Մոդել
Դե, այստեղ ամեն ինչ պարզ է՝ բոլորը վազեցին, ես էլ վազեցի։ Ժամանակին նիհար ու երկարոտն աղջիկների էին ընտրում հագուստի ցուցադրության համար, քանի որ նրանց չափսերով դյուրին էր զգեստ կարելը։ Հետո նրանց շարքերում հայտնվեցին անհավանական գեղեցկուհիներ, իսկ «մոդել» բառը դարձավ «գեղեցկության չափանիշ» արտահայտության հոմանիշը։
Դե, իսկ ֆոտոշոփը ստեղծվեց շատ ավելի ուշ։ Հենց այդ պատճառով «մոդել» բառը մինչ օրս տղամարդու մեջ արթնացնում է որսի բնազդը։ Պարտադիր չէ, որ մոդելը կյանքում նույն տեսքն ունենա, ինչ աշխատավայրում, ինչն, իհարկե, շատ ավելի հարմար է։ Տղամարդուն միայն հիմք տվեք, մնացած ամեն ինչը նա կերեւակայի։
Դերասանուհի
Ենթադրվում է, որ դերասանուհին ճանաչված օրիորդ է։ «Հասարակ մահկանացուները», բնականաբար, նրա մերձավոր շրջապատում չեն կարող հայտնվել։ Նրանք միայն կարող են սիրահարվել էկրանի կերպարին եւ հուսալ, որ մի օր կհաջողվի ինքնագիր ստանալ։
Իհարկե, այն բախտավորը, ում ընտրում է դերասանուհին, մեխանիկորեն ստանում է փառքի 15 րոպե։ Կամ չի ստանում։
Բուժքույր
Ի դեպ, տղամարդիկ միայնակ չեն իրենց զգացմունքներում։ Կանայք եւս սեռական ցանկանություններ են ունենում բժիշկների եւ այլ բուժաշխատողների նկատմամբ եւ այնպիսի իրավիճակներում, երբ դա ամենեւին տեղին չէ։ Ինչու՞ է դա այդպես. հիվանդ մարդիկ շատ խոցելի են։
Նրանք վախենում են, ամաչում են, նրանք բաց են ու անպաշտպան։ Իսկ այդ պահին հայտնվում է նա՝ սպիտակ խալաթով հրեշտակը։ Իսկական հրեշտակ։ Եվ կարեւոր չէ, որ նա մի փոքր հոգնած է, այնքան էլ լավ տեսք չունի (հերթապահությունը հոգնեցնում է եւ ֆիզիկապես, եւ հոգեպես) եւ, առհասարակ, սեթեւեթելու տրամադրություն չունի։ Կարեւոր չէ. փոխարենը նա կգա ու կչեզոքացնի մահվան վտանգը։
Ուսուցչուհի
Միանշանակ կարող ենք ասել, որ ամեն ինչում պոռնոֆիլմերն եմ մեղավոր։ Սցենարիստներն են ստեղծել ակնոցով հրեշին, որը պատրաստ է «կլանել» իրեն ցանկացողներին։ Ենթադրվում է, որ, ի վերջո, հրեշը կարձակի մազերը ու կատվիկի կվերածվի։ Իհարկե, պատճառն այն է, որ ինչ-որ մեկը կատարում է նրա ցուցումները։
Ահա այստեղ հերոսը պարգեւատրվում է։ Հետաքրքրական է, որ տղամարդիկ իրական ուսուցչուհիներից նման բան չեն սպասում։ Սակայն իմանալով, որ օրիորդը աշխատում է կրթության ոլորտում, ծնկի են իջնում ու վազում դեպի ոսկերչական խանութ՝ ամուսնական մատանի գնելու։ Իհարկե, շնորհակալություն պոռնոֆիլմերի սցենարիստներին։ Շատ շոյված ենք։
Ուղեկցորդուհի
Նախ, աշխատանքի մրցութային պայմաններով ընդունելությունը ենթադրում է «գրավիչ արտաքինի» առկայություն, այդ պատճառով բոլոր ուղեկցորդուհիները շատ լավիկն են։ Երկրորդ, նրանք պարտավոր են բոլորին ժպտալ եւ բոլորի մասին հոգ տանել։
Երրորդ, իրականում նրանք բոլորն էլ անվախ են։ Խոստովանեք, որ ոչ բոլորն են կարող կյանքի մեծ մասը օդում անցկացնել։ Աերոֆոբ տղամարդիկ հաստատ չեն կարող։ Ի դեպ, աերոֆոբիան նորմալ վախ է, եւ դա խոստովանելն ամոթ չէ։ Եվ, ահա, տղամարդը դողում է վախից, ու հանկարծ նրան է մոտենում բարի փերին՝ մի բաժակ հյութ ձեռքին։ Վախը նահանջում է եւ, որպես երախտագիտություն, փերու հետ ամուսնանալու ցանկություն է ծնվում։
Մատուցողուհի
Կրկնակի հարված ուղիղ բնազդին։ Եթե մի կողմ տանենք քաղաքակրթության բարակ քողը, կպարզվի, որ մենք ցանկանում ենք միայն ուտել ու բազմանալ, բազմանալ ու ուտել։ Հիասքանչ կլիներ, եթե դա հնարավոր լիներ միաժամանակ անել։
Եվ, ահա, գեղեցիկ կինը տղամարդուն համեղ ուտեստ է մատուցում։ Այդ պահին բնազդը մի կողմ է մղում ողջախոհությունը։ Այսպես կոչված՝ «մերկ բնազդները» ոչ ոքի դեռ չի հաջողվել հաղթահարել։ Մնում է միայն թաքցնել, ինչն, անկեղծ ասած, երբեմն այնքան էլ չի ստացվում։
Քարտուղարուհի
Նա երիտասարդ է ու գեղեցիկ, միշտ հիասքանչ տեսք ունի, բարեհամբույր է բոլորի հետ եւ պատրաստ է ամբողջ օրը սուրճ մատուցել։ Ամեն դեպքում, նման մի բան մեզ ցուցադրում են ֆիլմում։
Դա ճիշտ չէ կամ գուցե ճշմարտության մի մասն է, բայց քարտուղարուհիների մասին կարծրատիպերը շատ հզոր են։ Իսկ իրականում քարտուղարուհին սուրճ է մատուցում իր ղեկավարին, ոչ թե զուգընկերոջը։ Սակայն այդ զգալի մանրուքը հաշվի չի առնվում։ Ամեն դեպքում, սկզբում։
Մարզուհի
Զարմանալի օրիորդ է։ Նա երկաթե կամք ունի, քանի որ ամեն մեկը չի կարող հրաժարվել իր միակ ու անկրկնելի անհոգ մանկությունից։ Երկրորդ, նա երկաթե մարմին ունի։
Երրորդ, նա երկաթե բնավորություն ունի։ Դե, փորձիր դիմանալ նման խելահեղ մրցակցությանը։ Նա շատ գրավիչ է տղամարդկանց համար եւ հատկապես այն պատճառով, որ տղամարդիկ շատ հետաքրքրասեր են։ Եվ, ամեն դեպքում, փորձում են գտնել «դե ինչպե՞ս էր» հարցի պատասխանը։
Աղբյուրը՝ lady-journal.info
Հետևեք NEWS.am STYLE-ին Facebook-ում, Twitter-ում և Instagram-ում
23:19, 3 մայիսի
Ֆորմուլա 1-ի լեգենդ Միխայել Շումախերի ութ շքեղ ժամացույցներ աճուրդի են հանվել22:08, 3 մայիսի
Հոլլի Բերին տարված է իր դաշտանադադարով և հրապարակայնորեն խոսում է այդ մասին21:14, 3 մայիսի
NEWS.am STYLE-ի նոր սյունակ. Ծաղիկներ տանը և ոչ միայն. Ինչպես չսպանել խոլորձը և ծաղկեցնել20:26, 3 մայիսի
Wine Story. Սովինյոն Բլանի միջազգային օր՝ ձեր սիրելի սպիտակ գինու տոն19:43, 3 մայիսի
Կոպենհագենում Միշլեն աստղով ռեստորանները ամենաթանկն են աշխարհում16:34, 3 մայիսի
Macallan-ը և Cirque Du Soleil-ը միավորվում են՝ վիսկիի համտեսի և մահաբեր հնարքների համար15:25, 3 մայիսի
Ֆարել Ուիլյամսը միանում է Tiffany & Co-ին Titan ոսկերչական հավաքածու ստեղծելու համար14:23, 3 մայիսի
Քրիստեն Ստյուարտը եւ Օսկար Այզեքը կնկարահանվեն 80-ականների վամպիրների մասին հեդոնիստական թրիլլերում13:55, 3 մայիսի
Դերասանուհի Անյա Թեյլոր-Ջոյը պրեմիերային ներկայացել էր այնպիսի զգեստով, որով անհնար էր նստել13:17, 3 մայիսի
Էմիլի Ռատակովսկին եւ Իրինա Շեյքը փայլել են The King's Trust 2024 Global Gala-ին12:23, 3 մայիսի
Սոֆյա Վերգարան մտադիր է ամեն կերպ պայքարել տարիքի հետ11:15, 3 մայիսի
Բրիթնի Սփիրսի շոկային լուսանկարները մտահոգություն են առաջացրել նրա հոգեկան առողջության վերաբերյալ