• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

• Ray-Ban-ը, համագործակցելով Լեննի Կրավիցի հետ, ներկայացրել է Aviator Reverse եզակի ոսկե ակնոցները

  Ակնոցների Ray-Ban հայտնի ապրանքանիշը միավորվել է լեգենդար երաժիշտ եւ ոճի խորհրդանիշ Լեննի Կրավիցի հետ՝ տպավորիչ համագործակցության համար…

Հայտնի ռուս ոճաբան Նիկոլայ Օվեչկինը, որն աշխատում է այնպիսի ռուսական նախագծերում, ինչպիսիք են` «Модный Приговор» եւ «Ձայնը» հաղորդումները, հոկտեմբերի 22-ին` LOFT ժամանցի եւ ինքնազարգացման կենտրոնում հանդիպեց երիտասարդ եւ սկսնակ հայ դիզայներների հետ:

Ոճաբանը զրուցեց հայկական եւ ռուսական նորաձեւության, ճիշտ PR-ի եւ ոլորտը զարգացնելու թեմաների շուրջ.

«Հայաստան եմ եկել, որպեսզի իմ փորձով կիսվեմ ձեզ հետ, լսեմ ձեր հարցերն ու փորձեմ օգնել ոլորտի զարգացման հարցում»,-ասում է Նիկոլայը` ցավով նշելով, որ ոչ Հայաստանում, ոչ էլ Ռուսաստանում նորաձեւության ոլորտը լավագույն վիճակում չէ.

«Սա ինձ համար ծանր թեմա է, քանի որ բոլորս էլ լավ հասկանում ենք, որ նախկին ԽՍՀՄ տարածքի պետություններում զարգացած նորաձեւության դաշտ, գրեթե, չկա:

Այսօր կոլեգաներիս հետ ընթրում էինք քաղաքում ու զրուցում. թեման նորաձեւությունն էր: Եկանք այն ընդհանուր հայտարարին, որ այսօր, ցավոք, նորաձեւությամբ զբաղվում են մարդիկ, ովքեր այս ոլորտի հետ առհասարակ կապ չունեն:

Մենք շատերս դեռեւս մեզ վրա կրում ենք ԽՍՀՄ-ի ազդեցությունը, հաճախ դժգոհում ենք նորաձեւության կանոններից` մոռանալով, որ այդ կանոններն ինքներս ենք ստեղծում»:

Նիկոլայն այնուհետեւ հավելեց.

«Ես մի քիչ կոպիտ սկսեցի խոսել հայկական նորաձեւության մասին, բայց եթե կարծում եք` Հայաստանում կա նորաձեւություն, խնդրեմ` հակառակվեք ինձ: Դե, միգուցե, այն կա, միգուցե, աշխատում է իր կանոնների համաձայն, բայց այն փոփոխության կարիք ունի»:

Ըստ հայտնի ոճաբանի` նորաձեւությունն արվեստի տեսակ է, որտեղ ամենից կարեւորը ձեռքի աշխտանքն է.

«Այս ոլորտում  պետք է աշխատեն մարդիկ, ովքեր ունեն ճկուն ձեռքեր` նկարում են, կարում են… Միգուցե, այստեղի դիզայներներից շատերը նշեն, թե ռեսուրսներ չկան որակյալ ապրանքների հետ աշխատելու համար, սակայն նշեմ, որ լավ երեւակայություն ունենալու համար ռեսուրսներ պետք չեն: Ինչպես ասել է Նինա Գարսիան` նորաձեւ երեւալ` չի նշանակում թանկ հագնվել»,-ասում է Նիկոլայը, որն արդեն երրորդ անգամ է Հայաստանում եւ պատկերացում կազմել է այստեղի «փողոցային ոճի» մասին:

«Կարող եմ ասել, որ Հայաստանում չկա street style մշակույթ: Որքան էլ, որ զարմանալի լինի մեզ մոտ քաղաքներից այդ մշակույթն առավել զարգացած է Կիեւում: Այնտեղ հետեւում են, թե ինչ է կատարվում արեւմուտքում եւ փորձում են համապատասխանել այդ չափանիշներին: Նրանք դանդաղ քայլերով առաջ կգնան»:

Ոճաբանի կարծիքով` մեծ խնդիր է այն, որ սկսնակ դիզայներներին չեն սովորեցնում նորաձեւության PR-ի մանրուքները.

«Եթե դու սիրում ես կարել, ուրեմն ստեղծիր մի բան քո ձեռքերով, երբ արդեն կարում ես, փորձիր հասկանալ, թե ում համար ես կարում: Շատ կարեւոր է հասկանալ, թե ով է քո հաճախորդը, ինչ մասնագիտություն ունի, որտեղ է աշխատում, ինչ նախասիրություններ ունի»:

Ըստ Նիկոլայի՝ մեկ այլ խոչընդոտ էլ այն է, որ մեր դիզայներները հաճախ ցուցադրությունների ժամանակ իրենց ծանրաբեռնում են այլ հարցերով, որոնցով պարտավոր են զբաղվել այլ մասնագետներ,

«Դիզայները պետք է մտածի հագուստ ստեղծելու մասին: Նրան չպիտի հուզեն ցուցադրության ժամանակ ճիշտ լույսի, դիմահարդարման, վարսահարդաման եւ պոդիումի հետ կապված այլ խնդիրները: Այդ ամենով պետք է զբաղվեն հատուկ մասնագետներն ու ոճաբանները»,-ասում է Նիկոլայը, որը վերջում մտաբերեց իր տատիկի խոսքերը.

«Միջակությունն ամենավատ բանն է: Դու կամ պետք է գնաս դեպի լավը, կամ վատը: Միջակությունը ոչինչ է»:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում