Հայ աստղերը` Էմմին, Սոֆի Մխեյանը, իրավաբան եւ երգիչ Վրեժ Կիրակոսյանը, ինչպես նաեւ դերասան Սոս Ջանիբեկյանը, բարկացած են իրենց աղանդավոր լինելու վերաբերյալ ապատեղեկատվության տարածման կապակցությամբ:
Այդ մասին հայ աստղերը հայտնել են այսօր` հոկտեմբերի 4-ին կայացած ասուլիսի ժամանակ:
Նշենք, որ երեկ` հոկտեմբերի 3-ին, Միացյալ Երիտասարդական Լիգա անվանմամբ կազմակերպությունը հայտարարություն է հրապարակել, որում նշվել են կոնկրետ հայտնի մարդկանց անուններ, որոնք, ըստ այդ կազմակերպության, հնարավոր է, աղանդավոր են: Մի շարք լրատվամիջոցներ հրապարակել են այդ հայտարարությունը առանց հերքման, ինչը նույնպես դարձել է աստղերի բարկության պատճառը:
«Կարծում եմ, որ սա կոնկրետ իրավունքների ոտնահարում է, եւ դրա համար մենք որոշել ենք բարձրաձայն խոսել այդ թեմայի մասին: Ես արդեն, կարծես թե, 2-րդ կամ 3-րդ անգամ եմ հայտնվում կիզակետում, եւ ինձ շատ ավելի բարկացրեց այն փաստը, որ այդ նյութը, որը հայտնվեց համացանցում, հայտնվեց հենց իմ գլխավոր լուսանկարով: Եւ այդ ինձ իսկապես շատ է բարկացնում, եւ դրա համար շատ ավելի լուրջ ենք ուզել վերաբերվել այս հարցին, եւ իմ կողքին նստած են իրավաբաններ, ովքեր շատ լուրջ կզբաղվեն այդ հարցով»,- հայտնել է Սոֆի Մխեյանը:
Իր հերթին Էմմին նկատել է, որ վերջին ժամանակահատվածում բլոգերների կողմից շատ է լինում այսպիսի սխալ վերաբերմունք արտիստների կամ ոչ արտիստների նկատմամբ:
«Ի վերջո, կարելի է հասկանալ, որ մենք այդ անունը ձեռք ենք բերել մեր քրտնաջան աշխատանքով, այլ ոչ թե բլոգերների հաշվին: Ինչու են նրանք ուզում մեր հաշվին դառնալ հայտնի բլոգեր», - նշել է երգչուհին:
Նա նաեւ հայտնել է, որ պատկանում է Հայ Առաքելական եկեղեցուն եւ հաճախ եկեղեցի է այցելում, ընթերցում է Աստվածաշունչը, իսկ նրա կողմից առավել սիրված եկեղեցին է Էջմիածնում գտնվող Սուրբ Գայանեն:
Իսկ երգիչ եւ իրավաբան Վրեժ Կիրակոսյանը այդ ապատեղեկատվությունը տարածողներից հերքում է պահանջել, եւ նշել է, որ այն պետք է լինի առանձին աստղերից յուրաքանչյուրի համար:
Իր հերթին դերասան Սոս Ջանիբեկյանը հայտարարել է, որ աղանդներին չի վերաբերվում ոչ լավ, ոչ էլ վատ, բայց եթե նույնիսկ գրեին, որ նա սեւամորթ է, թեեւ նա շատ հարգում է սեւամորթներին, նա նույնպես կբարկանար, քանի որ այդ ամենը ապատեղեկատվությունը:
Նա նշել է, որ պատրաստ է ներել Միացյալ Երիտասարդական Լիգայի անդամներին, քանի որ նրանք երիտասարդ են եւ անխելք քայլ են կատարել, եթե նրանք հրապարակավ հերքեն այդ տեղեկությունները եւ ներողություն խնդրեն:
Արտիստները հայտնել են, որ դիմել են “AM” իրավաբանական կազմակերպությանը, որ շատ լուրջ կզբաղվի այդ խնդրով, եւ այդ ուղղությամբ աստղերի հետագա քայլերը քննարկման փուլում են գտնվում:
Տեքստը` Լիլիթ Պետրոսյանի
Լուսանկարները` Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
23:20, 16 մայիսի
Հայազգի երգչուհի Մարիամ Մերաբովան կոչ է արել ռուսներին չներել Պուգաչովային, որն իրենց ստրուկ է անվանել22:28, 16 մայիսի
Մերիլ Սթրիփը հիշել է, թե ինչպես է նկարահանել վտանգավոր սեքսուալ տեսարանում21:29, 16 մայիսի
«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը21:09, 16 մայիսի
HerMine Dialog-ը՝ բացօթյա ձեւաչափով․ երեւանյան բեմում կներկայացվեն հայկական մթերքներով ուտեստներ20:28, 16 մայիսի
InTouch. Աֆլեքն ու Լոպեսը երկու տարվա ամուսնությունից հետո պատրաստվում են ամուսնալուծվել19:04, 16 մայիսի
Ալեքսանդր Դուլին. «Ես անսահման ուրախ եմ Հայաստան վերադառնալու համար»16:12, 16 մայիսի
Բրիթնի Սփիրսի հուզիչ խոստովանությունն իր ընտանիքի մասին՝ տարիներ շարունակվող թշնամանքի ֆոնին15:24, 16 մայիսի
Երգչուհի Վալերիան բացատրել է Բուզովայի կյանքում տղամարդու բացակայության պատճառը14:05, 16 մայիսի
Սամվելը, Անին, Արսենն ու Հայկուհին՝ այսուհետ «Ազգային band»-ում13:16, 16 մայիսի
«Պետք է կարողանանք լսել, որ չմնանք «փահլեւան»–ի կարգավիճակում»․ Ռաֆայել Երանոսյանի նոր մոնոներկայացման պրեմիերան (Ֆոտո)12:32, 16 մայիսի
Գեւորգ Մկրտչյանն իր ծննդյան 26-ամյակին իրեն շքեղ նվեր է արել (VIDEO)11:36, 16 մայիսի
Մայրանալ պատրաստվող Հեյլի Բիբերը ցուցադրել է իր կլորիկ փորիկը