• Քենդալ Ջենները կիսվել է գեղեցկության իր գաղտնիքներով

  Քենդալ Ջենները կիսվել է գեղեցկության իր գաղտնիքներով եւ պատմել «Ֆրանսիական աղջկա գարնանային դիմահարդարման» համար ընտրած իր սիրելի ապրանքների մասին…

• Style beauty: Glass skin – մաշկի խնամքի հանրաճանաչ միտում, որով տարված է կանանց մեծամասնությունը

  Glass skin-ը խոնավացված և անթերի մաշկ է, որն այնքան փայլուն է, որ նման է ապակու...

• Մարկ Ցուկերբերգն ապացուցում է, որ մորուքով տղամարդիկ ավելի գրավիչ են

  Մորուքով տղամարդիկ ավելի գրավիչ են։ Մարկ Ցուկերբերգի խմբագրված լուսանկարը․․․

• Աշխարհում սերմնահեղուկի ամենամեծ բանկը, որտեղ ամսական կարող եք վաստակել 420 ֆունտ, կենտրոն է բացել Մեծ Բրիտանիայում

  Cryos International-ը աշխարհում սերմի եւ ձվաբջիջների ամենամեծ բանկն է, որն առաջարկում է առաքում ավելի քան 100 երկիր, եւ այն ընտրել է Մանչեսթերը՝ որպես Մեծ Բրիտանիայում իր առաջին գրասենյակի վայր․․․

• Լռությունը ոսկի է. «Խոսքի ծոմապահությունը» օգտակար է առողջությանը

  Շոտլանդացի երգչուհի Լուլուն «խոսքի ծոմապահություն» է կիրառում՝ մինչեւ կեսօր ամբողջովին լուռ է մնում…

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Հնարավո՞ր է շտկել «անհաջող բոտոքսի» հետեւանքները

  Ոչ վիրաբուժական կոսմետիկ ընթացակարգերը վերջին տարիներին մեծ ժողովրդականություն են վայելում․․․

• Լազերային էպիլյացիայի կողմնակի ազդեցությունները. մասնագետները բացատրում

  Հանրաճանաչ ընթացակարգը, ընդհանուր առմամբ, համարվում է անվտանգ և արդյունավետ, երբ ճիշտ է իրականացվում: Այնուամենայնիվ, որոշ մարդիկ բողոքել են անցանկալի կողմնակի ազդեցություններից, ինչպիսիք են մաշկի թուլացումը կամ, ճակատագրի հեգնանքով, մազերի աճի ավելացումը....

Հայազգի հայտնի կոսմետոլոգ Սիրուն Մինասը հատուկ NEWS.am STYLE-ի համար կիսվում է գեղեցկության գաղտնիքներով եւ խոսում ցանկացած տարիքում մաշկի խնամքի կարեւորության մասին։

«Չկան ունիվերսալ պրոցեդուրաներ, քանի որ ամեն ինչ կախված է տարիքից, մաշկի վիճակից եւ կոնկրետ խնդիրներից: Իմ այցելուների մոտ ամենահայտնի պրոցեդուրան բոտոքսի ներարկումն է, քանի որ այն արագ է, ցավազուրկ, վերականգնման շրջան չի պահանջում, ինչպես նաեւ շատ արդյունավետ է տարիքային արտահայտչական գծերի համար։ Արդեն երկրորդ օրը տեսանելի է արդյունքը՝ դեմքն ավելի թարմ է թվում, մաշկը դառնում է ավելի առաձգական»,-նշում է Մինասը։

Ինչպես են հայ տղամարդիկ հետեւում իրենց

Հաճախ մեր հաճախորդներն իրենց ամուսիններին բերում են «Ես ջահել եմ, թող ինքն էլ լինի» ենթատեքստով։ Տղամարդիկ նույն խնամքի կարիքն ունեն, ինչ կանայք։ Նրանք նույնպես ծերանում են, նրանց մաշկը նույնպես կորցնում է առաձգականությունը, եւ խնամքի կարիք ունի։ Շատ երիտասարդներ գալիս են խնամքի, մաշկի մաքրման, պիլինգի եւ այլնի համար։ Իսկ ներարկումները, բոտոքսը եւ ֆիլլերը նախընտրում են 35+ տղամարդիկ, ովքեր արդեն սկսում են փոփոխություններ նկատել եւ ուզում են ինչ-որ բան շտկել։

Առասպելներ եւ կարծրատիպեր

Ամենից շատ առասպելներին հավատում են չափահաս կանայք, ովքեր երբեք որեւէ պրոցեդուրա չեն կատարել եւ դրանք ընկալում են, որպես կախարդական փայտիկ, որն առաջին իսկ պրոցեդուրայից հետո ամբողջությամբ կփոխի իրենց դեմքը։

Խնամքը չպետք է սկսվի 45-ից: Այն սկսվում է ծննդից, երբ, օրինակ, մայրը լողանալուց հետո երեխայի մաշկը մերսում է քսուքներով եւ յուղերով։ Դեռահաս տարիքում սկսվում են պզուկներն ու ցաները, որոնք նույնպես պետք է վերահսկվեն։ Մաշկը խնամքի կարիք ունի ցանկացած տարիքում։

Արդյունքը պահպանելու համար խնամքը պետք է կանոնավոր լինի։ Ավելի լավ է տնային պայմաններում կանոնավոր մաշկի խնամք իրականացնել, քան մի քանի տարին մեկ կոսմետոլոգի մոտ հաճախել:

Մաշկի խնամքի հիմնական խորհուրդներ՝ Սիրուն Մինասից

Արեւապաշտպան քսուք ամբողջ տարին։

Օրգանիզմում ջրի հավասարակշռության պահպանում. Օրական 7-8 բաժակ ջուր։

Վերացնել ծխելը. Ծխելը բացասաբար է անդրադառնում ամբողջ օրգանիզմի վրա, սակայն մաշկի վրա ծխելու ազդեցությունը դրսեւորվում է դրա դեղնավուն երանգով եւ առաձգականության կորստով, ինչը հրահրում է կնճիռների ավելի արագ զարգացմանը:

Տնային խնամք. կողմ եւ դեմ

Ես միշտ կողմ եմ դրան, քանի որ ավելի լավ է ինչ-որ բան անել մաշկի խնամքի համար, քան ոչինչ չանել: Նույնիսկ, եթե դա տատիկի ինչ-որ բաղադրատոմս է, եթե վստահ եք, որ այն չի վնասի, ապա, իհարկե, ավելի լավ է օգտագործել այն։ Կարեւորը՝ այն անվնաս լինի: Այս դեպքում օգտակար է խորհրդակցել կոսմետոլոգի հետ, ով կուղղորդի եւ կընտրի խնամքը՝ ըստ մաշկի տեսակի եւ խնդիրների։

Ցանկացած կոսմետիկ պրոցեդուրա պետք է անցնի կլինիկական փորձարկումներ։ Եթե ​​դուք չեք գտնում ընթացակարգի մասին տեղեկատվություն կամ դրա մասին ակնարկներ, ապա ավելի լավ է ռիսկի չդիմել եւ ընտրել փորձարկված ապրանքներ եւ պրոցեդուրաներ:

Զրուցեց Ռեգինա Մելիքյանը
Լուսանկարները՝ Նաստյա Շեւչենկո (photonastya.am)

Հետևեք NEWS.am STYLE-ին Facebook-ում, Twitter-ում և Instagram-ում