Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

Փլատակներից փրկված աղջիկը` գեղեցկության մրցույթների թագուհի. Հարցազրույց եւ ֆոտոշարք Լիլիթ Մարտիրոսյանի հետ

20:37, 5 հունվարի

«Միսս Երկրագունդ» մրցույթում Հայաստանը ներկայացրած Լիլիթ Մարտիրոսյանը NEWS.am STYLE-ի ֆոտոնախագծում ներկայացավ Գայանե Մարտիրոսյանի հեղինակած չորս զգեստներով: Չնայած դրսում բավականին ցուրտ էր` հանուն մեր ֆոտոշարքի Լիլիթը համաձայնվեց շատ բարակ զգեստով լուսանկարվել նույնիսկ սառնամանիքի պարագայում:

Նկարահանումից հետո գեղեցկուհին պատասխանեց նաեւ մեզ հետաքրքրող մի քանի հարցի:

-Լիլիթ, մի՞շտ ես պատրաստ լինում նկարահանվել ցանկացած պայմաններում` ցանցկացած եղանակի դեպքում…

-Այո, կարող եմ ասել, որ բավականին կոփված մարդ եմ… Դժվարությունների սովորել եմ դեռեւս ծնվածս օրվանից: Երբ 1988 թ-ին Գյումրիում տեղի ունեցավ ավերիչ երկրաշարժը, ես ընդամենը մի քանի ամսեկան էի: Մեր տունը եւս ավերվեց այդ դաժան դեպքից հետո. ինձ  մայրս փրկեց ավերակներից… Համաձայն եմ ասվածի հետ, որ այն, ինչ մեզ չի սպանում, դարձնում է ավելի ուժեղ: Այսպիսով, ինձ ցանկացած պարագայում ուժեղ մարդ եմ համարում:

-Երկրաշարժից հրաշքով փրկված աղջնակն ինչպե՞ս հայտնվեց մոդելային աշխարհում:

-Մոդելինգով սկսեցի զբաղվել 2012 թ-ից: Մինչ այդ ավելի շատ կենտրոնացած էի ուսմանս վրա, իսկ այդ ոլորտի հանդեպ բացարձակապես անտարբեր էի: Ծնողներիս, հատկապես, մայրիկիս խորհուրդով այդ տարի մասնակցեցի «Միսս Հայաստան» մրցույթին, որտեղից էլ ինձ նկատեց «Ատեքս» նորաձեւության տան տնօրեն Օլգա Լավրենկոն, որն ինձ շատ աջակցեց այս ոլորտում: Սկսեցի հաճախել «Ատեքս» նորաձեւության դպրոցը: Հիշում եմ` ամեն օր Գյումրուց գալիս էի Երեւան: Իհարկե, շատ դժվար էր այդ ամենը, բայց կարեւորը` սիրով էի անում դա: Առհասարակ, ես ինչ անում եմ, սիրով եմ անում: Կարծում եմ` դա է հաջողության ամենակարեւոր գործոնը:

2012 թ-ից ինքս եմ փորձում ինչ-որ կերպ օգնել դժվարություններին առերեսվող մարդկանց` Գյումրու տնակային ավաններում ապրող հաշմանդամներին, ծնողազուրկ երեխաներին եւ նրանց ընտանիքներին: Հուսով եմ` հաջողվում է ինչ-որ չափով մեղմել նրանց դժվարությունները:

-Լավ, խոսենք «Միսս Երկրագունդ» մրցույթից: Ոչ միայն հաղթեցիր «Տաղանդներ» փուլում, այլեւ համարվում էիր մրցույթի ֆավորիտներից մեկը: Չզարմացա՞ր, երբ հաղթող դարձավ Ֆիլիպինների ներկայացուվիչը:

-Մրցույթը հենց ֆիլիպիննական է եւ նախորդ տարի էլ էր Ֆիլիպինների ներկայացուցիչը դարձել հաղթող: Եթե անկեղծ` նման մրցույթներում կարեւոր են այն առաջարկները, որոնք ստանում ես դրանց ավարտից հետո: Ես, օրինակ, մի քանի առաջարկներ եմ ստացել Վիեննայից, Սինգապուրից, Թայվանից… դրանք դեռ քննարկման փուլում են: Առաջարկները վերաբերում են թե մոդելինգին, թե գեղեցկության մրցույթներին մասնակցությանը: Ինձ պարտված չեմ համարում: Ցանկացած մրցույթ ինչ-որ նոր հաջողության սկիզբ է: «Միսս Հայաստան» մրցույթում էլ չհաղթեցի, բայց փոխարենը ինձ նկատեցին «Ատեքս» նորաձեւության տանից, որտեղից էլ սկսվեց իմ հաջողությունը…

-Ասում են` գեղեցիկ կանայք ավելի ինքնավստահ են լինում: Համաձա՞յն ես այս մտքի հետ:

-Գեղեցկությունը, նախ եւ առաջ, հոգու եւ արտաքինի ներդաշնակությունն է: Շատ կանայք կան, որոնք գեղեցիկ են, բայց չեն նկատում դա եւ այլ ճանապարհների են դիմում գեղեցիկ երեւալու համար: Խոսքը  պլաստիկ վիրահատությունների մասն է, որոնք ես չեմ ընդունում: Իսկ երբ կինը գիտակցում է իր գեղեցկությունը եւ երջանիկ է իր արտաքինով, նրա աչքերը փայլում են եւ նա ավելի բարի է լինում էությամբ: Ընդհանրապես, այն ինչ Աստված է ստեղծել, կատարյալ է: Աստծո ստեղծածը գեղեցիկ է եւ չպետք է այն փոխել:

-Լիլիթ, 2015 թվականը, կարծես թե, քեզ համար բավականին հագեցած տարի էր…

-Այո, բավականին… 2015 թ-ին ինձ նկատեց «Համաշխարհային գեղեցկության եւ նորաձեւության լիգայի» նախագահ Աշոտ Խաչատրյանը եւ հրավիրեց մասնակցելու «Top Model Հայաստան» մրցույթին: Այն հաղթելուց հետո մասնակցեցի Եգիպտոսում կայացած «Top Model Աշխարհ» մրցույթին: Հենց այնտեղ էլ ինձ նկատեցին և առաջարկեցին մասնակցել «Միսս Երկրագունդ» մրցույթին:

Բացի այդ` նկարահանվեցի գովազդային հոլովակներում: Այս ամենի համար շնորհակալ եմ Աստծուն եւ իմ ընտանիքին, որոնք միշտ ինձ աջակցում են:

-Քանի որ տոները դեռ շարունակվում են, ի՞նչ կմաղթես Ամանորի առթիվ:

-Շնորհավորում եմ բոլոր հայերին: Ես շատ եմ սիրում մեր երկիրը: Այն պահպանող զինվորներին մաղթում եմ առողջություն եւ խաղաղ ծառայություն: Երիտասարդները թող ուրախ լինեն, տարեցները` անհոգ, իսկ երեխաների դեմքից թող ժպիտն անպակաս լինի: Մաղթում եմ, որ մեր երազանքները երբեք անպատասխան չմնան:

Սյունե Առաքելյան

Լուսանկարները` Մելինե Տոնոյանի

Զգեստները եւ դիմահարդարումը` Գայանե Մարտիրոսյան

Նկարահանումն իրականացվել է «Մուսալեռ» ռեստորանային համալիրում           


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search