• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

• Կես դար Հայաստանի ազգաին ֆիլհարմոնիկի կազմում. տավղահարուհի Ժաննա Հովհաննիսյանի պատմությունը

  Ծնողներս համարում էին որ երաժշտությունը՝ հոգու համար է, իսկ ավելի «կոնկրետ» մասնագիտություն ստանալը պարտադիր է․․․

• Մեծամտությունից, իրար չլսելուց, խաբելուց, բողոքելուց հայերը պետք է հրաժարվեն

  «Բլոկադա» ներկայացումը պատմում է արցախցի ընտանիքի մասին, որի կյանքը փոխվում է շրջափակման հետևանքով, և Երևանից Արցախ հասած ընտանիքի հետ հանդիպման մասին...

Երիտասարդ դերասանուհի Լուիզա Կարապետյանին հեռուստադիտողը ճանաչում է «Սիրո Գերին» եւ «Ուրիշի հոգին» հեռուստասերիաներից: Երկու ֆիլմերում էլ Լուիզան մարմնավորում է ըմբոստ եւ չարակամ հերոսուհիների: Հայ հեռուստադիտողն էլ սիրում է նույնացնել կերպարին եւ դերասանին… Այդ նկատառումներից ելնելով` NEWS.am STYLE-ը որոշեց զրուցել Լուիզա Կարապետյանի հետ եւ ներկայացնել նրան այլ տեսանկյունից: Դերասանուհին նաեւ լուսանկարվեց մեր ֆոտոշարքում՝ ցուցադրելով իր օրվա սկիզբը.

-Լուիզա, ինչպե՞ս ես սովորաբար սկսում օրդ:

-Օրս սկսում եմ մի գավաթ սուրճով, որն ինձ մատուցում է սիրելի մայրիկս:

-Ի՞նչ երաժշտության ներքո ես սիրում արթնանալ:

-Սիրում եմ լսել տարբեր ժանրերի երաժշտություն։ Եթե ծանր աշխատանքային օր է, ապա լուրջ դասական երաժշտություն եմ լսում, եթե նախատոնական է, թեթեւ ջազային, չնայած` երեւի փորձեմ հակառակն անել (ծիծաղում է):

-Բացի նկարահանումներից այլ նախասիրություններով հասցնո՞ւմ ես զբաղվել:

-Հասկանում եմ, որ մասնագիտությանս մեջ կայանալու համար կարեւոր է նաեւ օտար լեզուներ տիրապետելը, հիմա շատ ժամանակ եմ հատկացնում անգլերենի դասընթացներին, քանի որ առաջիկայում նախատեսում եմ այցելություն Միացյալ Նահանգներ:

-Իսկ ընտանիքին եւ ընկերներին ստացվո՞ւմ է ժամանակ տրամադրել:

-Ընտանիքիս, հարազատներիս եւ ընկերներիս համար միշտ էլ ժամանակ ունենում եմ եւ շատ եմ սիրում նրանց հետ ժամանակ անցկացնել: Այդպես հաջողվում է լիցքաթափվել եւ լավ ու բարի էմոցիաներով լցվել:

-Սովորաբար բացասական կերպարների ես մարմնավորում: Դա որեւէ ազդեցություն ունենո՞ւմ է քո առօրյա կյանքի վրա: Չէ՞ որ, մարդիկ սիրում են նույնացնել դերասաններին եւ նրանց կերտած հերոսներին…

-Բոլոր դերասաններին էլ հայտնի է, որ բացասական դեր կերտելն ավելի հետաքրքիր է, քան դրական: Դրական դերերը կանխատեսելի են ու պարզ, բացասական դերերը՝ հակասական, գունեղ, ներքին պայքարից ծնվող… Ինչ վերաբերում է  հասարակության վերաբերմունքին` ապա նրանք, ովքեր կինոն եւ կյանքը նույնացնում են, ինձ չեն սիրում: Նրանք, ովքեր հասկանում են, որ ֆիլմն այլ բան է, կյանքն այլ, սիրով ընդունում են ու շփվում ինձ հետ: Այդպես լինում է նաեւ կենցաղում խանութում կամ որեւէ հասարակական վայրում. Սկզբնական շրջանում ազդվում էի, բայց հիմա արդեն ընտելացել եմ ու հանգիստ եմ նայում այդ ամենին:

-Կա՞ հերոսուհու մի տեսակ, որին կցանկանայիր մարմնավորել:

-Քանի որ մասնագիտությամբ երաժշտական դերասանուհի եմ, կցանկանայի խաղալ երաժշտական ֆիլմերում` երգչուհու կերպարով:

-Քո առջեւ արգելքներ դնո՞ւմ ես: Օրինակ՝ ինչպիսի՞ տեսարաններում կամ ֆիլմերում երբեք չէիր նկարահանվի:

-Նկատի ունենալով ազգային մենթալիտետը, ծնողներիս եւ հարազատներիս վերաբերմունքը, նաեւ իմ համոզմունքները` չէի նկարահանվի բաց տեսարաններում: Հասկանում եմ դերասանուհիներին, որոնք նկարահանվում են նման տեսարաններում, բայց ինքս կհրաժարվեի…

-«Ուրիշի հոգին» հեռուստասերիալը շուտով կավարտվի… Առաջիկայում քեզ այլ հեռուստասերիալներում եւ այլ դերերում տեսնելո՞ւ ենք: Ունե՞ս նոր առաջարկներ:

-Առաջարկներ կան, բայց քանի որ մեկնելու եմ ԱՄՆ, չեմ կարող ընդունել ոչ մի առաջարկ: Վերադառնալուց հետո կտեսնենք…

Զրուցեց Սյունե Առաքելյանը

Լուսանկարները` Մելինե Տոնոյանի

Դիմահարդար` Մարիանա Մխիթարյան

Շնորհակալություն Imperial հյուրանոցին` նկարահանումներին աջակցելու համար

Հետևեք NEWS.am STYLE-ին Facebook-ում, Twitter-ում և Instagram-ում