• ReAnimania-ն 18 տարեկան է․ միջազգային փառատոնն ընդլայնում է ծրագիրն ու հանդես գալիս նոր նախագծերով

  Նոյեմբերի 7-ից 14-ը Երևանը կրկին կհյուրընկալի աշխարհի տարբեր երկրներից ժամանած անիմատորների, նկարիչների և վիզուալ արվեստի սիրահարների…

• Ծաղկունք»-ի 10-ամյակը՝ Մոսկվայում․ երկու մեծամասշտաբ համերգային ծրագիր՝ մեկ հարթակում

  Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը…

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

• ReA Academy Lab-ի բաց կանչ միջին փորձառություն ունեցող մասնագետների համար

  ՌեԱ փառատոնը՝ Հ. Հովնանյան ընտանեկան հիմնադրամի աջակցությամբ, հայտարարում է ReA Academy Lab-ի բաց կանչը։ Եթե դուք պրոդյուսեր, սցենարիստ կամ վիզուալ արվեստագետ եք, ապա այս հնարավորությունը հենց ձեզ համար է...

• Coco Jambo-ի, It's My Life-ի, What is Love-ի լեգենդար կատարողներն ու Boney M-ը 90-ականներին հայտնի հայ աստղերի հետ՝ նույն բեմում․ Հայաստանում կայացավ առաջին Retro Stars Fest-ը (ֆոտո/վիդեո)

  90-ականների ամենահայտնի հիթերը՝ Հայաստանում...

• 90-ականների շունչը՝ Հայաստանում կայացած Retro Stars Fest-ում․ օրվա ամենահետաքրքիր կերպարները (ֆոտո)

  Երեկ Հայաստանում նոստալգիկ տրամադրություն էր։ Առաջին անգամ մեր երկում կազմակերպվեց Retro Stars Fest-ը, որը մեկ բեմի վրա «ժամադրեց» 90-ականներին հայտնի համաշխարհային ու հայ ամենասիրված աստղերից մի քանիսին...

• Պար, թատրոն և միջազգային համագործակցություն․ մեկնարկել է «ԹԷԱՏՐՈՆ» փառատոնը

  Սեպտեմբերի 14–28-ը Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը…

• Խաչիկը պատրաստվում է ամենաքաղցր տոնին․ Գաթայի փառատոնը 10 տարեկան է

  Սեպտեմբերի 19-ին Վայոց ձորի Խաչիկ բնակավայրը կրկին կդառնա գաթայի, ազգային երգ ու պարի, արհեստների ու գյուղական բարիքների տոնական կենտրոն…

«Ոսկե ծիրան» Երեւանի միջազգային 13-րդ կինոփառատոնն այս տարի կանցկացվի հուլիսի 10-17-ը․ Փառատոնը նվիրված կլինի ՀՀ անկախության 25-ամյակին։ Այս մասին այսօր՝ հունիսի 15-ին, կայացած մամուլի ասուլիսի ժամանակ հայտնեց ՀՀ Մշակույթի նախարար Հասմիկ Պողոսյանը․

 «Շատ ուրախ եմ, որ, մշտապես մեծ ուշադրություն կա «Ոսկե ծիրան» կինոփառատոնի նկատմամբ։ Այս տարվա «Ոսկե ծիրանը» մեզ համար առանձնահատուկ է, քանի որ մենք այս տարի նշում են Հայաստանի Հանրապետության անկախության 25-ամյակը, իսկ այս փառատոնն այդ անկախության ծնունդն է եւ ներառում է այնպիսի գծեր, որոնք բնորոշ են անկախությանը՝ խաղաղություն, մարդասիրություն, ժողովրդավարություն։ «Ոսկե ծիրանի» շնորհիվ մենք կարողացանք վերացնել բազմաթիվ սահմաններ, որոնք գոյություն ունեին մեզանում եւ արտաքին աշխարհում»,- նշեց ՀՀ մշակույթի  նախարարը։

Կինոփառատոնի հիմնադիր տնօրեն Հարություն Խաչատրյանի խոսքով՝ ուրախալի է այն փաստը, որը, նույնիսկ, դժվարին ժամանակահատվածում մարդիկ ոգեւորությամբ են սպասում փառատոնի մեկնարկին․

«Արդեն 13-րդ տարին է, ինչ անցկացվում է այս փառատոնը․ թվում է, թե մարդիկ պետք է որ, հոգնած լինեն մեզանից, սակայն փառք Աստծո, որ նույնիսկ այս դժվարին ժամանակներում, երբ պատերազմն աչքներիս առաջ էր, անհանգստությունը՝ մեծ, իսկ ֆինանսական խնդիրները տարածված են ամբողջ աշխարհում, «Ոսկե ծիրանը» շարունակում է մնալ Մշակույթի նախարարության եւ բոլորիս ուշադրության կենտրոնում։ Փառատոնը նվիրված է մեր անկախության 25-ամյակին եւ մենք ցանկանում ենք ցույց տալ, որ ոչինչ մեզ չի կոտրել»,-նշեց  Հարություն Խաչատրյանը՝ ավելացնելով, որ դեռեւս պարզ չէ, թե ովքեր են լինելու այս տարվա «Ոսկե ծիրանի» միջազգային հյուրերը։

Ինչպես ամեն տարի, այս տարի եւս կինոփառատոնը  ներկայանալու է հագեցած ծրագրով․

«Մրցութային ծրագրերը, գրեթե, անփոփոխ են՝ կլինեն լիամետրաժ,  խաղարկային եւ վավերագրական միջազգային ֆիլմերի մրցույթներ։ Մենք մեծ կարեւորություն ենք տալիս նաեւ հայկական համայնապատկերին եւ այդ բաժինը եւս բավականին հարուստ կլինի»,-նշեց փառատոնի ծրագրերի տնօրեն Միքայել Ստամբուլցյանը՝ հավելելով, որ ամեն տարի կինոփառատոնի շրջանակներում ցուցադրվում են այնպիսի երկրների աշխատանքներ, որոնք այլ առիթով կինոսերները չէին կարողանա դիտել։ Այս տարի կինոփառատոնի շրջանակներում, օրինակ, կցուցադրվեն բասկյան եւ դանիական ֆիլմեր։

Կինոփառատոնի գեղարվեստական տնօրեն Սուսաննա Հարությունյանը նշեց, որ փառատոնի առանձնահատկություններից մեկն էլ այն է, որ այս տարի հիմնական ուշադրություը սեւեռվելու է հայկական կինոյի վրա․

«Հայկական արտադրության շատ հետաքրքիր ֆիլմեր կներկայացվեն մեր արտասահմանյան կոլեգաներին։ Փառատոնում ընդգրկված հայկական ֆիլմերը  կներկայացվեն պրեմիերաների ձեւաչափով։ Մենք անպայման ուզում ենք շեշտադրել եւ ցույց տալ հայկական կինոյի վերելքը»։

«Ոսկե ծիրան» Երեւանի 13-րդ միջազգային կինոփառատոնի շրջանակում կկակզմակերպվեն նաեւ հայկական կինոարվետի երախտավորներ Դմիտրի Կեսայանցի, Էդմոնդ Քեոսայանի, Ռուբեն Գեւորգյանցի եւ Ռոման Բալայանի հոբելյանական երեկոները։ Դմիտրի Կեսայանցի, Էդմոնդ Քեոսայանի եւ Ալբերտ Յավուրյանի հոբելյանների առթիվ անվանական աստղեր կտեղդրվեն Շառլ Ազնավուրի անվան հրապարակում։

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում