«Նոր ալիքի» կայքը շտկեց քվեարկության արդյունքները. «Հանդիսատեսի համակրանքը» Սոնա Ռուբենյանինն է
18:44 27 հուլիսի, 2014NEWS.am STYLE-ը տեղեկացրել էր, որ «Նոր ալիք» միջազգային երգի մրցույթի պաշտոնական կայքում ավարտվել է «Հանդիսատեսի համակրանք» մրցանակի համար քվեարկությունը եւ որ քվեարկության արդյունքներով հաղթող է ճանաչվել Լիտվան ներկայացնող Մոնիկա Լինկտեն:
Քվեարկությունը պետք է ավարտվեր ժամը 12:00-ին, սակայն ինչ-ինչ պատճառներով երկարաձգվել էր մինչեւ 17:00-ն: Ի դեպ, 12:00-ի արդյունքներով՝ առաջին տեղում մեր երկրի ներկայացուցիչն էր՝ Սոնա Ռուբենյանը:
Մեր կայքում լուրը տեղադրելուց հետո, «Նոր ալիք» կայքից անհետացան քվեարկության արդյունքները, բայց մենք հասցրել էինք սքրին շոթ անել արդյունքներով էջը:
Քիչ առաջ, սակայն, «Նոր ալիքի» կայքում հայտնվեցին միանգամայն այլ տվյալներ, ըստ որոնց՝ «Հանդիսատեսի համակրանք» անվանակարգում հաղթող է ճանաչվել Սոնա Ռուբենյանը:
