Դոնի Ռոստովում հանգստյան օրերին ընտրեցին Ռուսաստանի ամենագեղեցիկ ամուսնացած կնոջը՝ «Միսիս Ռուսաստան International-2016»։ Սակայն մրցույթում հաղթող ճանաչվեց միանգամից 2 կին։ Մրցույթի մասնակիցներն ամբողջ շաբաթ պայքարում էին՝ ցուցադրելով խոհարարական վարպետություն, ստեղծագործական ունակություններ եւ վարքագծի կանոններ։
Առաջին տեղը կիսեցին Նունե Կոբյացկայան՝ Ռոստովից եւ բազմազավակ Ելենա Բլինովսկայան՝ Յարոսլավլից։ Երկու գեղեցկուհիներից հենց Նունեն կներկայացնի Ռուսաստանը ԱՄՆ–ում կայանալիք գեղեցկության մրցույթին։
28-ամյա Նունե Կոբյացկայան «Комсомольская правда»-Ростов»–ին պատմել է իր արմատների եւ մրցույթում տարած հաղթանակի մասին։
«Ես ծնվել եմ Երեւանում։ Մայրս ռուս է, հայրս՝ հայ։ Ավելի ուշ մենք տեղափոխվեցինք Ռուսաստանի Հարավի մայրաքաղաք։ Մայրս ցանկացել էր ինձ օրիգինալ անուն տալ։ Այդպես էլ ստացվեց։ Նունեն ծաղկի անուն է»,– նշել է գեղեցկուհին։
Ինչ վերաբերում է մրցույթին, ապա նա նշեց, որ շատ է հոգնել, բայց գոհ է արդյունքից։
«Տոնը շարունակվում է, եւ ես երջանիկ եմ։ Վստահ եմ, որ երջանկությունն ու ուրախությունն ինձ հետ կմնան ամբողջ տարի։ Մի կողմից մի փոքր հոգնածություն եմ զգում մրցույթից հետո, իսկ մյուս կողմից՝ ես նոր ուժեր եմ ստացել եւ պատրաստ եմ նվաճել միջազգային գագաթներ։ Ես հավատում էի հաղթանակին եւ դրա համար անում էի ամեն բան։
Ես երազում էի մոդել դառնալ։ Իմ մայրը մանկուց ինձ ուժ էր հաղորդում։ 10 տարեկանում նա ինձ մոդելների դպրոց ուղարկեց, զբաղվում էր ինձ հետ, կոստյումներ էր կարում, կերպարներ էր հորինում ինձ համար եւ օգնում էր։ 4 տարի ես Փարիզում աշխատում էի որպես պրոֆեսիոնալ մոդել։ Ես այդ ժամանակ 17 տարեկան էի, եւ դա ինձ շատ օգնեց։ Ես երկար էի պատրաստվում այս մրցույթին։ Օրինակ, ելույթիցս մեկ ամիս առաջ ես բալետից եւ գեղարվեստական մարմնամարզությունից ստեղծագործական տարրեր ցուցադրեցի։ Դա իմ ուղին էր, որը տարավ ինձ դեպի իմ երազանքը։ Եվ այն իրականացավ։ Ես շատ երախտապարտ եմ մորս եւ իմ ամբողջ ընտանիքին. յուրաքանչյուրն օգնել է եւ իր ավանդն է ունեցել իմ հաղթանակի գործում»։
Նունեին չի շփոթեցնում այն փաստը, որ արդյունքում հաղթողները երկուսն են։
«Դա ժյուրիի որոշումն էր։ Մեզնից յուրաքանչյուրին տվեցին հաղթողի ժապավեն եւ թագ։ Սակայն Ամերիկայում գեղեցկության համաշխարհային մրցույթում մեր երկիրը ներկայացնելու իրավունքը տրվեց ինձ։ Դա ասվեց պարգեւատրման ժամանակ, եւ ես դրանից անսահման երջանիկ եմ»,– ասել է նա։
Հետևեք NEWS.am STYLE-ին Facebook-ում, Twitter-ում և Instagram-ում
21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին16:21, 26 ապրիլի
Մայամիի սեքսի թանգարանում բացվել է Հաջիմե Սորայամայի Desire Machines ցուցահանդեսը15:19, 26 ապրիլի
Սուպերմոդել Ժիզել Բունդխենը ոստիկանի հետ զրույցի ժամանակ արտասվել է14:11, 26 ապրիլի
Ջիմմի Քիմելը ծաղրել է Քանյե Ուեսթի՝ պոռնո հարթակ բացելու ծրագրերը13:31, 26 ապրիլի
Քանյե Ուեսթի նախկին ընկերուհին՝ Ջուլիա Ֆոքսը, խոստովանել է, որ ռեփերի հետ իր սիրավեպն իր բերանում «թթու հետհամ» է թողել12:20, 26 ապրիլի
Քայլի Ջենները հղի չէ Թիմոթի Շալամեից՝ չնայած սոցիալական ցանցերում տարածված լուրերին11:16, 26 ապրիլի
Սալմա Հայեկը կիսվել է իր եւ Ֆրանսուա-Անրի Պինոյի հարսանիքի ֆոտոշարքով10:18, 26 ապրիլի
Քիմ Քարդաշյանը խոստովանել է, որ չի դիտել իր մասնակցությամբ «Ամերիկյան սարսափ պատմություն»-ը09:00, 26 ապրիլի
ԱՊՐԻԼԻ 26-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:16, 25 ապրիլի
Miu Miu-ն դարձել է մոլորակի ամենահայտնի ապրանքանիշը