Հայաստանում զոքանչների միջազգային օրը չեն նշում,տոնի մասին այստեղ քչերն են տեղյակ: Հայ հասարակության մեջ հակամարտության հասնող փեսա-զոքանչ հարաբերություններն արդեն դարձել են սովորական, ինչը չեն թաքցնում նույնիսկ հայտնի անձինք` հասարակական, քաղաքական գործիչները: Օրինակ` NEWS.am STYLE-ի թղթակիցը զանգեց ԱԺ պատգամավորներից մեկին`հարցնելու, թե այսօր ինչ է նվիրելու զոքանչին տոնի առթիվ, նա նշեց, որ մնում էր զոքանչին նվեր գնել եւ վերջ, «դա էր մնում պակաս»: Հայ փեսաների կարծիքով` լավ զոքանչ չկա, նա միայն «սեղանին սառը վիճակում է լավը»: ԱԺ Հանրապետական խմբակցության պատգամավոր Արթուր Գեւորգյանն էլ, լսելով, որ այսօր զոքանչների միջազգային տոնն է, ծիծաղելով ասաց. «Շուխուռ մի արեք»: Ի դեպ, նրա զոքանչը Հայաստանի ոստիկանապետ Վլադիմիր Գասպարյանի կինն է:
ՀՀԿ-ից մեկ այլ պատգամավոր Տաճատ Վարդապետյանը NEWS.am STYLE-ի թղթակցի հետ զրույցում անկեղծացավ` նշելով, որ իր զոքանչի հետ նորմալ հարաբերություններ ունի, ոչ ընդգծված ջերմություն, ոչ էլ հակամարտություն, սակայն չի պատրաստվում նվեր գնել:
Զոքանչ պատգամավորներից է Ռուզաննա Մուրադյանը: «Ես ունեմ երկու հրաշալի փեսա: Իմ աղջիկների ընտրությանը ես չեմ միջամտել: Իսկ թե ինչպիսի զոքանչ եմ ես, պետք է հարցնել իմ փեսաներին»,- ասել է նա: Տոնի հետ կապված նա դեռ նվեր չէր ստացել, բայց անպայման տեղեկացնելու է փեսաներին, որ այսպիսի տոն կա: Պատգամավորը փեսաներից կցանկանա ստանալ գեղեցիկ ծաղկեփունջ, սակայն փեսաների կողմից ստացած ամենամեծ նվերը թոռներն են:
ԱԺ ՀՀԿ-ական պատգամավոր Մարգարիտ Եսայանի փեսաները եւս դեռ չէին շնորհավորել նրան, քանի որ հավանաբար չգիտեն, որ այսօր զոքանչների օրն է: «Բայց ես անպայման իրենց կհիշեցնեմ, եւ իրենք անպայման ինձ կշնորհավորեն, որովհետեւ իրենք շատ շնորհքով եւ ճիշտ փեսաներ են»,- ասաց նա: Զոքանչի օրվա առթիվ պատգամավորը կրտսեր աղջկանից, ում 10 օր առաջ է ամուսնացրել, կցանկանա նվեր ստանալ թոռնիկ, իսկ մեծ աղջկանից` տղա թռոնիկ, քանի որ նա երկու աղջիկ թոռնիկ է պարգեւել իրեն: Անդրադառնալով մի իմաստունի խոսքի, թե աշխարհի ամենաերջանիկ մարդը բիբլիական Ադամն է, քանի որ նա երբեք զոքանչ չի ունեցել, Մարգարիտ Եսայանը նշեց. «Ես խղճում եմ Ադամին, քանի որ նա ինձ նման զոքանչ չի ունեցել: Այդ իմաստունն էլ հաստատ ինձ նման զոքանչ չի ունեցել եւ դրա համար էլ նման միտք է արտահայտել: Իրականում զոքանչներից ավելի լավ մայրիկներ փեսաների համար չկան: Հիմա բոլոր խնամիներս կնեղանան ինձնից: Սրա մեջ կատակի մաս կա: Ամենալավ զոքանչը ես եմ, իմ փեսաները դա գիտեն, իսկ ամենալավ փեսաները իմ փեսաներն են»,- ասաց պատգամավորը: Հարցին, թե չեք միջամտում ձեր աղջկա անձնական կյանքին, նա պատասխանեց, որ հազիվ հասցնում է իր կյանքին միջամտել, ինչ գործ ունի նրանց կյանքի հետ, միայն կողքից նայում է նրանց երջանկությանը եւ ուրախանում, եթե կարողանում է, օգնում է, չի կարողանում, չի էլ խանգարում:
Հայտնիների` զոքանչների հետ հարաբերությունների մասին NEWS.am STYLE-ը գաղտնիքներ էր բացահայտել «Բլից հարցազրույցներ պատգամավորների հետ» շարքում: ԲՀԿ պատգամավոր Վահան Բաբայանը պատմել էր զոքանչի մասին իր սիրելի անեկդոտը: »Փեսան տեսնում է զոքանչին իր համակարգչի առջեւ նստած եւ բացականչում է` այսպիսի վիրուսի դեռ չէի հանդիպել»: Զոքանչի մասին հետաքրքիր անեկդոտ էր պատմել նաեւ նրա կուսակից ընկեր, պատգամավոր Արմեն Ավետիսյանը. «Զոքանչը հյուր է գնում աղջկա տուն: Փեսան հարցնում է. «Զոքանչ ջան, երկար ժամանակո՞վ ես եկել», նա պատասխանում է. «Մինչեւ ձեզ ձանձրացնեմ»: Փեսան էլ ասում է. «Դե ասա մի բաժակ սուրճ էլ չենք հասցնի խմել»»: ՀՀԿ-ական պատգամավոր Հայկ Բաբուխանյանը պատմել էր, որ իր զոքանչը իր ուսուցիչն է եղել, ով իրեն անկյուն է կանգնեցրել եւ նա այդ մասին այժմ անպայման հիշեցնում է: Սակայն նա սիրում էր ուսուցչուհուն եւ որպեսզի սիրելի ուսուցչուհու հետ կապը չկտրվի, ամուսնացավ նրա աղջկա հետ:
Իսկ ՕԵԿ-ից պատգամավոր Կարեն Բոթոյանը վստահեցրել էր, թե կնոջ ծնողների հետ իր հարաբերությունները շատ լավ են: Նա զոքանչի մասին շատ անեկդոտներ գիտի, երբեմն պատմում է նրա ներկայությամբ, բայց նա չի նեղանում:
Հետևեք NEWS.am STYLE-ին Facebook-ում, Twitter-ում և Instagram-ում
13:50, 15 մայիսի
Կաննի կինոփառատոնի բացման օրվա լավագույն կերպարները13:11, 15 մայիսի
Երկաթե գահի համար պայքարը շուտով կվերսկսվի. «Վիշապի տունը» սերիալի երկրորդ եթերաշրջանի պաշտոնական թրեյլերը12:17, 15 մայիսի
Քիմ Քարդաշյանը՝ Պամելա Անդերսոնի՝ 90-ականների կերպարով11:48, 15 մայիսի
Երգչուհի Սլավան դժգոհել է սեքսի բացակայությունից. «Ես շատ եմ դա ուզում11:21, 15 մայիսի
Կաննի կինոփառատոնը, ամենայն հավանականությամբ, կլինի նույնքան դրամատիկ, որքան աստղային կինոպրեմիերաների սյուժետային գծերը10:20, 15 մայիսի
Մերիլ Սթրիփը «Ոսկե արմավենու ճյուղ» է ստացել10:11, 15 մայիսի
Ծնվել է Մարիա Չանդիրյանի առաջնեկը09:00, 15 մայիսի
ՄԱՅԻՍԻ 15-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:11, 14 մայիսի
Աշխարհի ամենաթանկ շրթներկների հնգյակը22:34, 14 մայիսի
Ինչո՞ւ են հասուն կանայք նախընտրում ավելի երիտասարդ տղամարդկանց21:11, 14 մայիսի
Սերը` առաջին համբույրից, գուցե, իրականություն է20:22, 14 մայիսի
Ֆրենսիս Ֆորդ Կոպոլան հրապարակել է իր «Մեգալոպոլիս» էպիկական նախագծի առաջին թիզերը