1․ Ավարտե՞լ եք ձեր նախորդ հարաբերությունները
Ոչ թե բաժանվել ձեր նախորդ տղամարդկանցից, այլ հոգեպես ազատ թողել նրանց ու ներել։ Եթե անցյալի վիրավորանքերն ու հիասթափությունները դեռ պահպանվել են ձեր սրտում, ուրեմն մի շտապեք։ Հակառակ դեպքում հին խնդիրները կխանգարեն ձեր նոր զգացմունքին ու դուք կսկսեք լուծել դրանք արդեն նոր հարաբերություններում։ Բայց մի՞թե ձեր ապագա ամուսինը պարտավոր է պատասխան տալ նախորդ տղամարդկանց մեղքերի համար։
2․Պատրա՞ստ եք լինել այնպիսին, ինչպիսին կաք
Այնպիսին, ինչպիսին ձեզ ճանաչում են ձեր կատուն ու ձեր հին ֆիկուսը, այլ ոչ թե այնպիսին, ինչպիսին ձգտում եք լինել առաջին ժամադրության ժամանակ։ Ընտանեկան կյանքը երկարատեւ է ու տարիների ընթացքում որեւէ «դեր խաղալը» անտանելի ծանր է դառնում։ Նույնիսկ սովորական սեթեւեթությունը արդյունավետ է, եթե այն ձեր սրտից է բխում։ Եվ, վճռելով ամուսնանալ, համոզվեք, որ ձեր ընտրյալը ճանաչում է հենց ձեզ, այլ ոչ թե ձեր ստեղծած կերպարը։ Արդյո՞ք նա ձեզ ճանաչում է բոլոր վատ կողմերից։
3․Դուք ձեր տղամարդկանց համար ակնկալիքների նշաձող սահմանո՞ւմ եք
Եթե մինչեւ հիմա կրկնում եք՝ «միայն հաջողակ, առատաձեռն, բարի ու երկնագույն աչքերով», զարմանալի չէ,որ նա այդպես էլ չի հայտնվում։ Տղամարդը տեխնիկական բնութագրերի հավաքածու չէ, այլ մարդ, որը կարող է ցանկացած պահի հաջողակ ու ապահովվածից վերածվել սովորական մահկանացուի, իսկ հետո՝ նորից հակառակը։ Նա իրավունք ունի ժամանակ առ ժամանակ զայրանալ ու չկատարել ձեր հերթական քմահաճույքը։ Իսկ ամենակարեւորը, նա բոլորովին պարտավոր չէ համապատասխանել որեւէ մեկի պատկերացումներին։
4․Դուք պատրա՞ստ եք փոխվել
Դառնալ ավելի լավը ու զիջող, համարձակ ու վճռական, համբերատար ու հանգիստ։ Համատեղ կյանքը շատ շուտով կպահանջի փոփոխություններ, իսկ ամենակարեւոր արժանիքներից մեկը կարող է լինել հենց ճկունությունը ու հանգամանքներին հարմարվելու ունակությունը։ Ոչ ճկուն ու շիտակ կանանց համար շատ բարդ է յուրացնել այդ հմտությունները։ Նրանց համար բարդ է հասկանալ, որ հանուն ընտանիքի փոխվելն ու բռնապետ ամուսնուն ենթարկվելը միանգամայն տարբեր բաներ են։
5․ Դուք խզե՞լ եք ձեր կապը ծնողների հետ
Խոսքն այն մասին չէ, որ պետք է դադարել շփվել ծնողների հետ։ Պետք է ընդամենը վերջնականապես հասունանալ ու ինքնուրույն դառնալ։ Ծնողական փորձը հաճախ ձեւավորում է մեր ապագան, ընդ որում սցենարները, որոնք գրվում են մեր ընտանիքում, կարող են շատ տարբեր լինել։ Միայնակ մոր ճակատագիրը կրկնելուց սկսած՝ մինչեւ հոր նման իշխող տղամարդու հետ չամուսնանալու ցանկություն։ Իսկ երեխաները երկար ժամանակ չեն կարողանուն սեփական ընտանիք կազմել, քանի որ իրենց պատասխանատու են զգում իրենց ծնողների համար։ Երջանկություն գտնելու համար պետք է գիտակցել, որ ավագ սերնդի փորձը նրանց կյանքի ուղին է ու ձեզ հետ ոչ մի կապ չունի։ Դուրս եկեք ծնողական հովանավորությունից ու սկսեք ձեր սեփական կյանքի պատմությունը գրել։
Աղբյուրը՝ Klubber.ua
Հետևեք NEWS.am STYLE-ին Facebook-ում, Twitter-ում և Instagram-ում
10:52, 3 մայիսի
«Լադանիվա»-ից Ժակլինի եւ Հունաստանի ներկայացուցչի աշխույժ պարը՝ «Եվրատեսլ 2024»-ի ետնաբեմում (վիդեո)10:20, 3 մայիսի
Քիմ Քարդաշյանը կիսվել է իր վերջին ֆոտոշարքի «բեքսթեյջային» կադրերով09:00, 3 մայիսի
ՄԱՅԻՍԻ 3-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:02, 2 մայիսի
Ֆիլմերում սեքսը կտրուկ նվազել է, բայց դարձել է ավելի բացահայտ22:18, 2 մայիսի
Armflix Էքսկլյուզիվ ֆիլմեր և սերիալներ՝ առանց սահմանափակումների, առանց գովազդի և ֆանտաստիկ որակի21:34, 2 մայիսի
1968 թվականի Grand Seiko ժամացույցն աճուրդում վաճառվել է ավելի քան 90,000 դոլարով20:18, 2 մայիսի
Միայնակ ամերիկացին, որը հուսահատ սեր է փնտրում, շաբաթական 400 դոլար արժողությամբ գովազդային վահանակ է տեղադրել19:43, 2 մայիսի
Կադրեր՝ «Լադանիվա»-ի եվրատեսիլյան երկրորդ փորձից (ֆոտո/վիդեո)19:21, 2 մայիսի
Միլիարդատեր Ջորջ Սորոսի որդու եւ ընկերուհու՝ Հումա Աբեդինի՝ որպես զույգ հանրային դեբյուտը կկայանա Met Gala-ի շրջանակում16:21, 2 մայիսի
Airbnb-ը թույլ կտա ժամանակ անցկացնել թռչող տնակում կամ հանգստանալ Փրինսի Purple Rain առանձնատանը15:10, 2 մայիսի
Քիմ Քարդաշյանը պատրաստվում է նոր ֆոտոշարքի14:38, 2 մայիսի
Քրիս Ջեններն իր կերպարանքով ամանորյա զարդ է ներկայացրել, որն արժե 82 դոլար