Մեկ անգամից գեղեցիկ «խոնավ» մազափնջեր ստանալ, անխոս, չեք սովորի: Հազիվ թե նաեւ կարողանաք այդ ավելի լավ անել, քան մասնագետը: NEWS.am STYLE-ը կպատմի, թե ինչպես արդյունավետ սանրվածքներ ստանալ եւ դրանք ինչպիսին կարող են լինել:
Այս տարի նորաձեւության պոդիումները, կարծես, խենթացել են. գրեթե բոլոր դիզայներները միաձայն նորաձեւ են հայտարարել «խոնավ» սանրվածքները: Պարզ է. շուտով ամառ է, լողափային հանգստի եւ տաք երեկույթների ժամանակը: Ուստի յուրաքանչյուր աղջիկ գայթակղող աստվածային տեսք կունենա ալիքավոր խոնավ մազերով: Վարպետորեն արված կերպարը հանդուգն եւ սեքսուալ տեսք ունի: Բայց չէ՞ որ նման սանրվածք ստանալը դյուրին չէ, կարեւոր է չչարաշահել մազերի սանրվածքի միջոցների քանակությունը, հակառակ դեպքում ձեր գլուխը ոչ կոկիկ, իսկ մազերը կեղտոտ տեսք կունենան: Խորհուրդներով մեզ կօգնի վարսահարդար Հասմիկ Դավթյանը:
«Խոնավ մազերի էֆեկտ բնականից ալիքաձեւ մազերով աղջիկների համար: Գլուխը լվացեք՝ ինչպես միշտ: Մազերը փաթաթեք խավավոր սրբիչով եւ շուրջ 10 րոպե սպասեք, որպեսզի ավելորդ խոնավությունը մազերից հեռանա: Այնուհետեւ մազերը լավ սանրեք: Անպայման այդ արեք մինչեւ հատուկ միջոցներ քսելը: Հիմա վերցրեք գել-սփրեյ կամ մուս՝ խոնավ էֆեկտ ստանալու համար, դրեք ափին, ձեռքը ձեռքին քսեք, որպեսզի միջոցը տարածվի երկու ափերին էլ: Այնուհետեւ միջոցը քսեք մազերին, փորձեք դա անել հավասարաչափ: Հիշեք, որ այս սանրվածքի դեպքում շատ դեռեւս չի նշանակում լավ: Հիմա հարկավոր է սպասել՝ մինչեւ մազերը չորանան: Վարսահարդարիչ մի գործածեք: Պարտադիր մազափնջերն անընդհատ ձեռքերով սեղմեք՝ խոպոպներ ձեւավորելով: Եթե ցանկանում եք ծավալ ստանալ մազարմատների մոտ, դրանք հիմքի մոտ մատներով բարձրացրեք: ԱՄբողջությամբ չորանալուց հետո չի կարելի մազերը սանրել, կարելի է միայն լրացուցիչ ամրացնել լաքով:
Խոնավ մազերի էֆեկտ ուղիղ մազերի համար: Լվացված եւ սրբիչով չորացրած մազերին քսում ենք հարդարանքի ցանկացած միջոց: Ուղիղ մազերի պարագայում պետք է ընտրել նվազագույնը միջին ամրություն ապահովող միջոց. միայն այդ կերպ սանրվածքը կպահպանվի ամբողջ օրվա ընթացքում: Հիմա մազերը բաժանում ենք փնջերի (բարակ կամ հաստ՝ ըստ ընտրության) եւ յուրաքանչյուր մազափունջը փաթաթում ենք բարակ բիգուդիով: Մազերը վարսահարդարիչով չորացնում ենք եւ հանում բիգուդիները: Իսկ հետո արդեն ինքներդ որոշեք՝ մազափնջերը բաժանել բաժանել ավելի բարակ փնջերի կամ թողնել խոշոր խոպոպներով:
Երկու դեպքում էլ հարկավոր է խոպոպներն ամրացնել մազերի լաքով»:
Հետևեք NEWS.am STYLE-ին Facebook-ում, Twitter-ում և Instagram-ում
19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը15:10, 2 մայիսի
Քիմ Քարդաշյանը պատրաստվում է նոր ֆոտոշարքի14:38, 2 մայիսի
Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար13:53, 2 մայիսի
Լիզա Մորյակը՝ Սարիկ Անդրեասյանի հետ ամուսնության մասին. «Սեքսը ամուր հարաբերությունների հիմքն է»13:20, 2 մայիսի
Քենդալ Ջենները կիսվել է գեղեցկության իր գաղտնիքներով12:56, 2 մայիսի
«The View»-ն քննարկում է այն լուրերը, ըստ որոնց ԱՄՆ նախկին նախագահ Դոնալդ Թրամփը դատավարության ժամանակ «գազեր է բաց թողնում»12:17, 2 մայիսի
Դեմի Մուրը երկրպագուներին հիացրել է իր չծերացող կազմվածքով11:25, 2 մայիսի
Հայտնի է դարձել Քիմ Քարդաշյանի եւ Օդել Բեքհեմ կրտսերի բաժանման պատճառը10:58, 2 մայիսի
Շերը բացատրել է, թե ինչու է մերժել Էլվիս Փրեսլիին10:25, 2 մայիսի
Dj Վակցինան կիսվել է ընտանեկան ժամանցով