«Ահա ընկղմվեց ու ծածկվեց անհետ
Արարածներիդ չարությունն համայն
Քո երկայնամիտ կամքի լույսի մեջ,
Ինչպես չնչին մեգն արեւի տապում.
Այդ են վկայում նաև հենց այստեղ
Մեր իսկ էության հատուկ բարքերն ու կրքերն ամենքի»:
Նարեկացու այս տողերով սկսվեց երգչուհի Սոնայի «Քո հրեշտակը»/«Твой Ангел» խորագրով հատուկ համերգը՝ նվիրված Արցախյան պատերազմում հերոսաբար զոհված զինվորների հիշատակին: Երգչուհու խոսքով՝ այս համերգն իր համար էմոցիոնալ առումով առանձնանում է.
«Սա իմ կամքն է, իմ հոգու ու սրտի պարտքը. Աստված է ինձ այս տաղանդը տվել, ես էլ պետք է այն կիսեմ: Այսօր ինձ համար շարքային համերգ չէ, այն էմոցիոնալ առումով շատ տարբերվող է»,-ելույթին ընդառաջ նշեց Սոնան:
Համերգի ոչ մի տոմս չի վաճառվել, եղել են միայն հրավիրատոմսեր:
«Հրավիրել ենք զոհված զինվորների ընտանիքների անդամներին, վիրավորում ստացած զինվորներին՝ իրենց սիրելիների կամ ընտանիքի անդամնրի հետ, հրավիրված են նաեւ Ապրիլյան պատերազմի մասնակիցներ, բժիշկներ, որոնք աշխատել են պատերազմի դաշտում, առանջնագծում եղած այլ մասնագետներ: Շատերն իրենք են զանգահարել եւ ցանկություն հայտնել ներկա գտնվելու համերգին: Գիտե՞ք՝ այստեղ ինձ սիրել-չսիրելու հարցը չէ. ինձ հավատում են, ինչն ինձ համար շատ ավելի կարեւոր է»,-հավելեց նա:
Պատերազմից հետո սա Սոնայի առաջին համերգն էր: Երգչուհին նշում է, որ այն հենց բարեգործական բնույթ պետք է կրեր.
«Այս տարի իմ ստեղծագործական գործունեության 30-ամյակն է, ինչի առթիվ պատրաստվում էինք մենահամերգ ունենալ Հայաստանում, Մոսկվայում, նաեւ՝ Արցախում... Բայց համարում եմ, որ հենց բարեգործական համերգով պետք է սկսեի այս տարին, սա իմ հոգու պարտքն է: Հիմա շատ կարեւոր է հայի ոգին պահպանելը: Ես պատրաստ եմ հանդիսատեսին ե´ւ ջերմություն տալ, ե´ւ նրանցից այդ ջերմությունը ստանալ»:
Համերգի ընթացքում Սոնան կատարեց մոտ 30 երգ: Նրան նվագակցեցին իր բենդն ու բեքվոկալիստներ՝ Տյոմը, Անահիտ Շահբազյանը եւ Անահիտ Պետրոսյանը: Համերգին ելույթ ունեցան նաեւ Արամեն, Սարգիս Եղիազարյանը, Կարեն-Սեւակ դուետը եւ Ռաիսա Ավանեսյանը:
Երեկոյի մյուս մանրամասները՝ NEWS.am STYLE-ի ֆոտոռեպորտաժում:
Սյունե Առաքելյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ22:21, 17 մայիսի
Նոր սիրավե՞պ․ Անջելինա Ջոլին Բեռլինում ընթրել է «Վարպետը եւ Մարգարիտան» ֆիլմի աստղի հետ21:31, 17 մայիսի
Բիանկա Սենսորիի ընտանիքը վախենում է, որ Քանյե Ուեսթը նրան «կներքաշի» պոռնոգրաֆիայի մեջ20:05, 17 մայիսի
Չեխիայում կանցկացվեն հայ մշակույթի օրեր19:22, 17 մայիսի
«Բրիջերթոնի» աստղ Նիկոլա Քոգլանը՝ սերիալի հաջողության եւ 3-րդ եթերաշրջանի «բուռն» սեքսուալ տեսարաններից վախենալու մասին16:15, 17 մայիսի
«Հովեր» երգչախմբի առաջիկա համերգը նվիրված է Հակոբ Հակոբյանի 100-ամյակին15:05, 17 մայիսի
«Չենք բաժանվել, չենք վիճել». Սիլվի Բարկովան մեկնաբանել է Instagram-ում կրկին իր ազգանունով ներկայանալու որոշումը14:35, 17 մայիսի
Ոճաբան Սերգեյ Զվերեւը վստահեցրել է, որ Պուգաչովան կվերադառնա Ռուսաստան13:20, 17 մայիսի
Քիմ Քարդաշյանի դուստրը՝ Նորթ Ուեսթը, փոխել է մազերի գույնը. 10-ամյա սկսնակ ռեփերը ցուցադրում է իր շեկ ալիքները12:20, 17 մայիսի
«Մեգալոպոլիս»-ի դեբյուտը Կաննում ուղեկցվել է 7-րոպեանոց հոտնկայս ծափահարություններով