Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ես շատ պահանջկոտ եմ. Էրիկը` X Factor-ի ժյուրիի կազմում լինելու, մասնակիցների եւ իր երաժշտական նորությունների մասին

12:26, 22 հոկտեմբերի

Երիտասարդ, բայց արդեն սիրված երգիչ Էրիկն այս շրջանում զբաղված է X Factor երաժշտական նախագծի աշխատանքներով: Երգիչը ներկայանում է` որպես նախագծի ժյուրիի անդամ. նա Անդրեի, Գարիկ Պապոյանի եւ Շուշանիկ Արեւշատյանի հետ միասին փորձում է բացահայտել նոր տաղանդների:

Ինչպիսի՞ խորհրդատու է Էրիկը, ինչպիսի՞ մասնակիցներ է ցանկանում տեսնել նախագծում եւ ո՞ր թիմերի հետ է, հատկապես, ցանկանում աշխատել:

Երգիչն իր տպավորություններով կիսվել է NEWS.am STYLE-ի հետ:                                

-Էրիկ, X Factor-ն առաջին հեռուստաֆորմատն է, որտեղ հանդես ես գալիս` որպես ժյուրիի անդամ: Հե՞շտ համաձայնեցիր այդ առաջարկին:

-Մինչ X Factor-ը այլ նախագծերի կողմից էլ են եղել առաջարկներ` որպես ժյուրի հանդես գալու, սակայն որոշ տեղեր չեմ գնացել, որոշ տեղեր էլ չի ստացվել, որ գնամ: Ուղղակի, միշտ մտածել եմ, որ դեռ շուտ է, որ դեռ ինքս էլ շատ անելիքներ ունեմ, մինչ կարծիք հայտնելը: Հիմա, նույնպես, շատ բաներ կան անելու, բայց կարծում եմ` որոշ չափով արդեն գիտելիքներս ու փորձս թույլ են տալիս, որ կարծիք հայտնեմ: 7 տարեկանից ելույթ եմ ունենում բեմում: Այդ տարիքից սկսած տարբեր պրոֆեսիոնալների հետ եմ շփվել: Կարծում եմ` իմ վերջին աշխատանքներից զգացվում է, որ ես մատների արանքով չեմ նայում իմ գործին: Երբեմն այն, ինչ ասում եմ նախագծի մասնակիցներին, ասում եմ նաեւ ինքս ինձ: 

-Իսկ ինչպիսի՞ մասնակիցներ կցանկանայիր տեսնել նախագծում: 

-Իհարկե, լավ է, երբ մասնակիցը լավ է երգում, բայց դրան գումարած կցանկանայի նաեւ բեմական կերպարների տեսնել, ովքեր կարողանում են աշխատել հանդիսատեսի հետ, ովքեր զգում են տեսախցիկները, ովքեր կարողանում են հուզել` տխուր երգերի ժամանակ, իսկ ուրախ երգերի ժամանակ` ուրախացնել, ովքեր կարողանում են էներգետիկա փոխանցել` մարմնի, աչքերի եւ հայացքի միջոցով: Տանել չեմ կարողանում այն արտիստներին, ովքեր երգում են իրենք իրենց համար, այսինքն` երբ տալու փոխարեն թողնում են ամեն ինչ իրենց ներսում… 

-Արդեն ելույթ ունեցած մասնակիցների մեջ կա՞ն այնպիսիք, որոնք կարողացել են քեզ տպավորել եւ որոնց կցանկանայիր տեսնել հենց քո թիմում: 

-Եղել են մասնակիցներ, որոնք ինչ-որ տեղ նաեւ հուզել են, բայց ինչ-որ բաների պակաս, միեւնույն է, կա: Դե, դա, իհարկե, գալիս է նրանից, որ շատերը չեն զբաղվել պրոֆեսիոնալ երգեցողությամբ եւ բնության վրա հիմնվելով են երգում: Շատ մասնակիցների մոտ էլ դա գալիս է ինքնավստահությունից: Շատերը երբ դուրս են գալիս բեմ, իրենց թվում է, թե արդեն վերցրել են ամեն ինչ: Ես ունեմ իմ հանդիսատեսը, բայց մինչ օրս այդ նույն հանդիսատեսին դուրս եմ գալիս զարմացնելու: Նրանց պետք է անընդհատ հուզել, անընդհատ ուրախացնել: 

-Ժյուրիի անդամները պետք է աշխատեն չորս տարբեր թիմերի հետ: Ո՞ր թիմի հետ կցանկանայիր աշխատել դու` տղաների՞, աղջիկների՞, խմբերի՞ թե՞ տարիքով մեծ մասնակիցների: 

-Անկեղծ ասած` դեռ չեմ որոշել: Բայց ինձ թվում է` ինձ համար դժվար կլինի աշխատել տարիքով մեծ մասնակիցների հետ` տարիքային այդ տարբերության պատճառով: Ինքս մեծերի հանդեպ միշտ հարգանքով եմ լինում եւ ինձ համար դժվար կլինի նրանց որեւէ նկատողություն կամ դիտողություն անելը: Չնայած` որպես ժյուրիի անդամ` պետք է նման բաների վրա ուշադրություն չդարձնեմ: Երեւի նաեւ դժվար կլինի խմբերի հետ աշխատելը, որովհետեւ մի բան է մեկ հոգուն ինչ-որ բան բացատրելը, մեկ այլ բան է մի քանիսին նույնը բացատրելը: Լավ կլիներ` աշխատեի տղաների խմբի հետ: Որպես տղա երգիչ` կցանկանայի իմ փորձը փոխանցել նրանց: Կամ էլ կցանկանայի աղջիկների խմբի հետ աշխատել: Նրանց հետ հաճելի կլինի շփվելն ու աշխատելը:) 

-Հե՞շտ է լինելու քեզ հետ աշխատելը: 

-Ես շատ պահանջկոտ եմ` ինչպես իմ, այնպես էլ բոլորի հանդեպ: Բայց միեւնույն ժամանակ շատ հեշտ է ինձ հետ: Այսինքն` պահանջկոտ լինել, դեռ չի նշանակում լինել կոպիտ` բացատրելուց կամ խնդրելուց:

-Էրիկ, բացի X Factor-ի աշխատանքներից` այս շրջանում այլ նորություններ ներկայացնելո՞ւ ես: 

-Նոր երգեր ձանագրում եմ: Այս պահին միաժաանակ զբաղված եմ մի քանի երգերի ձայնագրություններով: Այո, դրանց էլ եմ հասցնում ժամանակ տրամադրել: Նպատակ ունեմ նոր ձայնասկավառակ թողարկելու: Մի նախագծի մտահաղացում ունեմ, ձայնասկավառակը լինելու է հենց այդ նախագծի շրջանակներում: Բնականաբար, կլինեն նաեւ նոր տեսահոլովակներ, քանի որ տեսահոլովակների միջոցով են երգերը հանրությանը ճանաչելի դառնում: Չնայած վերջերս նկատել եմ, որ լինում են երգեր, որոնք առանց տեսահոլովակի արդեն սիրվում են: Դրան նպաստում է նաեւ համացանցը: Մարդիկ, ովքեր հետաքրքրված են տվյալ արտիստով, համացանցի օգնությամբ կարողանում են գտնել եւ լսել նրա երգերը:Բայց կարծում եմ` մեր եթերը ունի տեսահոլովակների կարիք: Ես համարում եմ, որ մենք` ես եւ իմ մտածելակերպը կիսող կոլեգաները, ովքեր շատ դեպքերում չեն ընկնում քանակի եւ գումարի ետեւից, պարտավոր են ներկայացնել տեսահոլովաներ, որովհետեւ եթերը պետք է լցնել որակյալ աշխատանքներով:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search