Վլադիմիր Ավետիսյանն ու D’Black blues Orchestra-ն վաղը՝ հունիսի 3-ին, Երեւանի Հանրապետության հրապարակում աննախադեպ բլյուզային մեգաշոու են ներկայացնելու՝ նվիրված Հայաստանի առաջին Հանրապետության 99-ամյակին: Հենց Երեւանում կկայանա The Anthology of Blues նոր շոուի պրեմիերան:
Այսօր լրագրողների հետ հանդիպման ժամանակ խմբի ղեկավար Վլադիմիր Ավետիսյանը նշեց, որ վաղվա համերգային ծրագիրը խմբի անցած ուղու ինքնատիպ ստեղծագործական հաշվետվություն կլինի:
«Դա երաժշտության փոփոխության մեր տեսլականն է, մեր ներդրումը»,- հայտարարեց նա՝ ընդգծելով, որ խմբի անդամները տարբեր երկրներից երաժիշտներ են՝ Աֆրիկայից մինչեւ Եվրոպա, որոնցից յուրաքանչյուրը կատարման մեջ իր հոգու մի մասնիկն է ներդնում, այդ պատճառով վաղվա համերգին կներկայացվի ամբողջ բազմազգ կոլորիտը:
Համերգային ծրագրում ներառվել են բլյուզ, ռոք-բլյուզ եւ ռեգգի ոճի հիթեր:
«Դրանք հայտնի ստեղծագործություններ են: Մենք մանրակրկիտ ընտրություն ենք կատարել, որպեսզի լիարժեք ներկայացնենք բեմ բարձրացող 14 երաժիշտների պոտենցիալը»,- հայտնեց նա:
«Ավելին պատմել չեմ կարող, կարող եմ երգել, սուլել, բայց, կարծում եմ, ավելի լավ է՝ վաղը գաք ու լսեք երաժիշտներին»,- կատակեց երաժիշտը: Նա, միաժամանակ, հավելեց, որ հայկական «անակնկալներ» կլինեն: Մասնավորապես, կհնչի հայկական դուդուկ։ D’Black blues Orchestra-ի ավանդույթի համաձայն՝ համերգի վերջում ելույթ կունենա մանկական երգչախումբ: Ելույթ կունենա նաեւ ամերիկացի հայտնի բլյուզ երգչուհի Մոնիկա Գրինը:
Պատասխանելով հարցին՝ արդյոք կարելի՞ է խմբի ելույթն ակնկալել նաեւ Առաջին Հանրապետության 100-ամյակին, Ավետիսյանը նշեց, որ դա մեծ պատիվ կլինի, որին պետք է արժանանալ: Այս համերգով խումբը կփորձի շահել հանդիսատեսի համակրանքն ու խմբին կրկին տեսնելու ցանկության արժանանալ:
Նա նշեց, որ D’Black blues Orchestra խումբը բազմիցս ելույթ է ունեցել Արցախում, հետագայում նույնպես անպայման կընդունի հրավերները:
«Մենք բազմիցս ելույթ ենք ունեցել այնտեղ, նույնիսկ մեր ֆան-ակումբն ունենք: Պատրաստ ենք ցանկացած պահի նոր հրավեր ընդունել: Դա խմբի սկզբունքային մոտեցումն է. մենք այնտեղ չենք գնում՝ ինչ-որ մեկին հակառակ, այդ տարածք չենք մեկնում քաղաքական նպատակներով: Այնտեղ մարդիկ են ապրում, երեխաներ են ծնվում, հանդիպում են ու սիրահարվում, կյանքն ընթանում է իր հունով, եւ քաղաքական խնդիրների պատճառով մարդիկ չպետք է տուժեն»,- ասաց Ավետիսյանը:
Նանա Վահրամյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:35, 21 մայիսի
Կաննում կայացել է Վաչե Թովմասյանի մասնակցությամբ «Անորա» ամերիկյան ֆիլմի ցուցադրությունը23:24, 21 մայիսի
Մարտին Սկորսեզեն դստեր հետ հայտնվել է TikTok-ի հումորային տեսանյութում22:29, 21 մայիսի
Ամերիկուհին, ով պնդում է, որ ամուսնացել եւ բաժանվել է ուրվականից, այժմ որդեգրել է «դիվահար» ծաղրածուի21:04, 21 մայիսի
Wine Story. Ոչ ալկոհոլային գինիներ՝ այս տարվա թրենդը20:24, 21 մայիսի
Անահիտ Սիմոնյանի համարձակ զգեստն ու Ադելի «Easy on me» երգի cover-ը՝ երգչուհու մեկնաբանությամբ (ֆոտո/վիդեո)19:22, 21 մայիսի
«Կարիբյան ծովի ծովահենների» պրոդյուսերը ցանկանում է վերադարձնել Ջոնի Դեփին16:25, 21 մայիսի
Մադոննան հարգանքի տուրք է մատուցել իր «հավերժական մուսա» Ֆրիդա Կալոյին15:23, 21 մայիսի
Jimmy Choo-ն ներկայացրել է Մոխրոտի «բյուրեղյա կոշիկները», որոնց արժեքը 4200 եվրո է14:37, 21 մայիսի
Սքարլեթ Յոհանսոնը ցնցված է արհեստական ինտելեկտի chatbot-ից, որն իր ձայնի նմանակումն է13:50, 21 մայիսի
«Ակվամեն»-ի աստղ Ջեյսոն Մոմոան նոր սեր է գտել13:16, 21 մայիսի
Նիհարած Քրիստինա Ագիլերային կասկածում են Օզեմպիկ օգտագործելու մեջ12:10, 21 մայիսի
Yerevan Gastronomic Days. Հայաստանը՝ համաշխարհային մակարդակի գաստրոնոմիական հարթակ