Նոյեմբերի 7-ին Հ.Պարոնյանի անվան երաժշտական կոմեդիայի պետական թատրոնում տեղի կունենա «Գրավիտացիա»՝ Մկրտիչ Արզումանյանի ներկայացմամբ։ Դերասանի նոր մոնոներկայացումը մեր անցյալի, ներկայի ու վաղվա օրվա մասին է։ Նրա խոսքով՝ նոր աշխատանքով բեմից փորձելու է ցույց տալ այն խնդիրները, որոնք մեզ հուզում են:
«Իմ մեջ շատ մտքեր եմ «եփել», հիմա պահը հասունացել է, որ, վերջապես, այդ ամենով կիսվեմ հանդիսատեսի հետ»,-NEWS.am STYLE-ի հետ զրույցում նշեց Մկրտիչ Արզումանյանը,-«Սա շատ բարդ ժանր է, դերասանի համար գերծանր խնդիր է, եւ դու պետք է կարողանաս դերդ ճիշտ բաշխելով սկզբից մինչեւ վերջ լինես հետաքրքիր, որ խոսքդ տեղ հասնի, կերպարի հուզումները, ներքին աշխարհը կարողանաս բացահայտել հանդիսատեսի համար»։
Պիեսի հեղինակը Նարեկ Ավագյանն է, բեմադրող ռեժիսորը՝ Կարո Բալյանը։ ««Գրավիտացիան» տարբեր մտքերից առաջացած կոլեկտիվ աշխատանքի արդյունք է: Նարեկն ու Կարոն իմ շատ լավ ընկերներն են, որոնց հետ բազմիցս դժվար նախագծեր եմ անցել, եւ, ի ուրախություն ինձ, կարողացանք համախմբվել նաեւ այս նախագծի շուրջ, որն իր մեջ շատ հաղորդագրություններ է պարունակում»:
Ներկայացման հերոսը ֆիզիկոս Գեւորգ Համբարձումյանն է, ով արժանացել է Նյուտոնի անվան համաշխարհային մրցանակաբաշխության գլխավոր մրցանակին՝ «Ոսկե խնձորին»: Եվ նա ունի ընդամենը 20 վայրկյան, որպեսզի ասի ամեն ինչ, ինչ մտածում է: Նա ունի իր բազմաթիվ հարցերի պատասխանները, եւ գիտի՝ ինչպես փոխել իրողությունը, բայց անկարող է փոխել իր անկումը, քանի որ գրավիտացիան անում է իր գործը, եւ անկումն անկասելի է…
«Այս կերպարն ինձ կարճ ժամանակահատվածում հարազատ դարձավ։ Նա բազմաթիվ կոչումների արժանացած ֆիզիկոս է, որն, ինչպես շատ գիտնականներ, Հայաստանում իր տեղը չգտնելով, իրեն պահանջված չզգալով՝ ստիպված լքել է երկիրը: Միեւնույն ժամանակ նա շատ հայրենասեր է, եւ տանջվում է այն մտքից, որ լքել է հայրենիքը, անընդհատ նշում է, որ ինքը հայ է, թեեւ փորձում են խեղաթյուրել իր ծագումը: Նա գրավիտացիայի միջոցով փորձում է ներկայացնել այն ամենը, ինչի միջով անցել ենք, ինչ մեզ հետ տեղի է ունենում, եւ, գուցե, տեղի ունենա ապագայում»,-մանրամասնեց դերասանը՝ նշելով, որ տրագիկոմեդիան, առհասարակ, իր սիրելի ժանրերից է։ Մկրտիչ Արզումանյանի խոսքով՝ ներկայացումը կփոխանցի ծիծաղ, միեւնույն ժամանակ կհուզի հանդիսատեսին ու մտածելու առիթ կտա։
Ներկայացման պրեմիերան ավելի վաղ պետք է կայանար, բայց հետաձգվել էր սեպտեմբերի 19-ին Արցախում տեղի ունեցած դժբախտ իրադարձությունների պատճառով, որոնց, ի դեպ, չի շրջանցել ստեղծագործական կազմը։
«Իհարկե, վերջին դեպքերն էլ ենք ներառվել, եւ սա, առհասարակ, այնպիսի պիես է, որը, գուցե, ժամանակի հետ էլի փոխվի, հղկվի եւ ներառի այլ իրադարձություններ։ Ուզում եմ նաեւ հատուկ շնորհակալություն հայտնել «Շանթ» հեռուստաընկերությանը, որը մեծ պատրաստակամություն ցուցաբերեց ներկակացումն իրականացնելու հարցում»,-նշեց դերասանը։
Պիեսի բեմադրող նկարիչը Արեւ Պետրոսյանն է, կոմպոզիտորը՝ Անահիտ Մնացականյանը, հագուստի նկարիչը Յուլիա Ֆինկն է, պաստառը՝ Արվին Քոչարյանի, նախագծի հեղինակ եւ պրոդյուսեր՝ Մկրտիչ Արզումանյան։
Սյունե Առաքելյան
Հետևեք NEWS.am STYLE-ին Facebook-ում, Twitter-ում և Instagram-ում
23:36, 25 մայիսի
Վաչե Թովմասյանի ու Կարեն Կարագուլյանի մասնակցությամբ «Անորա» ֆիլմն արժանացավ Կաննի կինոփառատոնի մրցանակին20:27, 25 մայիսի
Stand Up Level Up–ը նոր ձեւաչափ է հայկական հումորի դաշտում․ Stand Up–ի պրեմիերան, հայտնի հյուրերն ու լուսանկարները19:42, 25 մայիսի
Wine Story. Գինու և կինոյի երեկո. ֆիլմի ժանրին համապատասխան խմիչքի ընտրություն14:45, 25 մայիսի
Սիրուշոն Մոսկվայում է․ երգչուհին Ռուսաստանում հանդես կգա համերգներով14:05, 25 մայիսի
Վիրտուոզ ջութակահար Արա Մալիկյանը համերգով կվերադառնա Երեւան13:17, 25 մայիսի
Բրյունետի համարձակ ու ոճային կերպարները՝ Superstar Illness նոր տեսահոլովակում12:14, 25 մայիսի
Լեդի Գագան հայտնվել է մեքենայի դետալով պատրաստված հանդերձանքով11:31, 25 մայիսի
«Ազգային երգիչ 2»-ի մեծ համերգը, Սամվելի նոր երգը, ու մասնակիցներն՝ իրենց նոր բենդի մասին (VIDEO)10:52, 25 մայիսի
Հոլիվուդյան հայտնի դերասան Ջո Մանգանիելոն Հայաստանում է10:30, 25 մայիսի
Էլիզաբեթ Հերլին Christian Dior-ի ներքնազգեստով ցուցադրել է իր՝ տարիքին հակասող կազմվածքը09:00, 25 մայիսի
ՄԱՅԻՍԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:11, 24 մայիսի
Քելլի Ռոուլենդը հիացրել է ոսկյա կրծկալով նոր լուսանկարներով