Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Երգչուհի Լենա Ղազարյանը` դիմահարդարի աշխատանքի եւ նոր ստեղծագործությունների մասին

16:21, 16 նոյեմբերի

Լենա Ղազարյանին երաժշտասերները ճանաչեցին X Factor նախագծի շնորհիվ, որտեղ տաղանդավոր աղջիկը փայլեց իր ձայնային ողջ հմայքով: Չնայած Լենան չհաղթեց մրցույթում, նախագծից հետո էլ նա հաստատուն քայլերով առաջ գնաց իր երաժշտական ուղիով: Երգչուհու ամենամեծ ձեռքբերումներից է հայտնի երգիչ Անդրեի հետ զուգերգը եվ «Պրեմիերա» նախագծում տարած հաղթանակը:

Այսօր Լենան, կարծես թե, իր համար նոր զբաղմունք է գտել: Նա սոցիալական ցանցերում հաճախ կիսվում է իր կատարած դիմահարդարման աշխատանքներով:

Երգչուհու հետ զրուցեցինք իր նոր հոբբիից եւ երգարվեստի նորություններից:

-Լենա, վերջին շրջանում Ձեզ ավելի հաճախ տեսնում ենք` որպես դիմահարդարի: Ինչպե՞ս Ձեզ գրավեց այդ ոլորտը:

-Ճիշտ եք նկատել: Սկսենք նրանից, որ ինձ համար make up-ը դարձավ հոբբի, հետո որոշեցի մասնագիտանալ այս ոլորտում: Երբ սովորեցի որոշ հմտությունների, ցանկություն առաջացավ նաեւ աշխատելու: Ունեմ աշակերտներ, որոնցից մի քանիսն արդեն ավարտել են: Ամեն դեպքում, սիրով եմ համատեղում երգն ու դիմահարդարի աշխատանքս:

-Հնարավո՞ր է` հետագայում ավելի ընդլայնեք Ձեր գիտելիքներն ու վերջնականապես հաստատվեք այս ոլորտում:

-Այո, ինչո՞ւ ոչ: Կարծում եմ` լավ է ունենալ մի քանի մասնագիտություն: Իմ դեպքում մեկը մյուսին չի խանգարի երբեք:

-Լենա, նաեւ հաճախ հանդես եք գալիս սիրված երգերի cover տարբերակներով...

-Այո, տեսնելով, թե որքան լավ մեկնաբանություններ են արվում հայտնի երգերի իմ մեկնաբանությունների տակ` ցանկություն է առաջանում պարբերաբար մարդկանց ներկայացնել նման կատարումներ:

-Իսկ երաժշտական այլ նորություններ չունե՞ք` սեփական երգերի եւ տեսահոլովակների տեսքով:

-Ունեմ մի քանի նորություն, շուտով կտեսնեք, իսկ այս պահին միայն կարող եմ ձեր ուշադրությանը ներկայացնել իմ նոր երգը:

-Ձեր եւ Անդրեի դուետը, բավականին, սիրվեց հանրության կողմից: Այլ երգիչների հետ համագործակցություններ սպասվո՞ւմ են:

-Մոտ ժամանակներս չգիտեմ` կլինեն, թե ոչ, բայց ապագայում` միանշանակ:

-X Factor-ի ընթացքում Անդրեն Ձեզ շատ էր օգնում խորհուրդներով: Նախագծից հետո շարունակո՞ւմ եք դիմել նրան խորհուրդի դեպքում:

-Այո, անպայման: Անդրեի հետ պահպանել ենք լավ հարաբերությունները: Միշտ խորհուրդի համար դիմում եմ հենց նրան:

-Լենա, ունեք հզոր ձայն եւ համարվում եք մրցութային երգչուհի: Դուք Ձեզ միջազգային մրցույթների բեմերում տեսնո՞ւմ եք:

-Իհարկե, կարծում եմ` եթե ունես ձայն, ուրեմն պետք է մասնակցես մրցույթների: Աստված կորոշի, թե ինչպես կդասավորվի ամեն ինչ: Իմ առաջնային երազանքն է, որ մեր երկրում խաղաղություն լինի, իսկ մրցութային երազանքերս քայլ առ քայլ կփորձեմ իրականացնել:

Սյունե Առաքելյան

Լուսանկարները` Լենա Ղազարյանի Facebook-ի էջից


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search