«Սրտի վալետ». նոր հումորային սիթքոմի մանրամասները. BACKSTAGE

Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տոն՝ օղու սիրահարների համար․ Septemberfest մրգօղու փառատոնը վերադառնում է Տավուշի մարզ

12:31, 8 սեպտեմբերի

Մրգօղին կարող է դառնալ հայկական բրենդ, իսկ փառատոններ պետք է անցկացվեն ոչ միայն Երեւանում, այլեւ մարզերում՝ ասում է քաղտեխնոլոգ Կարեն Քոչարյանը, որի նախաձեռնությամբ սեպտեմբերի 23-ին Կողբում երկրորդ անգամ տեղի կունենա մրգօղու փառատոն՝ Septemberfest-ը։ 

Առաջին անգամ փառատոնն անց է կացվել 2019 թ-ին, եւ, ըստ Կարեն Քոչարյանի, անցել է բարձր մակարդակով։ «Այն ժամանակ դեռ այսքան շատ փառատոններ չկային։ Մեզ համար կարեւոր էր շեշտել, որ փառատոններն անցնում են ոչ միայն Երեւանում, այլեւ սահմանամերձ մարզերում, իսկ Տավուշի մարզն այն վայրն է, որտեղ աճում են, գրեթե, բոլոր մրգերն ու հատապտուղները, որոնցից հնարավոր է օղի ստանալ՝ այն օղին, որը շատ սիրված ու ճանաչված է ոչ միայն հայաստանցիների, այլեւ մեր հյուրերի կողմից»,-NEWS.am STYLE-ի հետ զրույցում նշեց Քոչարյանը։ Նրա խոսքով՝ ի սկզբանե միտում են ունեցել փառատոնը դարձնել ամենամյա, սակայն հասկանալի պատճառներով (պատերազմ, քովիդ) 2019-ին հաջորդող տարիներին չստացվեց։ 

350133275_196338223373548_2491395475000320708_n.jpg (181 KB)

Այս տարի Septemberfest-ը վերադառնում է նոր աշխուժությամբ․ այն հետաքրքիր տոնակատարություն կլինի ինչպես հայաստանցիների, այնպես էլ՝ հյուրերի համար։ 

«Փառատոնի նպատակն է, որ հայկական մրգօղին դառնա բրենդ, եւ որ մենք հասկանանք՝ բացի Երեւանից կան նաեւ այլ բնակավայրեր, որտեղ եւս պետք է ենթակառուցվածքներ զարգացնել»։ 

Անդրադառնալով փառատոնի անվան ընտրությանը՝ Կարեն Քոչարյանը հավելեց,-«Դրա շուրջ երկար չենք մտածել, որովհետեւ կա համաշխարհային Septemberfest գարեջրի փառատոնը, մենք էլ այն կազմակերպեցինք սեպտեմբերին, որպեսզի մարդկանց ավելի հասկանալի լինի, թե ինչի մասին է խոսքը»։ 

299183418_559216139328960_7263300227835052054_n.jpg (277 KB)

Այս տարվա Septemberfest-ին ներկայացված կլինեն 50-70 փոքր, միջին, մեծ ընկերություններ, նաեւ՝ անհատներ։ Փառատոնը կունենա նաեւ մշակութային հատված։ «Կլինեն տեղական մշակութային կենտրոնների ներկայացուցիչներ, տաղավարներ կտրամադրվեն մշակութային հատվածին, կներկայացվեն նկարներ, քանդակներ, կավե գործեր։ Ամբողջ ընթացքում կաշխատի Dj-ը, վերջում կլինի համերգ՝ Արսեն եւ Արթուր Սաֆարյանների մասնակցությամբ»։

362235467_783224576928114_333054533073228618_n.jpg (196 KB)

Տավուշի մարզի Կողբ գյուղը սեպտեմբերի 23-ին՝ առավոտյան ժամը 10:30-ից կսպասի իր հյուրերին։ «Քանի որ մրգօղու փառատոն է, այնպես ենք հաշվարկել, որ մարդիկ, ովքեր այլ շրջաններից են գալու, շաբաթ օրը կարողանան մնալ, եւ կիրակի վերադառնալ։ Գիշերակացի հարցը լուծվում է, որովհետեւ Կողբում բազմիցս անցկացվել են խոշոր միջոցառումներ, եւ գիշերակացի համար նախատեսված համալիրներ այնտեղ արդեն կան»,-հավելեց Կարեն Քոչարյանը՝ նշելով՝ այս փառատոնը Կողբում դառնալու է ամենամյա գեղեցիկ ավանդույթ։  

Սյունե Առաքելյան

Լուսանկարները՝ փառատոնի ֆեյսբուքյան էջից


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել