• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

• «Բարձրաձայն կարոտ»․ Վարդուհի Վարդանյանին նվիրված երեկոյին բեմում էին նաև որդին, թոռնուհին ու քույրերը (ֆոտո/վիդեո)

  Ապրեց ընդամենը 30 տարի, սակայն Վարդուհի Վարդանյանը հասցրեց ստեղծել մի ժառանգություն, որն այսօր էլ շարունակում է ապրել նրա երգերում, կատարումներում ու իրեն ճանաչողների հիշողություններում․․․

• Ռաֆայել Երանոսյանը խոստանում է «թեթևացնել» կյանքի ծանրությունները. նոր մոնոներկայացման պրեմիերան՝ հոկտեմբերի 19-ին

  Ռաֆայել Երանոսյանը կրկին բեմ է բարձրանալու մոնոներկայացմամբ, այս անգամ՝ «Ծանր ու թեթև» խորագրով...

• Ռոմեոն ու Ջուլիետը՝ Սունդուկյանի բեմում․ երկու դերակատարների անկեղծ պատասխանները

  Ռոմեոն ու Ջուլիետը համաշխարհային թատրոնի ամենաճանաչված սիրահարներից են...

• Սամվել Հայրապետյան. վիրտուոզ ջութակահար, որը համատեղում է դասականը, ռոքը և ջութակագործության արվեստը

  Երբեմն ուրիշի մասնագիտական ​​սխալը լիովին փոխում է կյանքի ընթացքը: Սամվել Հայրապետյանը մանկուց դատապարտված էր դաշնակահար դառնալու, բայց հանձնաժողովը նայեց նրա ձեռքերին և մտածեց՝ մատները չափազանց կարճ են…

• Անահիտի փայլուն ելույթը՝ ռուսական նախագծում, Լիլիթ Հովհաննիսյանի շքեղ համերգը՝ Երևանում, Վարդուհի Վարդանյանին նվիրված համերգին ընդառաջ․ Instagram-ը՝ այս շաբաթ

  Այս շաբաթ եկեք միասին ամփոփենք հայ արտիստների՝ արդեն իրականություն դարձած փայլուն ելույթները, և մեկ շատ կարևոր համերգ, որը նվիրված է սիրված երգչուհի Վարդուհի Վարդանյանին...

Ինչպես արդեն տեղեկացրել ենք` «Եվրատեսիլ 2016»-ից հետո մրցույթը լուսաբանող բրիտանական Wiwibloggs կայքը հայտարարել է այլընտրանքային երգի մրցույթ՝ «Wiwivision», որտեղ մասնակիցների թվում է նաեւ երգչուհի Սոֆի Մխեյանն իր «Համաձայն եմ» երգով։

Սոֆիի երգը սկզբում 20 այլ ստեղծագործությունների հետ պայքարում էր եզրափակիչում հայտնվելու համար։ Իսկ օրեր առաջ պարզ դարձավ, որ երգչուհուն հաջողվել է հաղթահարել կիսաեզրափակիչ փուլը:

«Wiwivision»-ում հայտնվելու եւ, առհասարակ, «Եվրատեսիլի» մասին հետաքրքիր զրույց ունեցանք Սոֆի Մխեյանի հետ.

«Wiwivision-ում ընդգրկվելն ինձ համար անսպասելի էր ու միեւնույն ժամանակ շատ հաճելի. այն, որ լսում են երգերդ, սիրում, ընտրում ու քեզ լավագույնը ճանաչվելու հնարավորություն են տալիս, միշտ էլ հաճելի է»:

Խոսելով «Եվրատեսիլի» մասին` երգչուհին նշում է, որ այս մրցույթը շատ կարեւոր հարթակ է մեր երկրի անունն աշխարհում եւս մեկ անգամ հնչեցնելու համար.

«Գուցե այնպիսի երկրների համար, որոնք Եվրոպայում դասվում են աշխարհագրական սկզբունքներով, «Եվրատեսիլը» պարզապես հերթական շքեղ միջոցառում է, բայց մեր դեպքում այն ավելի կարեւոր հարթակ է, հնարավորություն է` ավելի լայն մասսաներին ներկայանալու եւ, ինչո՞ւ ոչ, մեր փոփ երաժշտությունը ավելի տարածելու։ Սփյուռքահայության համար, ինչ խոսք, միշտ էլ աշխատում ենք, սակայն այս դեպքում լսարանն անհամեմատ ավելի մեծ է ու կազմված է ոչ միայն հայերից, ինչն էլ առիթ է ընձեռում օտարերկրացիներին եւս մեկ անգամ Հայաստանի մասին լսել ու խոսել, իսկ սա շատ կարեւոր է»:

Սոֆիի հետ խոսեցինք նաեւ «Եվրատեսիլի» թաքնված գրավչության մասին, որի շնորհիվ մրցույթն իր շուրջ է համախմբում աշխարհի մի շարք երկրների տաղանդավոր արտիստներին.

«Ինչպես նշեցի` երգի մրցույթ լինելուց բացի շատերի համար «Եվրատեսիլը» շքեղ միջոցառում է. հաճախ հեռուստաէկրաններից այս կողմ մենք ականատես ենք լինում միայն բուն մրցութային համերգներին, սակայն մինչեւ այդ` արտիստներն իրենց երգերը լսելի դարձնելու նպատակով պրոմո-տուրերով լինում են տարբեր երկրներում ու քաղաքներում, իրենց մասնակցությունն են ցուցաբերում ակումբային տարբեր համերգների ժամանակ, իսկ սրանք արտիստին հետագայում աճելու, զարգանալու, ավելի ճանաչելի դառնալու մի շարք հնարավորություններ են ընձեռում։ Կարծում եմ՝ այս ամենն արդեն իսկ բավական գրավում է երգիչներին»:

Սոֆիի խոսքով` «Եվրատեսիլին» մասնակցելը մեծ պատասխանատվություն է, սակայն նման առաջարկ ստանալու դեպքում երգչուհու պատասխանը կլինի դրական.

«Այս մրցույթը կարեւոր փորձություն է ու ինչպես արդեն նշեցի` աճելու, զարգանալու, ավելի ճանաչելի դառնալու կարեւոր հարթակ։ Սակայն, եկեք չմոռանանք նաեւ, թե որքան դաժան են վարվում մերոնք արտիստների նկատմամբ, եթե նրանք հանկարծ ինչ-որ մի տեղ սայթաքում են՝ հաշվի չառնելով անգամ, թե իրականում ումն էր մեղավորությունը։ Բայց, ամեն դեպքում, կարծում եմ՝ կխիզախեմ»:

Մինչ Սոֆին իր երկրպագուներին կուրախացնի  «Եվրատեսիլին» իր մասնակցությամբ, վերջիններս կարող են օգնել իրենց սիրելի երգչուհուն հաղթել Wiwibloggs-ի հայտարարած մրցույթում:

Եզրափակիչ փուլում լավագույնը որոշվում է քվեարկության միջոցով, որի վերջնական արդյունքը կազմվում է 50/50 հարաբերակցությամբ՝ հիմնվելով կայքի այցելուների եւ բլոգերներից կազմված ժյուրիի ձայների վրա։ Քվեարկել կարելի է այս հղումով, ընդամենը մեկ անգամ:

Քվերակությունն ավարտվելու է հուլիսի 2-ին:

Սյունե Առաքելյան

Լուսանկարները` NEWS.am STYLE-ի եւ Սոֆի Մխեյանի Facebook-ի էջից

Հետևեք NEWS.am STYLE-ին Facebook-ում, Twitter-ում և Instagram-ում