ԱՄՆ-ում հայտնի հաղորդավարուհի եւ պրոդյուսեր, գեղեցկուհի Սոնա Հովհաննիսյանին Հայաստանում արդեն շատերն են ճանաչում: Հաղորդավարուհին աշխատել է այնպիսի հեռուստաընկերություններում, ինչպիսիք են` The Travel Channel-ն ու FOX-ը, վարել է ժամանցային եւ երաժշտական հեռուստանախագծեր: Հայաստանում Սոնան հայտնի է ոչ միայն որպես հեղինակավոր հեռուստաընկերությունների դեմք, այլեւ որպես մեր սիրելի ռեփեր Միշոյի կին:
Սոնայի նորություններին եւ աշխատանքային հաջողություններին NEWS.am STYLE-ը պարբերաբար անդրադառնում է: Այս անգամ ձեր ուշադրությանն ենք ներկայացնում տաղանդավոր հայուհու հետ ունեցած մեր հարցազրույցը (զրուցել ենք անգլերենով), որտեղ հաղորդավարուհին պատմում է իր հեռուստանախագծերի, հայտնիների հետ հարաբերությունների, Լարի Քինգի հետ համագործակցության եւ Միշոյի հետ ծանոթության մասին:
-Սոնա, Ձեր հեռուստանախագծերը դեռեւս չեն հեռարձակվել Հայաաստանում: Հնարավո ՞ ր է, որ մոտ ապագայում Ձեզ տեսնենք նաեւ հայկական եթերում:
-Վերջերս մի հարցազրույց արեցի PanARMENIAN. net-ի համար Հայաստանում ԱՄՆ-ի դեսպան Ռիչարդ Միլս կրտսերի հետ: Մենք խոսեցինք ամեն ինչից` նրա կարիերայից, Հայաստանի քաղաքական իրավիճակից եւ հայկական խոհանոցից: Գիտեի, որ բավականին հետաքրքիր զրույց կունենանք, սակայն նրա հումորի զգացումն այն ավելի հետաքրքիր դարձրեց: Այժմ եւս մեկ նախագծի վրա եմ աշխատում, որտեղ ներկայացնում եմ իմ երկու կողմերը` ամերիկյան եւ հայկական: Այնպես որ՝ կարծում եմ՝ այս հաղորդումը մոտ ապագայում կհեռարձակվի Հայաստանում:
-Վերջերս սկսեցիք համագործակցել նաեւ Լարի Քինգի հետ: Կբացե՞ք փակագծերը:
-Երեւան կատարած իմ երկարատեւ այցից հետո երբ վերադարձա Լոս Անջելես, մտադիր էի աշխատել բոլորովին նոր մի նախագծի շուրջ: Բայց երբ իմացա, որ Լարի Քինգի հետ աշխատելու բացառիկ հնարավորություն ունեմ, ամեն ինչ մի կողմ թողեցի : Ցավոք սրտի` այս պահին չեմ կարող շատ մանրամասներ ներկայացնել, բայց վստահ կարող եմ ասել` ինձ համար մեծագույն պատիվ էր նրա հետ աշխատելը: Ամեն անգամ, երբ նկարահանումների ընթացքում ընդմիջումներ ենք ունենում, ես պահը բաց չեմ թողնում եւ մի շարք հարցեր եմ նրան տալիս, քանի որ այնքան շատ բան կարելի է սովորել այդ մարդուց: Նա ինձ համար միշտ ոգեշնչման աղբյուր է եղել: Եթե նախկինում կարող էի հիանալ միայն նրա պրոֆեսիոնալիզմով, այժմ հիանում եմ նաեւ նրա մարդ տեսակով:
-Ձեր նախագծերի ընթացքում համագործակցում եք մի շարք հայտնի մարդկան հետ: Հե՞շտ է աստղերի հետ աշխատելը:
-Հետաքրքիր է, բայց այս ասպարեզի ամենահաջողակ մարդիկ բոլորից ավելի պարզ ու իրատես են. կարծում եմ սա գալիս է նրանից, որ նրանք կայացած են ու ինքնավստահ: Այնպես որ՝ այն իսկական լեգենդները, որոնց հետ ինձ բախտ է վիճակվել աշխատել, ինչպիսիք են՝ Լարի Քինգը եւ Ռինգո Սթարը, ամենաբարին, պրոֆեսիոնալն ու անմիջականն էին:
-Հայաստանում Դուք հայտնի եք ոչ միայն որպես հաղորդավարուհի, այլեւ որպես սիրված ռեփեր Միշոյի կին: Հետաքրքիր է` ինչպե՞ս հանդիպեցիք նրան:
-Երբ նա Լոս Անջելեսում էր, մեր ընդհանուր ընկերներից մեկը նրան հրավիրեց մեր տուն: Երբ մենք հանդիպեցինք, ամեն ինչ փոխվեց մեկ ակնթարթում…
-Կնշե՞ք Միշոյի մեջ` Ձեր ամենահավանած հատկանիշը:
-Շատ դժվար է նշել մեկ հատկանիշ, քանի որ նա շատ արտասովոր անհատականություն է: Բայց կարծում եմ՝ նրա առավելությունների հիմքում ընկած է այն փաստը, որ նա ոսկե սիրտ ունի: Նա շատ առատաձեռն է, բարի, սիրալիր, աջակցող, հավատարիմ... այսպես անվերջ կարող եմ թվարկել:
-Գիտեմ, որ շատ զբաղված առօրյա ունեք. Հասցնո՞ւմ եք ժամանակ անցկացնել ընտանիքի հետ:
-Ընտանիքն ինձ համար միշտ առաջին տեղում է, անկախ այն փաստից, թե որքան խիտ է իմ աշխատանքային գրաֆիկը: Աշխատանքիս լավագույն կողմերից մեկն էլ այն է, որ շատ լարված մի քանի ամիսներից հետո կարող եմ նաեւ որոշ ժամանակ հատկացնել հանգստին: Կարծում եմ` արդեն գաղտնիք չէ, որ հատկապես սիրում եմ այդ ժամանակն անցկացնել ճանապարհորդելով:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին