• «Մամայի Բալա»-ն վերադառնում է․ նոր եթերաշրջանում՝ նոր խառնաշփոթ, սեր ու անսպասելի փորձություններ

  Սվետայի տունը կրկին պատրաստվում է վերածվել ամենաանկանխատեսելի ու զվարճալի վայրերից մեկի...

• «Մի գդալ սեր»՝ ֆիլմ, որի յուրաքանչյուր դետալում սեր կա․ պրեմիերա, կարմիր գորգ, խոստովանություններ

  Գրեթե մեկ տարի անց «Մի գդալ սեր» ֆիլմը պատրաստ է հանդիպելու հանդիսատեսին․․․

• «Գերին և Գրեյսը»․ հույսի և մենության մասին տրագիկոմեդիան հայ հանդիսատեսին կներկայացնեն Հովհաննես Բաբախանյանն ու Նարինե Չիլինգարյանը

  ԱՄՆ-ում բնակվող ՀՀ վաստակավոր արտիստ Հովհաննես Բաբախանյանը սեպտեմբերին հյուրախաղերով հանդես կգա հայրենիքում...

• Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է

  Բլոգեր Նուշիկ Օհանյանի ամուսինը, մեկ տարի կոմայի մեջ գտնվելուց հետո, մահացել է…

• Ալեն Սիմոնյանի շնորհավորանքը կնոջը՝ Անելյա Գուբրյանին, 26-ամյակի առթիվ (ֆոտո)

  Անվտանգության խորհրդի քարտուղար Ալեն Սիմոնյանի կինը՝ մոդել Անելյա Գուբրյանն, այսօր՝ սեպտեմբերի 2-ին, նշում է ծննդյան 26-ամյակը…

• ArmenՅԱՆs. Ջեք Թոփալյան՝ «էյֆորիայի» հայ աստղը․ ինչպե՞ս բիզնեսը փոխարինեց դերասանի կարիերայով, «տանջեց» Ջեյքոբ Էլորդիին ու հայերեն խոսեց ամերիկյան հայտնի սերիալում

  Մենք՝ հայերս, աշխարհի որ երկրում էլ լինենք, միշտ հպարտություն ենք ապրում, երբ մեր հայրենակիցներից մեկին հանկարծ տեսնում ենք որևէ խոշոր միջազգային նախագծում...

• Անձրևի և կայծակի պատճառով հետաձգվել է Էրիկի մենահամերգը

  Համերգի մեկնարկից հետո երգիչը հասցրել է մի քանի երգ կատարել, սակայն ուժեղ անձրևի և կայծակի պատճառով միջոցառումը ստիպված են եղել դադարեցնել։ Էրիկ Կարապետյանն ավելի ուշ իր ինստագրամյան սթորիում հայտնել է, որ համերգը տեղափոխվում է սեպտեմբերի 3-ին՝ ժամը 20:30-ին...

• Մոհաննայի «Անպայման»-ը․ նոր երգ, նոր տրամադրություն ու սիրելի տղամարդուն ուղղված երաժշտական խոստովանություն

  Մոհաննան ներկայացրել է իր նոր՝ «Անպայման» երգը, որն արդեն հասանելի է նաև ամբողջական տեսահոլովակով։ Նոր աշխատանքով երգչուհին ոչ միայն շարունակում է իր երաժշտական ճանապարհը, այլև բացում է իր զգացմունքային աշխարհի մի նոր էջ՝ երգը նվիրելով իր սիրելի տղամարդուն...

Երեկ` նոյեմբերի 11-ին, Երեւանի ժամանցի վայրերից մեկում կայացավ «Ամարաս» պարային համույթի պարուհի Սեդա Մովսիսյանի եւ նրա ընտրյալի`  Մանվել Հայրապետյանի հարսանեկան արարողությունը: Միջոցառմանը հրավիրված էր նաեւ NEWS.am STYLE-ը:

Ինչպես ցանկացած հարսնացու, Սեդան եւս լարված էր եւ հուզված իր համար այդքան պատասխանատու օրվա առթիվ, սակայն անհնար էր չնկատել նրա աչքերի փայլն ու երջանկությունը: Մեզ հետ զրույցում հայտնի պարուհին կիսվեց իր սիրո պատմությամբ.

«Մանվելի հետ ծանոթ ենք արդեն 3-4 տարի, միմյանց սիրահարվել ենք ծանոթության պահից: Ամուսինս արվեստի բնագավառից չէ: Մեզ մեր ընդհանուր ընկերներն են ծանոթացրել: Չնայած նա արվեստի հետ կապ չունի, շատ լավ է վերաբերվում իմ մասնագիտությանը, միշտ աջակցում է ինձ, ինչի համար շատ շնորհակալ եմ նրան»,-ասաց Սեդան:

Սեդայի ուրախությունը հավասարապես կիսում էր «Ամարաս» խմբի ղեկավար Վիկա Մարտիրոսյանը.  

«Սեդային մաղթում եմ ամենալավն ու բարին: Թող Աստված պահապան լինի իր նորաստեղծ ընտանիքին, բազմանան եւ երջանիկ լինեն: Իսկ ինչ վերաբերում է Սեդայի եւ «Ամարասի» հետագա համագործակցությանը, այն կշարունակվի նույն կերպ, այդ հարցի շուրջ արդեն խոսել ենք նրա հետ: Նա շարունակելու է զբաղվել իր աշխատանքով»,-մեզ հետ զրույցում նշեց Վիկան:

Իրենց ընկերուհուց պակաս այս օրվան չեն սպասել նաեւ «Ամարաս» խմբի մյուս պարուհիները:

«Սեդան այն ընկերուհիներից է, ում հետ կարելի է կիսվել ցանկացած թեմայով: Նա իմ լավ ընկերուհին է` խելացի, գեղեցիկ, բարեհամբույր: Ամբողջ սրտով ուրախանալու եմ այսօր իր համար»,- մեզ հետ զրույցում նշեց Մանե Հայրապետյանը:

Հարսանեկան ողջ դիզայնն ու, նույնիսկ, «Ամարասի» աղջիկների զգեստները մանուշակագույնի մեջ էին: Հարցին, թե որքանով է մանուշակագույնը նույնացվում Սեդայի հետ, խմբի անդամներից Տաթեւը պատասխանեց. «Մանուշակագույնի ընտրությունը Սեդայի եւ հարսանիքի կազմակերպիչների որոշումն է եղել: Եկանք այն եզրակացության, որ ավելի գեղեցիկ ու պայծառ գույն չի կարող լինել: Սեդան էլ հենց ասոցացվում է մանուշակի հետ»:

Հարսնացուն ողջ երեկոյի ընթացքում փայլեց իր շքեղ հարսանեկան զգեստով: Պարզվում է` զգեստի հեղինակը հենց Սեդան է.

«Ինձ շատ էին ասում, որ պետք չէ ռիսկի դիմել, ավելի լավ է` պատվիրեմ պատրաստի զգեստ, բայց ես որոշեցի իրականացնել իմ երազանքը եւ կրել հենց այս զգեստը: Մտքերս կարողացան կյանքի կոչել հմուտ դերձակները; Առհասարակ, իմ անմոռանալի օրվա դիզայնի, համար ուզում եմ շնորհակալություն հայտնել Սոնյայից ու Ժոռից, ինչպես նաեւ` հատուկ շնորհակալություն եմ ուզում հայտնել Վիկա Մարտիրոսյանին, որը հարսանիքի կազմակերպչական հարցերում ինձ անմնացորդ օգնել եւ աջակցել է: Անչափ շնորհակալ եմ նաեւ «Ամարաս» խմբի մյուս աղջիկներին»,-մեզ հետ զրույցում նշեց հարսնացուն:

Պարուհուն եւ նրա ամուսնուն շնորհավորելու էր եկել նաեւ պարարվեստի վարպետ Աշոտ Մարտիրոսյանը տիկնոջ հետ: Երեկոյի ընթացքում հետաքրքիր եւ յուրօրինակ պարային բեմադրության միջոցով Սեդային անակնկալ մատուցեցին «Ամարաս» խմբի աղջիկները: Նորապսակներին իր ելույթով շնորհավորեց նաեւ երգիչ Գեւորգ Մարտիրոսյանը: Երեկոն վարում էր շոու-մեն Մխիթար Ավետիսյանը:

NEWS.am STYLE-ը եւս միանում է բոլոր շնորհավորանքներին եւ Սեդային ու Մանվելին մաղթում ընտանեկան երջանկություն եւ հավետ սեր:

Սյունե Առաքելյան

Լուսանկարները` Մելինե Տոնոյանի

Հետևեք NEWS.am STYLE-ին Facebook-ում, Twitter-ում և Instagram-ում