Ինքնաներկայացում
Արտաքին տպավորությունը, որի վրա մենք հույս ենք դնում, տղամարդիկ լիովին այլ կերպ են ընկալում: Ինչ-որ մեկին թվում է, թե անհրաժեշտ է երկար ոտքերով շիկահեր լինել, ինչ-որ մեկը թաքցնում է կազմվածքի թերությունները եւ կնճիռները, ինչ-որ մեկը նիհարում է եւ աշխատում զգեստապահարանի վրա: Դա արդյունք չի տա, եթե դուք ինքներդ դրան չեք հավատում: Մենք իդեալական կերպար ենք փնտրում ինքներս մեզ մատուցելու փոխարեն: Յուրաքանչյուր կին գիտե եւ իր թերությունները, եւ արժանիքները, բայց ձգտում է թաքցնել առաջինները եւ մոռանում է երկրորդների մասին: Տղամարդիկ հենց նրբորեն զգում են, թե երբ է կինն իրեն անհարմար զգում, փոխարենը սուր կերպով արձագանքում են, եթե կինը հիանում է իր ոտքերով, ժպիտով եւ նոր զգեստով:
Հետազոտություններ. Ֆրանսիական լողափներում հարցումը ցույց է տվել, որ տղամարդիկ դաջվածքներով աղջիկներին սեքսի համար ավելի մատչելի են համարում, բայց պակաս համապատասխան լուրջ հարաբերության համար:
Շփում
Սա հենց այն գրավչությունը եւ հմայքն է, որոնք իրենց գործն անում են, երբ այլեւս ցույց տալու ոչինչ չկա: Այստեղ յուրաքանչյուրն իր ուժեղ կողմերն ունի` հայացքներ, ծիծաղ, հումոր, խառնվածք, լսելու, հաճոյախոսություններ անելու կամ իր ամաչկոտությամբ գրավելու կարողություն: Ուրիշների մեթոդներով գործելու փորձերը` չափազանց ակտիվ լինելը կամ սեփական զվարթությունը զսպելը հարմար են միայն ծանոթանալու համար եւ կտան վայրկենական, բայց ոչ երկարատեւ արդյունք: Նման մեթոդները ոչ մի կապ չունեն իսկական սեքսուալության հետ:
Հետազոտություններ. Ֆիննական Տուրկու համալսարանի պրոֆեսոր Մարկուս Ռենտալան տղամարդկանց ցուց է տվել կանանց 52 լուսանկար, որոնց այնպիսի հորմոն էր ներարկվել, որն արտազատվում է սթրեսի ընթացքում: Տղամարդիկ ընտրել են նրանց, ում մոտ հորմոնի մակարդակն ավելի ցածր էր:
Ակտիվություն
Մեզ խորհուրդ են տալիս տեղում չնստել` սպասելով երջանկությանը, բայց թե դա ինչ է նշանակում` ստիպված ենք լինում փորձով հասկանալ: Իհարկե սպիտակ ձիով արքայազնին հանդիպելու համար անհրաժեշտ է գոնե դուրս գալ տնից, բայց կարելի է անցնել քաղաքի բոլոր հաստատություններով եւ այդպես էլ չհանդիպել սեփական երազանքին:
Հարցն այն է, որ տղամարդկանց գրավում է կյանքի եւ տպավորությունների իսկական ծարավը, ոչ թե ինչ-որ մեկին ցանցը գցելու մտածված քաղաքականությունը: Բարի վաճառասեղանի մոտ մի բաժակ գինով տխուր աղջիկը կհետաքրքրի ընդամենը լովելասին կամ մանիպուլյատորին: Կենդանի տղամարդուն կենդանի, թախծից չմեռնող, այլ ուրախանալ, երազել եւ գործել կարողացող կին է անհրաժեշտ:
Հետազոտություններ. Ամերիկացի Բլեյք Իսթմանը, որը մարմնի լեզվի ուսումնասիրության մասնագետ է, պնդում է, որ ռեստորանը հանդիպման լավագույն վայրը չէ: Զուգընկերոջ ընտրությունը տեղի է ունենում ենթագիտակցաբար, այդ պատճառով գնահատելու համար անհրաժեշտ է տեսնել, թե զուգընկերն ինչպես է շարժվում եւ ժեստեր անում: Սեղանի մոտ նստելն այնքան էլ չի տրամադրում դրան:
Զգայականություն
Մարդկանց գրավելու թեմայով խորհուրդները հիմնականում ուղղված են զուգընկերոջը դուր գալուն, մինչդեռ ավելի շատ հաջողություն են ունենում նրանք, ովքեր չեն ամաչում խոսել իրենց ցանկությունների մասին: Դա չի նշանակում, թե առաջին ժամադրությանը կինը կպատմի անկողնում իր ցանկությունների մասին, բայց կարելի է լիցքաթափվել նրա ներկայությամբ, ցույց տալ սեփական թուլությունները եւ նրան հանձնել նախաձեռնությունը: Տղամարդկանց դուր է գալիս իրենց լավ սիրեկան զգալ, բայց հաճախ չեն հասկանում, թե իրենցից ճշգրիտ ինչ են ուզում կանայք:
Հետազոտություններ. Կանանց միայն 28 տոկոսն է սիրահարվում առաջին հանդիպմանը, տղամարդկանց շրջանում նման ռոմանտիկների թիվը գրեթե 50 տոկոս է:
Կանացիություն
Բավականին բարդ է սովորել զգալ սեփական կանացի էությունը: Վառ հագնվել, չվախենալ խախտել կանոնները, չափազանց գեղեցիկ երեւալ, առանձնանալ, ուշադրություն գրավել, դա նշանակում է գնահատել ինքն իրեն զարդարելու ձգտումը եւ ուրախանալ դրանով:
Իր կանացիությունը ժխտող աղջիկը կարող է տղամարդու ընկերը դառնալ: Գուցե նաեւ` սեքսուալ զուգընկերը, բայց ոչ հետաքրքրության առարկա: Երբ կյանքում տղամարդ կա, որին ուզում ես դուր գալ, այդ ցանկությունները ակտիվանում են, բայց լավ է, երբ դրանք այլ ժամանակ էլ հետին պլան չեն մղվում: Չէ որ սեքսուալ գրավչության համար անհրաժեշտ է ինքն իրեն դուր գալ: Բարձրակրունկներ, զուգագուլպաներ, կիսաշրջազգեստներ, զգեստներ. նման բաները միայն տոնական առիթների համար չեն:
Հետազոտություններ. օվուլյացիայի ժամանակահատվածում կանայք կարմիր եւ վարդագույն իրեր կրելու ցանկություն են ունենում:
Աղբյուր՝ Liza.ua
Հետևեք NEWS.am STYLE-ին Facebook-ում, Twitter-ում և Instagram-ում
19:46, 24 ապրիլի
«Այս ողբերգությունը նրա կյանքի անբաժան մասն է եղել»․ Քրիստինա Ազնավուրը արխիվային լուսանկարներ է հրապարակել Շառլ Ազնավուրի՝ Հայաստան կատարած այցից16:33, 24 ապրիլի
«Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան15:04, 24 ապրիլի
«Երբ մենք հիշում ենք Հայոց ցեղասպանությունը, մենք երդվում ենք երբեք չմոռանալ պատմության դասերը»․ լիբանանահայ դիզայներ Գրիգոր Ջաբոտյան14:29, 24 ապրիլի
Լույս է տեսել Հաքան Սեքինելգինի «Հայոց ցեղասպանությունը եւ Թուրքիան. հանրային հիշողություն եւ ինստիտուցիոնալացված ժխտում» գիրքը13:03, 24 ապրիլի
«Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)12:01, 24 ապրիլի
Մարգարիտա Սիմոնյանը պատմել է Հայոց ցեղասպանությունից փրկված իր նախնիների պատմությունը11:12, 24 ապրիլի
«24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան10:04, 24 ապրիլի
Աշխարհը՝ Հայոց ցեղասպանության մասին. հայտնի մարդկանց հայտարարությունները՝ ողբերգության 109-րդ տարելիցի կապակցությամբ23:10, 23 ապրիլի
Rolex-ի հազվագյուտ ժամացույցը աճուրդում վաճառվել է ռեկորդային՝ 3,5 միլիոն դոլարով22:26, 23 ապրիլի
Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել21:19, 23 ապրիլի
Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար20:19, 23 ապրիլի
Նանուլը նշում է 14-ամյակը. երգչուհու տոնական ֆոտոշարքը