Չինացի բլոգեր Մայքլ Հեին Հայաստանում արդեն, գրեթե, բոլորը գիտեն: Հայաստանի ու հայերի հանդեպ նրա սերը նրան բազմիցս բերել է մեր հայրենիք, որտեղ նա ակտիվորեն տեսանյութեր է նկարահանում եւ իր հետեւորդներին պատմում մեր երկրի գեղեցկության ու արժանիքների մասին:
Մայքլը կրկին Հայաստանում է: Այս անգամ նա հատուկ նպատակով է այստեղ, ինչի մասին պատմել է NEWS.am STYLE-ին, ինչպես նաեւ մեզ է տրամադրել իր նոր ֆոտոշարքը՝ հայկական տարազով, որն իրականացրել է Մարաշլեան ֆոտո ատելիեի հետ:
«Այս անգամ Հայաստան եմ ժամանել երկու շաբաթով. նպատակս էր այցելել Children of Armenia Fund-ի (Հայաստանի մանուկների հիմնադրամ) Սմարթ կենտրոնի բացմանը, որը տեղի ունեցավ Լոռիում: Դա հրաշալի կենտրոն է, որը դրականորեն կփոխի շատերի կյանքը Հայաստանում: Նաեւ այցելել եմ ՀՀ Զբոսաշրջության պետական կոմիտե, եւ մենք աշխատում ենք չինացի տուրիստների Հայաստան այցելության շուրջ»,-ասում է բլոգերը, որն իր ամեն այցելության ժամանակ մի նոր բան է հայտնաբերում Հայաստանի մասին: Այս անգամ նա բացահայտել է հայկական խաշի համը եւ մեզ հետ կիսվել իր տպավորություններով.
«Առաջին անգամ փորձեցի խաշ՝ Արագած լեռան մոտ գտնվող ռեստորաններից մեկում, նաեւ այցելեցի Սեւան՝ կրկին առաջի անգամ: Խաշն ինձ շատ դուր եկավ, իսկ Սեւանա լիճն արդեն իմ ամենասիրելի վայրերից է: Շուտով տեսանյութեր էլ կհրապարակեմ այնտեղից»:
Ինչ վերաբերում է հայկական տարազին՝ այն չինացի բլոգերին շատ է տպավորել. ասում է՝ եթե Հայաստանում մարդիկ այն հաճախ կրեին, ինքն էլ մեծ սիրով այստեղ կշրջեր տարազով.
«Առաջին անգամ էի հագնում հայկական տարազ, եւ դա ինձ համար ամենալավ փորձարկումներից մեկն էր: Այս միտքն ինձ տվեցին Children of Armenia (COAF) ֆոնդի իմ ընկերները: Հայկական տարազը շատ գեղեցիկ է, այն փափուկ ու հարմարավետ էր: Իմ երկրում էլ այն կհագնեմ հատուկ առիթների դեպքում:) Հաջորդ անգամ, երբ գամ Հայաստան, հավանաբար ինձ հետ կլինեն նաեւ մտերիմ ընկերներս եւ հուսով եմ՝ մենք ֆոտոշարք կիրականացնենք հայկական տարազով»:
Մայքլից հետաքրքրվեցինք նաեւ՝ միգուցե Հայաստանում արդեն հասցրե՞լ է սիրահարվել.
«Բոլորն էլ գիտեն, որ հայ աղջիկներն ու հայերն, առհասարակ, աշխարհի ամենագեղեցիկ մարդկանցից են՝ թե ներքուստ, թե արտաքուստ, բայց այստեղ ԴԵՌ չունեմ ընկերուհի:)»,-խոստովանեց նա:
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
20:21, 19 մայիսի
Ինչո՞ւ է Մեգան Մարքլը թաքցնում ոտքերը. ոճաբանը բացատրում է19:24, 19 մայիսի
«Եվրատեսիլ 2024»-ում Նիդերլանդների մասնակցը հունիսի սկզբին կարող է հայտնվել Շվեդիայի դատարանում16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ