Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

Աշնանային նորաձեւություն կամ ինչպե՞ս համադրել գույներն ու կերպարները. դիզայներ Արփինե Կոշտոյանի խորհուրդը

14:15, 5 սեպտեմբերի

Ինչպես յուրաքանչյուր սեզոն` այս աշունը եւս բավականին շատ տենդենցներ է թելադրում, սակայն պարտադիր չէ հագնել բոլոր թրենդների զգեստները նորաձեւ լինելու համար: Այս կարծիքին է դիզայներ-ոճաբան Արփինե Կոշտոյանը, որի հետ էլ հետաքրքիր զրույց ունեցանք աշնանային նորաձեւության մասին.

«Հագեք այն, ինչը առաջին հերթին համապատասխանում է ձեր ոճին, չէ՞ որ, կարեւորը ոճն է: Նշեմ, որ այս աշնանը եւս նորաձեւ է լինելու սպորտային կոշիկների եւ դասական զգեստի միքսը: Սա ամենահետաքրքիր եւ հարմարավետ թրենդն է, հատկապես, ուսանողուհիների համար»,-նշում է դիզայները:

Ըստ նրա՝ նորաձեւ են նաեւ պարզ ձեւվածքով եւ ուղիղ կտրվածքով զգեստները.

«Նմանատիպ զգեստները կընդգծեն կնոջ անհատականությունը: Կիպ ընդգրկող զգեստներն այլեւս նորաձեւ չեն: Կարճ զգեստները՝ եւս: Նորաձեւության մեջ մեծ դեր է խաղում հանճարեղ Dior-ի մոտեցումը: Այդ զգեստները ծնկի տակից են, կարող են լինել մի փոքր ուռուցիկ: Դրանք արքայադստեր զգեստներ են հիշեցնում եւ գեղեցիկ են համադրվում թե բարձրակրունկների, թե սպորտային կոշիկների հետ»:

Տաբատների սիրահարներին նորաձեւությունը եւս չի մոռացել.

«Նորաձեւ են համարվում կողային շերտագծերով տաբատները, որոնք ասոցացվում են սպորտային հագուստի հետ: Դրանք հեշտ են համադրվում պիջակների, վերնաշապիկների, ինչպես նաեւ՝ նորաձեւ տոպերի հետ: Նորաձեւ լինելուց բացի՝ տաբատն ունի եւս մեկ առավելություն. այն սլացիկ է դարձնում ոտքերը»:

Արփինեի խոսքով՝ այսօր նորաձեւությունը թույլ է տալիս միքսել տարբեր ոճի հագուստներն ու միեւնույն ժամանակ լինել մոդայիկ եւ ոճային:

«Հիմա հագուստների համադրությունն այնքան հեշտ է դարձել, որ ուսանողն ամբողջովին կարող է կենտրոնանալ իր կրթության վրա: Նաեւ շատ նորաձեւ են տարբեր տեսակի եւ չափսերի վերնաշապիկները: Դրանցից շատերը կարելի է կրել որպես զգեստ»:

Ինչպես հայտնի է՝ եղանակային փոփոխություններն աշնանը զգացնել են տալիս: Ցուրտ եղանակին նորաձեւ լինելու համար կարելի է հագնել մեծ օձիքներով վերարկուներ.

«Ամբողջական կերպարը կարելի է լրացնել մեծ չափսերի եւ հետաքրքիր պրինտ ունեցող շարֆերով»:

Գլխարկների սիրահարներին տեղեկացնենք, որ կեպիներն ու լայնեզր գլխարկները շարունակում են իրենց տեղը պահպանել նորաձեւության մեջ.

«Կարեւորը պետք է հասկանալ, թե քո դեմքին ինչ գլխարկ է սազում: Իսկ ինչ վերաբերում է աշնանային երագներին՝ այս տարի նորաձեւ են գրեթե բոլոր գույները, բայց  ոչ թե վառ երանգները, այլ նրանք, որոնց հետ, ասես, մի կաթիլ սեւ կա զուգորդված: Ի դեպ, նորաձեւ են բնական կտորները՝ մետաքս, շիֆոն, բատիստ. Դրանցից կարելի է ստանալ նուրբ ժանյակներով համադրված գիշերազգեստ հիշեցնող զգեստներ»,-նշեց դիզայները:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search