Հայաստանում սեպտեմբերի 5-ից մեկնարկել է STARMUS VI փառատոնը, որը քաղաքը լցրել է գիտական ու երաժշտական հագեցած առօրյայով։ Գիտության ոլորտի ամենատպավորիչ ու հեղինակավոր փառատոններից մեկը Երեւանում է համախմբել Նոբելյան մրցանակակիրների, բնագիտության ասպարեզի ազդեցիկ գիտնականների, աշխարհահռչակ երաժիշտների, որոնք փառատոնային օրերի շրջանակում հանդես են գալիս ելույթներով, շնորհանդեսներով ու դասախոսություններով։
Հետաքրքրական է նաեւ STARMUS-ի ետնաբեմում կատարվող անցուդարձը։ Փառատոնը նոր ու կարեւոր ծանոթությունների սկիզբ է նաեւ հայ արտիստների համար, որոնք նույն բեմում հնարավորություն են ստանում ելույթ ունենալու համաշխարհային ճանաչում ունեցող գործընկերների հետ՝ նրանց ծանոթացնելով իրենց արվեստին։ STARMUS-ի շրջանակում Հայաստանում գտնվող աշխարհահռչակ Queen խմբի կիթառահար Բրայան Մեյն, օրինակ, այնքան է տպավորվել հայկական «Նեմրա» ռոք խմբի ելույթով, որ վերջիններին ջերմ ողջույնից բացի նվիրել է նաեւ իր կիթառի մեդիատորը: «Նեմրա»-ի վոկալիստ Վանը սոցցանցային էջերում պատմել է, որ Մեյի հետ հանդիպումն անսպասլի է եղել․ երաժիշտը դրական է արտահայտվել հայկական բենդի մասին՝ նշելով, որ բեմի հակառակ կողմում վայելել է նրանց ելույթը․
«Շոկի մեջ էի, չեմ հիշում, իհարկե, կոնկրետ էլ ինչ խոսեցինք։ Հետո մեր «Hmm» ալբոմը նվիրեցինք, խոստացավ, որ կլսի։ Նկարվեցինք, շնորհակալություն, հաջողություն, շրջվեցինք, որ գնանք՝ շատ չանհանգստացնենք, բայց կանչեց, գրպանից հանեց լեգենդար sixpence մեդիատորը, որով նվագում էր…
Ամբողջ կյանքում հիշելու օր էր երեկ: Էլ ի՞նչ է պետք երջանիկ լինելու համար»,-գրել է Վանը։ Խմբի անդամները հավելել են, որ Մեյի նվերն իրենց համար թալիսման կհանդիսանա երազանքների իրականացման ճանապարհին։
Հայ երաժիշտներով տպավորվել է նաեւ Սերժ Թանկյանը։ «Նեմրա»-ի մասին Թանկյանը մեկ անգամ չէ, որ դրական է արտահայտվել՝ կիսվելով նրանց տեսահոլովակներով։ Այս անգամ SOAD-ի հանրահայտ անդամը իր էջում լուսանկար է հրապարակել Գոռ Սուջյանի ու Վանի հետ․
«Հայ երգիչները միավորված են։ Այնքան հրաշալի էր տեսնել մեր ընկերներին՝ «Նեմրա» բենդին ու Գոռ Սուջյանին՝ STARMUS-ին ելույթ ունենալիս»,-գրել է աշխարհահռչակ երաժիշտը։
STARMUS-ի շրջանակում, ի դեպ, ելույթներ են ունեցել նաեւ Սեւակ Ամրոյանը, Տիգրան Համասյանը, Անդրեյ Մակարեւիչը, հանդիսատեսի կողմից բուռն արձագանքի է արժանացել Տավուշի Թեմի մանկապատանեկան երգչախմբի կատարումը, որը Queen խմբի լավագույն երգերից ծաղկաքաղ էր։ Փառատոնը տեւելու է մինչեւ սեպտեմբերի 10` ներառյալ։
Լուսանկարները՝ «Նեմրա»-ի, Վանի, Սերժ Թանկյանի ու Էյնաթ Կլյայնի ինստագրամյան էջերից
Հետևեք NEWS.am STYLE-ին Facebook-ում, Twitter-ում և Instagram-ում
23:18, 8 մայիսի
Շամպայն, 24 կարատանոց ոսկուց խնամքի միջոցներ եւ 100,000 դոլարի շքեղություն. հանգստացեք Դուբայի լավագույն հանգստավայրում22:24, 8 մայիսի
Մայքլ Դուգլասը համեմատել է սեքսուալ տեսարանների նկարահանումները իր ծաղկման ժամանակների հետ. «Ես անցել եմ այն տարիքից, երբ պետք է անհանգստանայի»21:11, 8 մայիսի
Աշխարհի նախկին ամենահարուստ մարդը` Ուորեն Բաֆեթ. «Հաջողությունը փողի մեջ չէ, այլ նրանում է, որ սիրված լինեք նրանց կողմից, ում ցանկանում եք սիրել»20:26, 8 մայիսի
Սիլվեստր Ստալոնեի ժամացույցները կհայտնվեն աճուրդում, այդ թվում՝ նրա հավաքածուի «սուրբ գրաալը»19:27, 8 մայիսի
Նյու Յորքի Times Square-ը գլխավորում է աշխարհի ամենավատ զբոսաշրջային վայրերի ցուցակը17:13, 8 մայիսի
Ռուսաստանում բանակցություններ են ընթանում այնտեղ Քանյե Ուեսթի համերգը կազմակերպելու շուրջ16:32, 8 մայիսի
Հիսուս Քրիստոսի մանկության մասին սարսափ ֆիլմ կնկարահանվի15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին