Երեւանում միակ վայրը, որտեղ տղամարդիկ կարող են հանգստանալ, առանձնանալ եւ չլսել կանանց խոսակցությունները, բարբերշոփն է: NEWS.am Style-ն ընտրել է տղամարդկանց լավագույն սրահները, որտեղ հմտորեն են օգտագործում վտանգավոր սայրը, կարճացնում են մորուքն ու մատնահարդարում անում:
Firm
Տղամարդկանց վարսավիրանոցների այս ցանցը հայտնի է հետխորհրդային տարածքի մեծ թվով քաղաքներում: Հաստատությունը մյուսներից տարբերվում է իր խստաոճ՝ զուտ տղամարդկային ինտերիերով: Այստեղ տղամարդիկ կարող են սափրվել, մազերը կտրել, մորուքը կարճացնել: Հաստատության հաճախորդներին անվճար վիսկի, թեյ, սուրճ, գարեջուր եւ սեփական ռադիոյի հրաշալի երաժշտություն է առաջարկվում: Ի դեպ, վարպետի մոտ կարելի օնլայն գրանցվել, ինչն անչափ հարմար է: Սրահում մազերի, մորուքի խնամքի միջոցներ են վաճառվում եւ սափրվելու գործիքներ: Firm-ում կտրվածքը 8 հազար դրամ արժե, իսկ մորուքի շտկումը՝ 5 հազար դրամ: Էժան հաճույքներից չէ, բայց մեր օրերում գեղեցկությունը թանկ արժե:
Rof
Հաստատությունն ընդամենը մեկ տարի է գործում, սակայն հաճախորդներին ուրախացնում է որակով իրականացվող ծառայություններով, որոնց թվում են՝ կտրվածքը, սանրվածքը, մորուքի շտկումը, կոսմետոլոգիան, նույնիսկ ձեռքերի եւ ոտքերի մատնահարդարումը: Մինչ իրենց հերթը հասնելը, հաճախորդները կարող են հեռուստացույց դիտել, խաղային հավելվածներ կամ շախմատ խաղալ, վիսկի խմել, սուրճ ըմպել: Մի խոսքով, դրախտ տղամարդկանց համար: Հաստատությունում կա հազվագյուտ սառնարան, դաշնամուր: Այստեղ ամեն ինչ նախատեսված է այն նպատակի համար, որ տղամարդիկ իրենց խնամքից հաճույք ստանան: Կտրվածքի գները նույնն են, ձեռքերի մատնահարդարումն արժե 6 հազար դրամ, ոտքերինը՝ 12 հազար:
Dude's
Տղամարդկանց լավ վարսավիրանոցը ոչ միայն որակով կտրվածքի համար է, այլ նաեւ վայր է, որտեղ քեզ սիրալիր են դիմավորում, հյուրասիրում են համեղ սուրճով, ռոմով եւ ձեռքդ են սեղմում: Dude's-ը հենց այն վայրն է, որտեղ տղամարդը կարող է հաճույք ստանալ գործընթացից: Այս հաստատություն մտնելիս առաջին բանը, որ աչքի է զարնում, փոքրիկ գունավոր սառնարանն է, պատից կախված հեծանիվը, սեղանի ֆուտբոլը: Այն ամենն, ինչ տղամարդուն անհրաժեշտ է՝ ուտել, խաղալ եւ իրեն կարգի բերել: Ծառայությունների սպեկտորն այնքան էլ լայն չէ, ձեր մազերը կկտրեն 6 հազար դրամով, մորուքին ձեւ կտան 4 հազարով, իսկ կսափրեն 5 հազար դրամով:
G.K. Barber Shop
Սա Երեւանում բացված առաջին դասական բարբերշոփերից է: Հաճախորդներին սպասարկում է ինքը՝ հաստատության հիմնադիրը: Նրա աշխատանքը նման է վիրաբուժական վիրահատության՝ կողքին կանգնած է օգնականը, որը գործիքներն է փոխանցում: Սրահի ինտերիերն ավելի շատ ինչ-որ ժամանակ մոռացված իրերի թանգարան է հիշեցնում՝ հին փոստարկղ, հակագազեր, խորհրդային պաստառներ, հին սնդուկ, ավտոպահեստամասի տեսքով լվացարանակոնք… Այստեղ վիսկի, ռոմ, սուրճ չեն մատուցում, փոխարենը ծառայության գները զգալիորեն ցածր են: Կտրվածքը 3 հազար դրամ արժի, մորուքի շտկումը՝ 2 հազար:
Մարգարիտա Ավագյան
Հետևեք NEWS.am STYLE-ին Facebook-ում, Twitter-ում և Instagram-ում
22:05, 20 մայիսի
Մեքսիկական փոքրիկ ճաշարանը Միշլենի աստղի է արժանացել՝ «բացառիկ տակոյի» համար21:30, 20 մայիսի
Ավստրալացի կինը 65 տարեկանում այնքան ցնցող տեսք ունի, որ նրան եւ իր թոռնուհուն հաճախ քույրերի տեղ են դնում20:05, 20 մայիսի
«Ինձ համար ամենակարեւորը բարձր մակարդակով Հայաստանը ներկայացնելն է». Անահիտ Հակոբյանը պատրաստվում է «Նոր Ալիք 2024»-ին19:19, 20 մայիսի
Ադելը եւս մեկ երեխա է ուզում16:23, 20 մայիսի
BMW-ն եւ Նաոմի Քեմփբելը ներկայացրել են յուրօրինակ ամենագնաց, որը ոգեշնչված է սուպերմոդելից15:58, 20 մայիսի
FX-ը եւ Hulu-ն պաշտոնապես հայտարարել են «Սյոգուն»-ի երկրորդ եւ երրորդ եթերաշրջանների մասին15:18, 20 մայիսի
Jacob & Co.-ն ներկայացնում է «Ring of Fire» հազվագյուտ ժամացույցը14:21, 20 մայիսի
Դեւիդ Բեքհեմը տղամարդկանց հագուստի հավաքածուներ կստեղծի Hugo Boss-ի համար13:22, 20 մայիսի
Դեմի Մուրն ապշեցրել է իր էքստրավագանտ զգեստով12:18, 20 մայիսի
Քեւին Քոսթների ֆիլմը Կաննում 10 րոպեանոց հոտնկայս ծափահարությունների է արժանացել11:08, 20 մայիսի
«Ես, իսկապես, զղջում եմ»․ Շոն «Դիդի» Քոմբսն առաջին անգամ խոսել է համացանցում տարածված տեսանյութի մասին, որում նա ծեծում է նախկին ընկերուհուն10:17, 20 մայիսի
Նիկոլայ Նոսկովի առողջական վիճակը կտրուկ վատացել է