Հայաստանը «Նոր Ալիք-2015» մրցույթում ներկայացնող Գրիգոր Կյոկչյանը համերգային երկրորդ օրը չի կարող ելույթ ունենալ Սոնա Շահգելդյանի հետ, ինչպես ծրագրած էր ավելի վաղ, քանի որ հայկական որեւէ հեռուստաընկերություն չի գնել մրցույթը հեռարձակելու իրավունքը: Սոչիում իր փորձից հետո NEWS.am STYLE-ի թղթակցի հետ զրույցում Գրիգորը նշեց, որ կազմակերպիչների որոշմամբ՝ ինքը երգելու է ռուսական IOWA խմբի հետ:
«Ցավոք, այս տարի ոչ մի հեռուստաընկերություն չկարողացավ գնել մրցույթի հեռարձակման իրավունքը, իսկ առանց դրա ես չեմ կարող ելույթ ունենալ մրցույթի՝ նախորդ տարիների մեր մասնակցի հետ, այդ պատճառով կազմակերպիչներն իրենք ընտրեցին, թե ում հետ եմ ես երգելու:
Համերգային երկրորդ օրը, որը տեղի կունենա հոկտեմբերի 4-ին, լինելու է Իգոր Նիկոլաեւի ստեղծագործական երեկոն, հնչելու են միայն նրա երգերը: Ես եւ IOWA խումբը երգելու ենք նրա Две звезды երգը: Պարզապես խնդիր կա մեր եւ իրենց գործիքավորման տարբերակների հետ կապված, մեր ճաշակները տարբեր են: Բայց Իգոր Կրուտոյը լսել է մեր տարբերակը, որի հեղինակը Մարտին Միրզոյանն է, եւ շատ հավանել է: Կարծում եմ՝ հենց այդ տարբերակն էլ կընտրեն:
Մրցութային վերջին օրը՝ հոկտեմբերի 10-ին, ես կկատարեմ մի երգ, որը գրվել է հատուկ մրցույթի համար: Կոչվում է «Աֆրո»: Այն աֆրո սանրվածքով, սեւամորթ աղջկա մասին է: Շատ օրիգինալ գործիքավորում է՝ աֆրիկյան մոտիվներով եւ 6/8 երաժշտական չափով: Գործիքավորման հեղինակը կրկին Մարտին Միրզոյանն է: Կարծում եմ՝ հաջողություն կունենա, մասնակիցների կողմից շատ է սիրվել երգը»,-ասաց նա:
Գրիգոր Կյոկչյանը նշեց նաեւ, որ Իգոր Կրուտոյը լսել է իր կատարումները եւ գովասանքի խոսքեր հայտնել:
«Բայց դա ոչինչ չի նշանակում, քանի որ եթե չկարողացար քեզ հատկացված երեք րոպեում լավ ելույթ ունենալ, ոչինչ էլ չի տրվի քեզ: Եթե անգամ լինես հաղթողի ամենահավանական թեկնածուն, տեխնիկական մեկ թերության պատճառով կարող ես ծիծաղելի իրավիճակում հայտնվել: Չես կարող կանխատեսել, թե ժյուրին ինչպես կընկալի քո կատարումը, քանի որ այստեղ ռուսական մենթալիտետն է գերիշխում»:
Խոսելով «Նոր Ալիքի» այս տարվա ֆավորիտների մասին, Գրիգորը նշեց, որ իր անունը հաճախ է լսում.
«Շատերը խոսում են, որ ես էլ լավ մրցակից եմ իրենց, սակայն իմ երազանքը մրցույթում լավ ներկայանալն է: Իսկ ինձ համար ֆավորիտներ են Ռուսաստանի երկու ներկայացուցիչները, ինչպես նաեւ Խորվաթիայի եւ Ղազախստանի երգիչները»:
Շուշան Շատիկյան՝ Սոչիից
Հետևեք NEWS.am STYLE-ին Facebook-ում, Twitter-ում և Instagram-ում
14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ