«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Հայկական էթնո-ջազ բենդը նյույորքյան ջազ փառատոնի քվեարկության առաջին հորիզոնականում է (ֆոտո)

20:15, 23 ապրիլի

«Հիմա հիմնական պայքարը ծավալվում է մեր եւ երկրորդ տեղում գտնվող մակեդոնական «Letecki Pekinezeri» խմբի միջեւ: Ավելի դժվար է պահպանել, քան գրավել առաջին տեղը, քանի որ ակտիվ մրցակցություն է սկսվում»,- NEWS.am STYLE-ի թղթակցի հետ զրույցում պատմեց կոմպոզիտոր, թառահար, «Միքայել Ոսկանյան եւ ընկերներ» խմբի ղեկավար Միքայելը:

«Միքայել Ոսկանյան եւ ընկերներ» խումբը բարձրացել է քվեարկության առաջին հորիզոնական: Կարելի՞ է ասել, որ եթե պահպանեք այս ձեռքբերումը, մեկնելու եք Նյու Յորք:

Եթե պահպանենք՝ այո, մեկնելու ենք Նյու Յորք եւ միջազգային ջազ փառատոնում ներկայացնելու ենք Հայաստանը:

Իսկ ձեր ամենամոտ հետապնդողը շա՞տ է հետ մնում: Մի փոքր պատմեք քվեարկության ձեր մրցակիցների մասին:

Հիմա հիմնական պայքարը ծավալվում է մեր եւ երկրորդ տեղում գտնվող մակեդոնական «Letecki Pekinezeri» խմբի միջեւ: Մենք նրանցից տարբերվում ենք ժանրով: Մակեդոնական խումբը ներկայացնում է դասական սվինգ, իսկ մենք՝ ֆոլք-ֆյուժն, էթնո-ջազ:

Փառատոնը մեկնարկելու է միայն նոյեմբերին: Քվեարկությունը դեռեւս շարունակվում է եւ հայտնի չէ, թե երբ կավարտվի: Այդ պատճառով հիմա ավելի դժվար է: Ավելի դժվար է պահպանել, քան գրավել առաջին տեղը, քանի որ ակտիվ մրցակցություն է սկսվում:

Նյու Յորք ամբողջական կազմո՞վ եք մեկնելու: Չէ՞ որ դա բավական ծախսատար է: Հովանավորներ արդեն կա՞ն, ովքեր պատրաստ են ծախսերն իրենց վրա վերցնել:

Այո, մեկնելու ենք ամբողջական կազմով. ես՝ թառ, Դավիթ Մելքոնյանը՝ սաքսոֆոն, Արման Փեշտմալջյանը՝ ստեղնաշարային գործիքներ, Վարդան Գաբոյանը՝ կիթառ, Էդուարդ Հարությունյանը՝ պերկուսիա, Գուրգեն Էբեջյանը՝ բաս եւ Մովսես Էբեջյանը՝ հարվածային գործիքներ:

Հովանավորներ, ցավոք, չկան: Մեր ֆինանսական խնդիրները հիմնականում մենք ենք լուծում: Բայց լավ կլիներ, եթե հովանավորներ հայտնվեին, քանի որ, ամեն դեպքում, ներկայացնելու ենք մեր երկիրը՝ Հայաստանը: Իսկ որպեսզի ոչ մի բանի մասին չմտածենք, այլ կենտրոնանանք միայն ստեղծագործելու վրա, հարկավոր է, որ ֆինանսական խնդիրները մեզ չշեղեն:

Կարելի՞ է ասել, որ այս փառատոնը ներկայում ձեր խմբի պատմության մեջ ամենանշանակալի իրադարձությունն է:

Այո, կարելի է նաեւ այդպես ասել: Ընդհանրապես, միջազգային ցանկացած փառատոն մեզ համար մեծ նշանակություն ունի: Սակայն մենք չենք պատրաստվում սահմանափակվել ձեռք բերածով, այլ շարժվելու ենք դեպի ավելի բարձր նպատակներ:

Շնորհակալություն, Միքայել: Ձեզ հաջողություն ենք մաղթում եւ հույս ունենք, որ Նյու Յորքից կվերադառնաք հաղթողի կարգավիճակով:

Շնորհակալություն NEWS.am STYLE-ին մեր խմբի զարգացման գործընթացի նկատմամբ հետաքրքրություն ցուցաբերելու համար: Նաեւ ցանկանում եմ շնորհակալություն հայտնել բոլոր նրանց, ովքեր չեն զլանում քվեարկել մեր օգտին եւ հենց նրանց շնորհիվ մենք բարձրացանք առաջին հորիզոնական: Ցանկանում եմ նշել, որ քվեարկությունը դեռեւս շարունակվում է եւ, համապատասխանաբար, հարկավոր է շարունակել քվեարկել մեր օգտին, որպեսզի կարողանանք պահպանել առաջատարի դիրքը: Իմ խնդրանքն է մեր արվեստի բոլոր երկրպագուներին, որպեսզի չդադարեն մեզ հավատալ եւ շարունակեն քվեարկել:

Զրուցեց Մարկ Հովհաննիսյանը


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել