջազգային կինոփառատոնի շրջանակներում, տեղի ունեցավ հանդիպում հոլիվուդյան հայազգի պրոդյուսեր Սևակ (Սև) Օհանյանի հետ, ով Proximity Media-ի հիմնադիրներից մեկն է և «Ֆրութվեյլ կայարան», «Որոնում», «Վազիր», ֆիլմերի, ինչպես նաև Օսկարի ռեկորդային թվով անվանակարգեր ստացած «Մեղսավորներ»-ի պրոդյուսեր է․․․

• Հոլիվուդը վախի մեջ. Ինչու են Իլոն Մասկի, Սեմ Ալտմանի և Պիտեր Թիլի մասին ֆիլմերը հայտնվել չեղարկման եզրին

  Հոլիվուդում գրաքննության նոր ճգնաժամ է հասունանում, և այս անգամ այն ​​կապված չէ արտաքին շուկաների, այլ Սիլիկոնյան հովտի հետ․․․

• Կարա Դելևինը խոստովանել է, որ մտերմացել է Էմբեր Հերդի հետ, երբ վերջինը բաժանվել է Ջոնի Դեփից

  Բրիտանացի մոդել և դերասանուհի Կարա Դելևինը առաջին անգամ անկեղծորեն խոսել է Ջոնի Դեփի և Էմբեր Հերդի աղմկահարույց ամուսնալուծության ժամանակ դերասանուհու հետ կապված երկարատև լուրերի մասին․․․

• Ջոնի Դեփը երկար դադարից հետո առաջին անգամ հայտնվել է կարմիր գորգին և կազմակերպել ռոքնռոլ ​​երեկույթ

  Ջոնի Դեփը հազվադեպ է հայտնվում կարմիր գորգին, հատկապես Լոս Անջելեսում, բայց այս անգամ նա բացառություն է արել, և դս արել է ոճային ձևով…

• Հայերը՝ «Օսկար 2026»-ում․ Սև Օհանյան, Նատալի Մուստիատա, Մադլեն Շարաֆյան․ ռեկորդային անվանակարգեր և 4 «Օսկար»

  Լոս Անջելեսում կայացավ ևս մեկ «Օսկար» մրցանակաբաշխություն, այս տարի՝ 98-րդ անգամ...

• Հոլիվուդյան սարսափներ. Ռեժիսոր Ռոբ Ռեյների և նրա կնոջ սպանության գործով նոր ողբերգական մանրամասներ

  «Page Six»-ը հաղորդում է, որ ռեժիսոր Ռոբ Ռեյների և նրա կնոջ՝ Միշել Ռեյների սպանության վերաբերյալ նոր ողբերգական մանրամասներ են ի հայտ եկել այն բանից հետո, երբ Լոս Անջելեսի շրջանի առողջապահության դեպարտամենտը հրապարակել է նրանց մահվան վկայականները…

• Բրեդլի Քուփերը Ջիջի Հադիդի հետ ամուսնության առաջին քայլն է անում

  Բրեդլի Քուփերի և Ջիջի Հադիդի հարաբերությունները, կարծես, նոր մակարդակի են հասնում․․․

• Պայքար Warner Bros.-ի համար. Netflix-ն ընդդեմ Հին Հոլիվուդի և կինոթատրոնների ճակատագիրը

  Warner Bros.-ի ձեռքբերումը դարձել է իսկական հոլիվուդյան էպոս՝ ներառելով հսկայական ֆինանսական շահարկումներ, կորպորատիվ ինտրիգներ և աստղերի պես մեծ ճանաչում ունեցող գործիչներ…

Աշունը, թերևս, ամերիկյան հեռուստասերիալների սիրահարների ամենսպասված եղանակն է, քանի որ հենց այս ժամանակահատվածում են տեղի ունենում, գրեթե, բոլոր հայտնի հեռուստասերիալների նոր եթերաշրջանների պրեմիերաները: Դրանցից մեկն, օրինակ, «Վամպիրի օրագրերը» բարձր վարկանիշ ունեցող հեռուստասերիալն է, որի 7-րդ եթերաշրջանի պրեմիերան կկայանա հոկտեմբերի 8-ին` «The CW» հեռուստաալիքի եթերում:

Ֆիլմի երկրպագուներն այս անգամ և՛ ուրախանալու, և՛, միևնույն ժամանակ, տխրելու պատճառներ ունեն:  Ուրախալի է այն, որ, վերջապես, կրկին էկրաններին կհայտնվեն արդեն սիրված և հարազատ դարձած հերոսները` Դեյմոնը (Իեն Սոմերհոլդեր), Ստեֆանը (Փոլ Ուեսլի ), Քերոլայնը (Քենդիս Աքքոլա), Բոննին (Քեթրին Գրահամ), Ջերեմին (Սթիվեն Ռ. ՄքՔուին), Թեյլորը (Մայքլ Թրեվինո), Մեթը (Զեք Ռոերիգ), Ալարիքը (Մեթ Դևիս) և այլք: Միգուցե շատերին տարօրինակ թվա այն փաստը, որ ես չնշեցի հեռուստասերիլի գլխավոր հերոսուհուն` Էլենային, որի շուրջ էլ կառուցվել է ֆիլմի սյուժեն: Բանը նրանում է, որ վերջինիս մարմնավորող բուլղարացի դերասանուհի Նինա Դոբրևը, դեռևս, նախորդ եթերաշրջանի ավարտին հայտարարել է, որ ինքն այլևս չի նկարահանվելու «Վամպիրի օրագրերում»:

«Teen Choice Awards 2015»-ի ժամանակ ստանալով «Էկրանային լավագույն համբույր» մրցանակը` (խոսքը գնում է Էլենայի և Դեյմոնի համբույրի մասին) Նինան մեկնաբանել է ֆիլմը լքելու իր որոշումը. «Փոփոխություն` այս բառը նախկինում ինձ վախեցնում էր, սակայն վերջին մի քանի ամիսների ընթացքում ես հասկացա, որ փոփոխությունն ինձ անհրաժեշտ է. անհրաժեշտ է` ավելի շատ բան սովորելու և ինքնակատարելագործվելու համար: Շնորհակալ եմ իմ բոլոր երկրպագուներին` այս 6 հրաշալի տարիների ընթացքում կողքիս լինելու համար»:

Ի դեպ, Իեն Սոմերհոլդերը Նինայի սիրեցյալն էր ոչ միայն ֆիլմում, այլև իրական կյանքում: Դերասանները հանդիպում էին 2010 թ-ից սկսած: Նրանց սիրավեպը տևեց 3 տարի, իսկ 2015 թ-ին Իենը Նինային «փոխարինեց» մեկ այլ «վամպիրով»: Դերասանն ամունացավ «Մթնշաղ» ֆիլմի աստղ Նիկի Ռիդի հետ (ֆիմում` Ռոզալի): Մինչ երկրպագուներից շատերը համոզված էին, որ հենց Իենի ամուսնությունն է  ստիպել Նինային լքել ֆիլմի կազմը, վերջինս սկսեց հանդիպել դերասան Օսթին Սթոուելլի հետ:

Իրականում, դժվար է ասել, թե ինչու բուլղարացի դերասանուհին որոշեց լքել իրեն մեծ ճանաչում բերած հեռուստասերիալը: Իսկ միգուցե Իեն Սոմերհոլդերի և Նինա Դոբրևի սիրավեպը հնարվե՞լ էր հանուն ֆիլմի բարձր վարկանիշի…

Ինչևէ, մինչ 7-րդ եթերաշրջանի մեկնարկը, վերհիշենք նախորդ  եթերաշրջանների ամենահետաքրքիր դրվագները:

Լիզա Ջեյն Սմիթի հեղինակած համանուն գրքի հիման վրա` Քևին Ուիելյեմսոնի և Ջուլի Փլեքի ստեղծած «Վամպիրի օրագրերը» հեռուստաերիալի եթերային մեկնարկը տրվեց 2009 թ-ին: Հեղինակների կողմից հորինված Միսթիք Ֆոլս քաղաքի պատմությունը սկսվում է Էլենա Գիլբերտի և Ստեֆան Սալվատորեի սիրավեպով… Դպրոցահասակ Էլենան չի էլ կասկաում, որ իր քաղաքում մարդկանց կողքին  ապրում են նաև վամպիրներ, մարդագայլեր, կախարդներ, և որ իր սիրելի և բարետես Ստեֆանը, իրականում, 150-ամյա վամպիր է: Բայց ի՞նչ միստիկ պատմություն առանց սիրային եռանկյունու:  Շուտով Միսթիք Ֆոլս է ժամանում Ստեֆանի եղբայրը` իր անզուսպ վարքով աչքի ընկնող Դեյմոնը: Տեսնելով, որ Էլենան ջրի երկու կաթիլի պես նման է իր նախկին սիրուն` Քեթրին Փիրսին (նրան ևս մարմնավորում է Նինա Դոբրևը), Դեյմոնը. նույնպես, սիրահարվում է նրան: Սկզբում եղբայրները պայքարում են Էլենայի սիրո համար, հետո սկսում են համախմբվել և միասին պաշտպանել նրան` վնասել ցանկացող չարագործներց, մինչև որ Էլենան ինքն էլ է դառնում վամպիր և տղաների հետ միասին սկսում է պայքարել ֆիլմի չարագործների` օրինակ, Կլաուսի (Ջոսեֆ Մորգան), Քեթրինի, Քայի (Քրիս Վուդ) և Մարկոսի դեմ: Վերջինիս մարմնավորել է ազգությամբ հայ դերասան Րաֆֆի Բարսումյանը: Հենց Մարկոսի պատճառով են Դեյմոնն ու Էլենայի մտերիմ ընկերուհի Բոննին բառի բուն իմաստով հայտնվում «այն աշխարհում»:  Սակայն Մարկոսին մենք, այլևս, չենք տեսնում ֆիլմի հետագա էպիզոդներում:

NEWS.am STYLE-ի հետ ունեցած բացառիկ հարցազրույցի ընթացքում Րաֆֆին հայտնել էր, որ ֆիլմի հետագա էպիզոդներում Մարկոսի բացակայությունն իր պայմանագրի ավարտի հետ է կապված:

Ի դեպ, չարագործների դեմ պայքարելու ողջ ընթացքում հեռուստասերիալի գլխավոր եռյակին օգնում են նրանց ընկերները` Բոննին, Մեթը, Ալարիքը, Էլենայի եղբայր Ջերեմին և մոտ ընկերուհի Քերոլայնը:

Կարծիք կա, որ հենց Քերոլայնին մարմնավորող  Քենդիս Աքքոլան  պետք է լիներ Էլենայի դերում, քանի որ ըստ գրքի` Էլենան շիկահեր է և կապուտաչյա` ճիշտ Քենդիսի նման: Այդպիսի հերոսուհու էլ փնտրում էր ֆիլմի ստեղծագործկան կազմը, սակայն Նինան լսումների ընթացքում այնպես է գերում բոլորին, որ նրանք համոզվում են` Էլենան հենց այսպիսին պետք է լինի:

«Ես շատ լավ եմ հասկանում, թե ինչու էին երկրպագուները սկզբնական շրջանում հիասթափված այն բանի համար, որ Էլենան շիկահեր չէ: Բայց մենք ստեղծում էինք մի նախագիծ, որը դեռ երկար պետք է հեռարձակվել եթերով, իսկ Էլենան այդ նախագծի գլխավոր հերոսուհին է, և մեզ պետք էր դերասանուհի, որը կարող էր կենդանացնել նրան: Մենք ռիսկի դիմեցինք և դա արդարացվեց»,-նշել է ֆիլմի գործադիր պրոդյուսեր Ջուլի Պլեքը:

Մինչ շատերը փորձում են ենթադրություններ անել, թե ինչպիսին է լինելու ֆիլմի սյուժեն առանց Էլենայի, մենք առաջարկում ենք դիտել ֆիլմի լսումներից հետաքրքիր կադրեր. ահա, թե ինչպես Նինան դարձավ Էլենա, իս Իենը` Դեյմոն:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում