Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Հրանտ Թոխատյանը, Լուիզա Ներսիսյանը, Խորեն Լեւոնյանը, Սոս Ջանիբեկյանը եւ շատ ուրիշներ՝ «Իմ քեռի Ռաֆայելը» ֆիլմի պրեմիերային (ֆոտո)

10:02, 7 հունվարի

Հունվարի 6-ին Կինո Պարկում կայացավ Մարկ Ֆուսկոյի եւ Վահիկ Փիրհամզէի հայերեն թագմանությամբ «Իմ քեռի Ռաֆայելը» հոլիվուդյան կոմեդիայի պրեմիերան, որի ռեժիսորն է Մարկ Ֆուսկոն, սցենարի հեղինակներն են՝  Վահիկ Փիրհամզէին եւ Սքոթ Յագեմանը, դերերում՝  Վահիկ Փիրհամզէի, Ռաքել Բլանկարդ, Թադեհ Ամիրյան, Ջեյսոն Ավալոս, Անահիտ Ավանեսյան, Օսթին Բաթլեր եւ Ֆրեդ Քրոս:

Հոլիվուդյան հուսահատ պրոդյուսերը համոզում է տարիքն առած մի հայազգի տղամարդու դառնալ ռեալիթի շոուի աստղ: Երբ քեռի Ռաֆայելը հայտնվում է Շումահերների ընտանիքում, անխուսափելի է դառնում մշակույթների բախումը:

«Մեր հերոսն ունի ընդամենը 1 շաբաթ, որի ընթացքում պետք է փրկի կործանման եզրին գտնվող ամերիկյան ընտանիքը: Ամերիկան ունի պրոբլեմ, իսկ հայազգի քեռի Ռաֆայելը ունի բոլոր լուծումները: Միակ խնդիրն այն է, որ բոլոր պայմանները թելադրում է հենց ինքը՝ քեռի Ռաֆայելը»,- ասել է Վահիկ Փիրհամզէին:

Ֆիլմում քեռի Ռաֆայելի ընտանիքի միջոցով ներկայացված են հայկական սովորույթները, արժեքները, տրված է պատմամշակութային տեղեկություն Հայաստանի եւ հայ ժողովրդի մասին: Հայկական ավանդական արժեքներով ապրող քեռի Ռաֆայելի խորհուրդները օգտակար են դառնում տարբեր ազգային պատկանելություն ունեցող մարդկանց համար, հատկապես՝ ամերիկյան փլուզվող ընտանիքի:

Ռաֆայելի եւ նրա որդի Համոյի կերպարները մարմնավորել է հենց Վահիկը:

«Շատ դժվար էր երկու տարբեր կերպար մարմնավորել: Մեկ ժամից ավել Ռաֆայելի կերպարի համար գրիմ էին անում: Նկարահանում էինք այդ կերպարին, հետո անցնում Համոյի կերպարի նկարահանմանը»,- ասաց Վահիկը:

Նշենք, որ ֆիլմի պրեմիերան  Միացյալ Նահանգներում կայացել է դեռեւս ամիսներ առաջ: Վահիկի խոսքով այն մեծ արձագանք է գտել Ամերիկայի  տասից ավելի քաղաքներում:

Հավելենք, որ Երեւանում կայացած պրեմիերայի հյուրերն էին Հրանտ Թոխատյանը, Լուիզա Ներսիսյանը, Խորեն Լեւոնյանը, Սոս Ջանիբեկյանը, Արսեն Սարգսյանը, Ռոլանդ Գասպարյանը, Ռաֆայել Երանոսյանը, Մկրտիչ Արզումանյանը, Անդրեն, Ինգա եւ Անուշ Արշակյանները եւ շատ ուրիշներ:

Մելինե Տոնոյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search