• Քենդալ Ջենները կիսվել է գեղեցկության իր գաղտնիքներով

  Քենդալ Ջենները կիսվել է գեղեցկության իր գաղտնիքներով եւ պատմել «Ֆրանսիական աղջկա գարնանային դիմահարդարման» համար ընտրած իր սիրելի ապրանքների մասին…

• Style beauty: Glass skin – մաշկի խնամքի հանրաճանաչ միտում, որով տարված է կանանց մեծամասնությունը

  Glass skin-ը խոնավացված և անթերի մաշկ է, որն այնքան փայլուն է, որ նման է ապակու...

• Հնարավո՞ր է շտկել «անհաջող բոտոքսի» հետեւանքները

  Ոչ վիրաբուժական կոսմետիկ ընթացակարգերը վերջին տարիներին մեծ ժողովրդականություն են վայելում․․․

• Լազերային էպիլյացիայի կողմնակի ազդեցությունները. մասնագետները բացատրում

  Հանրաճանաչ ընթացակարգը, ընդհանուր առմամբ, համարվում է անվտանգ և արդյունավետ, երբ ճիշտ է իրականացվում: Այնուամենայնիվ, որոշ մարդիկ բողոքել են անցանկալի կողմնակի ազդեցություններից, ինչպիսիք են մաշկի թուլացումը կամ, ճակատագրի հեգնանքով, մազերի աճի ավելացումը....

• Style Beauty. Շուրթերի խնամքի լավագույն միջոցները, որոնք հասանելի են Երեւանում

  Իհարկե, մեզանից շատերը ծանոթ են ճաքճքված շուրթերի խնդրին։ Այս տհաճ երեւույթի պատճառները բազմաթիվ են․․․

• Style Beauty. Խխունջի մուցինը կախարդական միջոց է մաշկի խնամքի համար

  Ի՞նչ է խխունջի մուցինը․․․

• «Lip flip»-ն ընդդեմ շուրթերի ֆիլերների․ եկեք պարզենք՝ որ տարբերակն է ավելի լավ

  Համեմատաբար նոր գեղեցկության թրենդը՝ «lip flip»-ը, թափ է հավաքում: «Lip flip»-ը ոչ պաշտոնական տերմին է․․․

• Սուպերմոդել Էլ Մակֆերսոնը, ով մարտին դառնում է 60 տարեկան, կիսվել է իր գեղեցկության գաղտնիքներով

  Սուպերմոդել Էլ Մակֆերսոնը, ով մարտի վերջին դառնում է 60 տարեկան, կիսվել է գեղեցկության իր գաղտնիքներով․․․

Միցելյար ջուրը դեմքի «կրկնակի մաքրման» պրոցեսի առաջին քայլն է։ Նույնիսկ եթե սրվակի վրա գրված է, որ այն չի պահանջում լվացում, չի թողնում թաղանթ, խոնավեցնում, սնուցում եւ երիտասարդացնում է, այն պետք է ԱՆՊԱՅՄԱՆ լվանալ, նույնիսկ եթե դուք չեք դիմահարդարվում: Որովհետեւ ոչ մի, նույնիսկ ամենաթանկ «միցելարն» ամբողջությամբ չի հեռացնելու դիմահարդարումը ձեր դեմքից եւ ամբողջ կեղտը, որը կպել է ձեր դեմքին օրվա ընթացքում: Այդ իսկ պատճառով հիմնական կանոնը՝ դիմահարդարումը հեռացնելուց հետո, անպայման լվացեք ձեր դեմքը գելով, լվացվելու համար նախատեսված փրփուրով: Հակառակ դեպքում ձեզ սպասվում են խցանված ծակոտիներ, գրգռվածություն, բշտիկներ եւ այլ տհաճ հետեւանքներ։ Այսօր NEWS.am STYLE-ը «փորձարկել» է մի քանի միջոց, որոնք առկա են հայկական շուկայում։

Nivea ապրանքանիշի միցելյար ջուր նորմալ մաշկի համար։ Արժեքը մոտ 3000 դրամ

Արտադրողը պնդում է, որ այս «միցելարը» արդյունավետորեն հեռացնում է դիմահարդարումը, փափկեցնում եւ հանգստացնում է մաշկը ու «լվացում չի պահանջում»։ Դրական կողմն այն է, որ այն չի պարունակում օծանելիք: Սա երեւի միակ պլյուսն է ինձ համար։ Օգտագործելուց հետո դեմքս այրվեց, կար սեղմվածության զգացում։ Նրա դիմահարդարումը հեռացնելու ունակությունը նույնպես տպավորիչ չէր, այն ավելի շատ նման էր դեմքին լղազված «տոնայինի»:

Garnier՝ գինը մինչեւ 2800 դրամ

Անձամբ ես նախընտրում եմ Garnier ապրանքանիշի յուղերով միցելյար ջրերը։ Այս հավաքածուն ավելի հարմար է իմ մաշկին։ Չի ձգում, չի գրգռում, հիանալի հեռացնում է  դիմահարդարումը եւ արեւապաշտպան քսուքը։ Եվ չնայած արտադրողը պնդում է, որ իր արտադրանքը չի պահանջում հավելյալ լվացում, ինչպես նշված է վերեւում, այս դեպքում չպետք է լսել նրան:

L'Oreal․  «Hyaluron Expert» միցելյար ջուր՝ արժեքը 3000-ից 3500 դրամ

Իմ կարծիքով՝ սա բյուջետային ամենալավ «միցելյարն» է։ Պարունակում է հիալուրոնաթթու, որն օգնում է պահպանել մաշկի խոնավությունը: Հիանալի հեռացնում է դիմահարդարումը, չի գրգռում։ Մաշկը հանգստանում է նույնիսկ այն ժամանակ, երբ դուք պարզապես լվանում եք «միցելյար ջուրը»։

Bioderma Sensibio H2O. արժեքը սկսած 8000 դրամից՝ կախված ծավալից

Իմ կարծիքով՝ թվարկվածներից ամենաարդյունավետն է։ Պարունակում է պրոբիոտիկներ, վարունգի էքստրակտ, որոնք իդեալական են մաշկը հանգստացնելու համար։ Դիմահարդարումը միանգամից հեռացնում է։ Զգացողությունից է , կարծես մաշկը սկսում է «շնչել»: Միակ բացասական կողմը գինն է։  

P.S. Վերոնշյալ բոլորը ապրանքները հեղինակը փորձարկել է իր վրա: Չպետք է մոռանալ, որ բոլորի մաշկը տարբեր է, եւ արձագանքը յուրաքնչյուր ապրանքի վերաբերյալ կարող է տարբեր լինել։ Այնուամենայնիվ միցելյար ջուրը չլվանալու միակ արդարացումը շատ բուռն ու հարբած գիշերն է։ Մնացած դեպքերում ձեր մաշկը վաղ թե ուշ ձեզնից «վրեժ կլուծի»։

Ձեր՝ Լ․Վ․

Հետևեք NEWS.am STYLE-ին Facebook-ում, Twitter-ում և Instagram-ում