«Միսս Տիեզերք Արմենիա 2020» Մոնիկա Գրիգորյանին շատերս գիտենք սոցիալական հարթակներից, որտեղ նա կիսվում է իր առօրյա կյանքով։
Բազմիցս խոսվել է, թե ինչպես երիտասարդ աղջիկը Վանաձորից տեղափոխվեց մայրաքաղաք և կարճ ժամանակահատվածում գրավեց շատերի սրտերն ու հայտնիություն ձեռք բերեց։ NEWS.am STYLE-ի հետ զրույցում Մոնիկան նշեց, որ չի համարում իրեն բլոգեր, սակայն մեծ պատասխանատվությամբ է վերաբերվում սոցիալական հարթակներին և այն ամենին, ինչով կիսվում է իր բազմահազարանոց լսարանի հետ։
Մրցույթներ, նկարահանումներ, պոդիում․․․ այս ամենից զատ Մոնիկան ստեղծել է իր փոքրիկ բիզնեսը, որի մասին էլ զրուցել ենք նրա հետ: Այսօր Մոնիկան ունի իր բրենդը, իսկ ստեղծման, ռիսկերի, հաջողության եւ մոտիվացիայի մասին լսենք հենց իրենից։
Մոնիկա, ինչպե՞ս ծագեց բիզնես ստեղծելու միտքը։
Երկար ժամանակ ես ու քույրս մտածում էինք մեր փոքրիկ բիզնեսը հիմնելու մասին, բայց դժվարանում էինք կողմնորոշվել ինչ պետք է դա լիներ։ Հստակ գիտեի, որ ինչ էլ լիներ,պետք է մոտ լիներ ինձ և իմ աշխատանքին։ Որոշեցինք, որ դա լինելու է երեկոյան զգեստների բրենդ, և քանի որ քույրս հագուստի դիզայներ է, մեր գործն ավելի հեշտացավ։ Լինելով ոլորտում՝ հասկացա, որ Հայաստանում մեծ պահանջարկ կա նմանատիպ զգեստների։
Ավելի բարդ էր բրենդինգը։ Անվանումը շատ պատահական ծնվեց (ծիծիաղում է), MonTev – իմ և քրոջս անուններից՝ Մոնիկա և Տաթև։ Շատ կարևոր էր փաթեթավորման և մատուցման ճիշտ ընտրությունը։
Ֆինանսական առումով բա՞րդ չէր երիտասարդ աղջկան հիմնել բիզնես՝ զրոյից։
Բարդություններ, իհարկե, եղել են եւ կան, բայց դրանք բոլորը հաղթահարելի են, եթե ունես նպատակ, ցանկություն եւ համբերատարություն։ Ֆինանսական բարդությունները հենց սկզբից են եղել, քանի որ պետք էր մեծ գումարներ ներդնել, իսկ արդյունքում կստացվեր, թե ոչ, դեռ պարզ չէր։ Հիմա արդեն ժպիտով եմ հիշում այդ ամենը․ ամեն ինչ ստացվեց։
Այս պահին աշխատում ենք միայն օնլայն հարթակում՝ օգտագործելով իմ մեծ լսարանը։ Խանութ-սրահ բացելու մասին առայժմ չենք մտածում, քանի որ դա մեծ ֆինանսների հետ է կապված։
Ցուցադրված տեսականին տարբերվող է, ընտրել ենք այնպիսի հագուստներ, որոնք դուր կգան յուրաքանչյուրին։ Հիմնականում աշխատում ենք պատվերով, բայց կա նաեւ առկա տեսականի։
Բրենդը նոր է, դեռ շատ անելիքներ ունենք, հուսով եմ՝ որոշ ժամանակ անց կհասնենք բարձր արդյունքների եւ ավելի շատ ասելու բան կունենանք։
Իսկ ի՞նչ կարող ես խորհուրդ տալ այն երիտասարդներին, ովքեր ցանկանում են հիմնել իրենց բիզնեսը։
Շատ կարեւոր է մոտիվացված լինելը։ Երբ խոսքը վերաբերում է նպատակներին հասնելուն, մոտիվացիան շատ մեծ դեր է խաղում: Պետք է մոտիվացված լինենք ցանկացած հաջողության հասնելու համար: Հենց դա է այն գլխավոր պատճառներից մեկը, որն ինձ առաջ մղեց դեպի նպատակի իրագործում: Եվ շատ կարճ ժամանակում ես կարողացա հասնել այն փոքրիկ երազանքներիցս մեկին, որը մեծ ապագայի սկիզբ է լինելու: Երբեմնի պատկերացումներում գոյություն ունեցող MonTev-ն այսօր այլեւս իրականություն է եւ դեռ երկար ճանապարհ ունի անցնելու:
Երբեք չհուսահատվե´ք եւ հետ չկանգնե´ք ճանապարհի կեսից: Յուրաքանչյուր տեղ դժվարություններն ու ձախողումները շատ են, բայց ամենագլխավորը` առաջ շարժվելն ու հետ չնայելն է: Եղեք ինքներդ Ձեր մոտիվացիան՝ ձգտելով հասնել Ձեր իսկ լավագույն տարբերակին, եւ ամեն բան կստացվի աշխատասիրության եւ համառ կամքի շնորհիվ։
Մանե Գեւորգյան
Լուսանկարները՝ Մոնիկա Գրիգորյանի Facebook-յան էջից
Հետևեք NEWS.am STYLE-ին Facebook-ում, Twitter-ում և Instagram-ում
15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել11:23, 8 մայիսի
Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները10:46, 8 մայիսի
Շակիրան Met Gala-ի after-pary-ին ներկայացել էր ատլասե սպիտակ զգեստով10:17, 8 մայիսի
Meta Gala 2024-ի after-party-ն. «մերկ» հանդերձանքներ եւ վայրի պարեր09:00, 8 մայիսի
ՄԱՅԻՍԻ 8-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ01:29, 8 մայիսի
Հայտնի են «Եվրատեսիլ 2024»-ի առաջին կիսաեզափակիչը հաղթահարած 10 երկրները