Ո՞ր գործոններ են արագացնում մաշկի ծերացումը։
Ծխախոտի ծուխը
Կարեւոր չէ, դու ծխում ես, թե շփվում ես ծխողների հետ, ծխախոտի ծուխը բոլոր դեպքերում վնասում է քո մաշկը: Հետազոտությունների արդյունքները ցույց են տվել, որ ծուխը չորացնում է մաշկը ու կնճիռների առաջացման պատճառ դառնում: Ծխախոտի ծուխը սպառում է օրգանիզմում վիտամին C-ի պաշարը, որը մաշկի խոնավության պահպանման կարեւորագույն պայմաններից է: Որոշ հետազոտողների կարծիքով ծխախոտի ծուխը նույնքան կործանարար ազդեցություն է թողնում մաշկի վրա, որքան ուլտրամանուշակագույն ճառագայթները:
Արեւի ազդեցությունը
Արեւի ճառագայթները ծերացնում են մաշկը: Արեւի ազդեցության տակ մաշկը չորանում է, կնճիռները խորանում, բացի դրանից մաշկի վրա կարող են նաեւ պեպեններ հայտնվել, որոնք հետո վեր են ածվում շագանակագույն բծերի: Նաեւ նկատի ունեցեք, որ արեւային լոգանքները բարձրացնում են մաշկի քաղցկեղի հավանականությունը:
Ֆիզիկական վարժությունների պակասը
Նստակյաց կենսակերպը նպաստում է մաշկի ծերացմանը: Իրական տարիքից երիտասարդ տեսք ունենալու համար պետք է սպորտով զբաղվել: Վարժություններն օգնում են տոնուսի մեջ պահել մկանները ու լավացնել արյան շրջանառությունը: Մասնագետների կարծիքով, կանոնավոր մարզանքները պետք է մաշկի խնամքի կարեւոր բաղադրիչը դառնան:
Ոգելիցի օգտագործումը
Ոգելից խմիչքը նպաստում է մաշկի ծերացմանը, լայնացնելով մաշկի վրա մանր արյունատար անոնթները ու ավելացնելով արյան հոսքը դեպի մաշկի մակերես: Ժամանակի ընթացքում այդ արյունատար անոթները վնասվում են, իսկ դեմքի մաշկը կարմրավուն երանգ է ձեռք բերում, ինչը նույնպես չի գեղեցկացնում կնոջը:
Սթրես
Սթրեսը, անհանգստությունը, դեմքը խոժոռելու սովորությունը բացասաբար են անդրադառնում մեր արտաքինի վրա: Սկզբում մանր կնճիռներ են հայտնվում, որոնք ժամանակի ընթացքում խորանում են: Ձգտեք վերահսկել ձեր զգացմունքները, արագ հաղթահարել ձեր սթրեսները, ազատվել խոժոռվելու սովորությունից ու օրվա ընթացքում բազմազան դարձնել ձեր դիմախաղը: Փորձագետները խորհուրդ են տալիս նաեւ չհրաժարվել յոգայով զբաղվելուց, քանի որ դա նույնպես նպաստում է լիցքաթափմանը:
Քնի պակասը
Քնի պակասից դու հոգնած տեսք ես ունենում: Քնի պակասը նախեւառաջ դեմքի վրա է արտահայտվում՝ աչքերի տակ մուգ շրջանակներ ու մանր կնճիռներ են առաջանում: Նաեւ քնի պակասը այն հիմնական գործոնն է, որը կարող է հիշողության խնդիրներ ու դեպրեսիայի ախտանիշներ առաջացնել՝ օրինակ ամենօրյա գործունեության նկատմամբ հետաքրքրության կորուստ ու բացասական մտածողություն: Գիտնականների ուսումնասիրությունների արդյունքները ցույց են տվել, որ լավ ինքնազգացողություն ու նորմալ աշխատունակություն պահպանելու համար մեծահասակների մեծ մասին անհրաժեշտ է օրական 8-9 ժամ քնել: Գիշերը ամուր քնելու համար պետք է քչացնել օրվա ընթացքում կոֆեինի գործածումը, քնելուց առնվազն երկու ժամ առաջվանից ոչինչ չուտել ու ձգտել նույն ժամին պառկել քնելու:
Աղբյուրը՝ Creu
Հետևեք NEWS.am STYLE-ին Facebook-ում, Twitter-ում և Instagram-ում
15:58, 20 մայիսի
FX-ը եւ Hulu-ն պաշտոնապես հայտարարել են «Սյոգուն»-ի երկրորդ եւ երրորդ եթերաշրջանների մասին15:18, 20 մայիսի
Jacob & Co.-ն ներկայացնում է «Ring of Fire» հազվագյուտ ժամացույցը14:21, 20 մայիսի
Դեւիդ Բեքհեմը տղամարդկանց հագուստի հավաքածուներ կստեղծի Hugo Boss-ի համար13:22, 20 մայիսի
Դեմի Մուրն ապշեցրել է իր էքստրավագանտ զգեստով12:18, 20 մայիսի
Քեւին Քոսթների ֆիլմը Կաննում 10 րոպեանոց հոտնկայս ծափահարությունների է արժանացել11:08, 20 մայիսի
«Ես, իսկապես, զղջում եմ»․ Շոն «Դիդի» Քոմբսն առաջին անգամ խոսել է համացանցում տարածված տեսանյութի մասին, որում նա ծեծում է նախկին ընկերուհուն10:17, 20 մայիսի
Նիկոլայ Նոսկովի առողջական վիճակը կտրուկ վատացել է09:00, 20 մայիսի
ՄԱՅԻՍԻ 20-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով