Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

Արփին եւ ԴերՀովան շուտով կներկայացնեն «Թամզարա» երգի տեսահոլովակը. backstage (ֆոտո)

17:01, 12 ապրիլի

Երգչուհի Արփի Շահնուբարյանը երկարատեւ դադարից հետո իր երկրպագուներին կներկայանա նոր տեսահոլովակով: Ինչպես նշեց երգչուհին, մայրանալուց հետո սա իր առաջին աշխատանքն է: Արփին ԴերՀովայի հետ օրեր առաջ նկարահանեցին «Թամզարա» տեսահոլովակը:

«Վաղուց էինք մտածում «Թամզարա» երգի հիման վրա տեսահոլովակ նկարահանել: Իմ նախորդ տեսահոլովակից այն շատ է տարբերվելու: «Զեփյուռի վրա»-ն ավելի լիրիկական եւ հանգիստ երգ է, իսկ «Թամզարան»՝ խրոխտ, որտեղ ներկայացվում է հայ կնոջ ուժեղ կերպարը: Տեսահոլովակում նաեւ կարելի է տեսնել հայկական թամզարա պարը, որը վստահված է Սոֆի Դեւոյանի սաներին եւ Սասուն ազգագրական պարային համույթին՝ Անդրանիկ Մանուկյանի գլխավորությամբ»,- ասել է երգչուհին:

Տեսահոլովակի ռեժիսորը ԴերՀովան է: Սա նրա առաջին ռեժիսորական աշխատանքն է: Նրա խոսքով՝ իր եւ Արփիի ընկերությունը տարիների փորձ ունի: Նա միշտ Արփիի կողքին է եղել՝ օգնելով մի շարք երգերի գործիքավորման եւ ժաղավրդական ալբոմի իրականացման հարցերում։ «Գանձեր» ալբոմում ներառված երգերի ընտրության հարցում էլ է Դեր Հովան օգնել երգչուհուն։

«Ես սփյուռքում ապրող մարդ եմ եւ գիտեմ, որ երգերն են սիրված։ Ես Արփիին առաջարկեցի իր ձայնասկավառակի «Թամզարա» երգի հիման վրա տեսահոլովակ նկարի: Ինչ-որ չափով պատկերացնում էի, թե ինչ տեսակի կարող է այն լինել։ Մի լավ թիմ հավաքեցինք եւ սկսեցինք նկարահանել: Չեմ կարծում, որ երգը կքննադատվի, քանի որ դրա գործիքավորումը շատ լավ է արված: Օգտագործել ենք միայն ժողովրդական գործիքներ: Իսկ տեսահոլովակի առումով հնարավոր է քննադատեն»,- ասել է ԴերՀովան:

Տեսահոլովակում Արփին ներկայանալու է մի քանի կերպարներով. «Կերպարների ընտրությունը վստահված է Արամ Նիկոլյանին: Այն, ինչ մենք պատկերացնում էինք, տեսնում էինք նրա Ուրֆա հավաքածուի մեջ։ Առաջին կերպարս ավելի մեղմ է, մյուսը ավելի ազատ՝ դեպի մոդեռն, իսկ երրորդը հայ ուժեղ կնոջ կերպարն է»:

Երգչուհին ավելացրեց, որ նախկինում «Թամզարա»-ն հնչել է հարսանիքներին։ Պարել են տղա եւ աղջիկ  միասին, որն էլ արտահայտված կլինի տեսահոլովակում:

Խոսելով իր երաժշտական ճաշակի մասին՝ Արփին ասել է. «Իմ երաժշտական ճաշակը տարբեր է։ Ես կարող եմ երգել ջազ, հետո անմիջապես կատարեմ ժողովրդական: Երգում եմ իմ ձեռագրով, իմ ոճով, իմ զգացողությամբ եւ իմ զգացածով: Եվ շատ ոգեւորիչ է, որ իմ երգերը լսում են ոչ միայն միջին եւ մեծ տարիքի մարդիկ, այլ երիտասարդներ: Ինձ համար ժողովրդական ֆոլկը նորություն է: Դրա համար շատ եմ ցանկանում իմ ձայնասկավառակի որոշ երգեր հասու դարձնել շատերին, քանի որ ինչպես գիտենք, այսօր ձայնասկավառակները չեն վաճառվում: Երգը տարածվում է միայն տեսահոլովակի միջոցով»:

Իսկ վերջում երգչուհին նշեց, որ չի բացառվում այլ ժանրերով էլ տեսահոլովակներ ներկայացնի:

Մելինե Տոնոյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search